ପ୍ରମୂଖ ଖବର
  • ମାଲକାନଗିରି ସୀମାନ୍ତରେ ବଡ ଧରଣର ଅପରେସନ୍, ସୁରକ୍ଷାକର୍ମୀଙ୍କ ଏନ୍‌କାଉଣ୍ଟରରେ ୮ ମାଓବାଦୀ ନିହତ
  • ||
  • କଇଁଛ ଚୋରା ଚାଲାଣ ବେଳେ ଚାରି ଜଣକୁ ଧରିଲା ଝରିଗାଁ ବନ ବିଭାଗ।
  • ||
  • ଚିଲିକାରେ ପୁଣି ଫସିଲା ଡଙ୍ଗା, ୧୦ ବାଇକ୍ ସହ ୨୦ରୁ ଅଧିକ ଯାତ୍ରୀ ଥିବା ସୂଚନା
  • ||
  • ରାମମନ୍ଦିରକୁ ବୋମାରେ ଉଡ଼ାଇଦେବାକୁ ଜୈସ୍‌-ଇ-ମହମ୍ମଦ ଧମକ, ଅଯୋଧ୍ୟାରେ ହାଇଆଲର୍ଟ
  • ||
  • କୁଏତରୁ ଓଡ଼ିଶା ଫେରିଲା ୨ଯୁବକଙ୍କ ମୃତଦେହ, ୪ ଲକ୍ଷ ଟଙ୍କାର ସହାୟତା ରାଶି ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • ଖୋର୍ଦ୍ଧା: ଭାରସାମ୍ୟ ହରାଇ ଓଲଟିଲା ବସ୍, ୪ ଆହତ
  • ||
  • ନିଧି ଫାଇନାନ୍ସ ଠକେଇ ମାମଲା: ତୁଷାର ଭଞ୍ଜଙ୍କ ସରିଲା ରିମାଣ୍ଡ, ଇଓଡବ୍ଲ୍ୟୁ ନିରାଶ
  • ||
  • ରଜ ସଂକ୍ରାନ୍ତିରେ ଘରେ ଘରେ ମଉଜ: ପିଠା ପଣାରେ ମହକୁଛି ଗାଁଠୁ ସହର, ସବୁଠି ଉତ୍ସବ ମୁଖର
  • ||
  • ଓଡ଼ିଶାରେ ଆଗେଇବ ମୌସୁମୀ: ୧୭ରୁ ପ୍ରବଳ ବର୍ଷା ଆଶଙ୍କା, ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ନିଶ୍ଚିତ ରୂପେ ଆସିବ ପରବର୍ତ୍ତୀ ମହାମାରୀ, ଚେତାବନୀ ଦେଲେ ବ୍ରିଟେନ୍‌ ବୈଜ୍ଞାନିକ

ଲଣ୍ଡନ: କରୋନା ମହାମାରୀର ଦୁଃଖ ଏବେ ବି ଜନମାନସରୁ ଲିଭିନାହିଁ । ଆଉ ଏହାରି ଭିତରେ ବ୍ରିଟେନର ଜଣେ ବୈଜ୍ଞାନିକଙ୍କ ଚେତବାନୀ ଚିନ୍ତାର କାରଣ ପାଲଟିଛି । ସେ କହିଛନ୍ତି, ପରବର୍ତ୍ତୀ ମହାମାରୀ ନିଶ୍ଚିତ ରୂପେ ଆସିବ ।   ବ୍ରିଟେନ ସରକାରଙ୍କ ପୂର୍ବତନ ମୁଖ୍ୟ ବୈଜ୍ଞାନିକ ପରାମର୍ଶଦାତା ସାର୍‌ ପ୍ୟାଟ୍ରିକ୍‌ ଭ୍ୟାଲେନ୍ସ ଚେତାବନୀ ଦେଇ କହିଛନ୍ତି ଯେ, ଆଉ ଏକ ମହାମାରୀ ନିଶ୍ଚିତ ଭାବେ ଆସିବ । ଆଉ ଏଥିପାଇଁ ସରକାର ସଜାଗ ରହିବା ଅତି ଜରୁରି । ଦେଶରେ ଆଉ ଏକ ସଂକ୍ରମଣକୁ ଚିହ୍ନଟ କରିବା ଲାଗି ପର୍ଯ୍ୟାପ୍ତ ଭିତ୍ତିଭୂମି ବିକାଶ କରିବାକୁ ପୋଓ୍ବେଜ୍‌ରେ ଆୟୋଜିତ ହେ’ ଉତ୍ସବରେ ସରକାରଙ୍କୁ ଭ୍ୟାଲେନ୍ସ ପରାମର୍ଶ ଦେଇଛନ୍ତି ।

