ମୁମ୍ୱାଇ : ଇଦ୍ ଓ ସଲମାନ ଖାନଙ୍କ କନେକ୍ସନ ଖୁବ୍ ପୁରୁଣା। ପ୍ରତି ବର୍ଷ ଇଦ୍ ଅବସରରେ ସଲମାନ ଖାନ ଫିଲ୍ମ ହଲ୍ରେ ନିଜର ଫିଲ୍ମ ରିଲିଜ କରିଥା’ନ୍ତି। ହେଲେ ଏହି ବର୍ଷ ଇଦ୍ରେ ତାଙ୍କର କୌଣସି ବି ଫିଲ୍ମ ରିଲିଜ୍ ହୋଇ ନାହିଁ। ଏହି କ୍ରମରେ ତାଙ୍କର ଏକ ଝଲକ ପାଇବାକୁ ଗାଲେକ୍ସି ଆପାର୍ଟମେଣ୍ଟର ବାହାରେ ଆସି ଠିଆ ହୋଇ ଗଲେ। ଗାଲେକ୍ସି ଆପାର୍ଟମେଣ୍ଟର ବାହାରେ ସଲମାନ ଖାନଙ୍କ ପ୍ରଶଂସକଙ୍କ ଭିଡ଼ ଏତେ ଅଧିକ ବଢିଗଲା କି, ଯାତାୟାତରେ ବାଧା ସୃଷ୍ଟି କଲା।
ଅଧିକ ସମୟ ଯାଏ ଅପେକ୍ଷା କରିବା ପରେ ଯେବେ ସଲମାନ ଖାନ ବାହାରକୁ ଆସିଲେ ନାହିଁ, ସେତେବେଳେ ତାଙ୍କର ପ୍ରଶଂସକମାନେ ବିଚଳିତ ହୋଇ ଗଲେ। ସେମାନେ ତାଙ୍କ ଘର ବାହାରେ ହଙ୍ଗାମା କରିବାକୁ ଲାଗିଲେ। ଏହି ସମୟରେ ପୁଲିସକୁ ସଲମାନ ଖାନଙ୍କ ଗାଲେକ୍ସି ଆପାର୍ଟମେଣ୍ଟ ବାହାରେ ଲାଠି ଚାର୍ଜ କରିବାକୁ ପଡ଼ିଲା।
ସାମ୍ନାକୁ ଆସିଥିବା ଭିଡ଼ିଓରେ ଜଣେ ପୁଲିସକର୍ମୀ ଲୋକଙ୍କୁ ଲାଠିରେ ମାରିବା ନଜର ଆସୁଛି। ସେଠାରେ ପ୍ରଶଂସକ ଲାଠିଚାର୍ଜ କାରଣରୁ ଏପଟସେପଟ ଦୌଡ଼ିବାର ଦେଖା ଯାଉଛି। ଏହି ଧାଁ ଦୌଡ଼଼ରେ କିଛି ଲୋକ ପରସ୍ପର ଉପରେ ଖସି ପଡ଼ିଛନ୍ତି। ଏଥିରେ ଆଖପାଖର ଲୋକେ ତାଙ୍କୁ ସାହାଯ୍ୟ କରନ୍ତି ଏବଂ ପୁଣି ଗାଡ଼ି ଗୁଡ଼ିକ ସେଠାରୁ ଯିବାରେ ରାସ୍ତା ଖୋଲି ଯାଏ।
ଉଲ୍ଲେଖନୀୟ ଯେ,ଗୁରୁବାର ସଲମାନ ସୋସିଆଲ ମିଡ଼ିଆରେ ପୋଷ୍ଟ ସେୟାର କରି ନିଜର ଆଗାମୀ ଫିଲ୍ମ ସିକନ୍ଦର ର ଟାଇଟଲ ଘୋଷଣା କରିଛନ୍ତି। ସଲମାନ ଲେଖିଛନ୍ତି , ଏହି ଇଦ୍ରେ ଫିଲ୍ମ ହଲ୍ରେ ବଡେ ମିଆଁ ଛୋଟେ ମିଆଁ ଓ ମୈଦାନ କୁ ଦେଖ ଏବଂ ଆଗାମୀ ଇଦ୍ ସିକନ୍ଦରକୁ ଆସି ଭେଟ।
କହି ରଖୁଛୁ କି, ସିକନ୍ଦର ର ନିର୍ଦ୍ଦେଶନା ମୁରୁଗାଦାସ ଦ୍ୱାରା କରାଯିବ ଏବଂ ଏହି ଫିଲ୍ମ ଇଦ୍ ୨୦୨୫ରେ ଫିଲ୍ମ ହଲ୍ରେ ରିଲିଜ ହେବ। ମନେପକାଇ ଦେଉଛୁ କି,ଏଆର୍ ମୁରୁଗାଦାସ୍ ଆମିର ଖାନଙ୍କ ଗଜନୀ ସହ ନିଜର ହିନ୍ଦୀ ଡେବ୍ୟୁ କରିଥିଲେ। ସେ ଅକ୍ଷୟ କୁମାରଙ୍କର ଫିଲ୍ମ ହଲିଡେ : ଏ ସୋଲଜର ଇଜ୍ ନେଭର ଅଫ୍ ଡ୍ୟୁଟି ମଧ୍ୟ କରି ଥିଲେ।