 ଏହା ସହ ଆମେ ଏପର୍ଯ୍ୟନ୍ତ ସଜାଗ ହୋଇନାହାନ୍ତି ବୋଲି ସେ କହିଛନ୍ତି । ୨୦୨୧ରେ ଜି-୭ ବୈଠକରେ ସେ ଦେଇଥିବା ସନ୍ଦେଶକୁ ଦୋହରାଇବା ସହ ଏବେ ସମଗ୍ର ବିଶ୍ବର ସହଯୋଗ ଦରକାର ବୋଲି ସେ ଦାବି କରିଛନ୍ତି । ବିଶ୍ବ ସମୂହଙ୍କ ସହାୟତାରେ ଟେଷ୍ଟିଂ ଉପରେ ଅଧିକ ଗୁରୁତ୍ବ ଦିଆଯିବା ଦରକାର ବୋଲି ସେ କହିଛନ୍ତି । ଟେଷ୍ଟିଂ ସହିତ ଭ୍ୟାକ୍ସିନ ଏବଂ ଚିକିତ୍ସା ଭିତ୍ତିଭୂମି ଉପରେ ଜୋର ଦେଇଛନ୍ତି ଭ୍ୟାଲେନ୍ସ । 

 ‘ଗାର୍ଡିଆନ୍‌’ରେ ପ୍ରକାଶିତ ରିପୋର୍ଟ ଅନୁସାରେ, ପ୍ୟାଟ୍ରିକ୍‌ ଭ୍ୟାଲେନ୍ସ ସେନାକୁ ସଜାଗ କଲା ଭଳି ପରବର୍ତ୍ତୀ ମହାମାରୀ ପାଇଁ ପ୍ରସ୍ତୁତ ରହିବାକୁ ପରାମର୍ଶ ଦେଇଛନ୍ତି । ସେ ଆହୁରି କହିଛନ୍ତି ଯେ, ‘ଆମେ ଜାଣିଛନ୍ତି ଆମ ପାଖରେ ସେନା ରହିଛି । ଏହାର ଅର୍ଥ ନୁହେଁ ଯେ ଚଳିତ ବର୍ଷ ସେମାନେ ଯୁଦ୍ଧକୁ ଯିବେ । ଏହା ଆମ ଦେଶର ସୁରକ୍ଷା ପାଇଁ ନିହାତି ଜରୁରି । ସେହିଭଳି ସମ୍ଭାବ୍ୟ ମହାମାରୀକୁ ନଜରରେ ରଖି ଆମେ ପ୍ରସ୍ତୁତ ରହିବା ଆବଶ୍ୟକ ।’ 

 ସେପଟେ ମହତ୍ବପୂର୍ଣ୍ଣ ପ୍ରସଙ୍ଗ ଉପରେ ନିରନ୍ତର ଧ୍ୟାନ ଦିଆଯାଉନଥିବାରୁ ଉଦବେଗ ପ୍ରକାଶ କରିଛନ୍ତି ଭ୍ୟାଲେନ୍ସ । ଏହାକୁ ଜି-୭ ଏବଂ ଜି-୨୦ ଏଜେଣ୍ଡାରେ ସର୍ବଦା ସାମିଲ କରାଯିବା ଦରକାର । ଯଦି ଏଭଳି ନହୁଏ ତେବେ ଆଗାମୀ ଦିନରେ ପରିସ୍ଥିତି ଖରାପ ହୋଇପାରେ । ଆଗାମୀ ସମୟରେ ମହାମାରୀ ନିଶ୍ଚିତ ଆସିବ ଏହା କେବଳ ସମୟ ଉପରେ ନିର୍ଭର କରେ ବୋଲି କହିଛନ୍ତି ପ୍ୟାଟ୍ରିକ୍‌ ଭ୍ୟାଲେନ୍ସ ।

 

  • Covid
  • Britain
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.