ନୂଆଦିଲ୍ଲୀ,୧/୨ : ସାଉଥର ସୁପରଷ୍ଟାର ଧନୁଷ ନିଜ ନୂଆ ଫିଲ୍ମକୁ ନେଇ ଚର୍ଚ୍ଚାରେ ଅଛନ୍ତି । ଧନୁଷ ଶେଷ ଥର ଲାଗି ‘କ୍ୟାପଟେନ ମିଲର’ରେ ଦେଖାଯାଇଥିଲେ । ଏବେ ସେ ନିର୍ଦେଶକ ଶେଖର କମ୍ମୁଲାଙ୍କ ସହ ନିଜର ପ୍ରଥମ ତେଲୁଗୁ ଫିଲ୍ମ‘ଡି୫୧‘ର ସୁଟିଂ କରୁଛନ୍ତି । ମଙ୍ଗଳବାର ଧନୁଷ ତିରୁପତି ମନ୍ଦିରରେ ଫିଲ୍ମର ସୁଟିଂ କରୁଥିବା ନଜର ଆସିଥିଲେ । ଏହି କାରଣରୁ ମନ୍ଦିର ଯାଉଥିବା ଶ୍ରଦ୍ଧାଳୁଙ୍କୁ ଅସୁବିଧାର ସାମ୍ନା କରିବାକୁ ପଡ଼ିଥିଲା ।
‘ଡି୫୧‘ ଫିଲ୍ମର ସୁଟିଂରୁ ସାମ୍ନାକୁ ଆସିଥିବା ଭିଡ଼ିଓରେ ତିରୁପତି ବାହାରେ ଭାରି ଭିଡ଼ ଦେଖାଯାଉଛି । କିଛି ଜଣ ଭଗବାନଙ୍କ ଦର୍ଶନ କରିବାକୁ ଆସିଥିବାବେଳେ ଆଉ କିଛି ଧନୁଷଙ୍କ ସୁଟିଂ ଦେଖିବାକୁ ଜମା ହୋଇଥିଲେ । ଫଳରେ ରାସ୍ତାରେ ଟ୍ରାଫିକ୍ ଜାମ୍ ଲାଗିଯାଇଥିଲା । ଅଲପିରିର ହରେ ରାମା ହରେ କୃଷ୍ଣା ରୋଡ଼ରେ ଲାଗିଥିବା ଏହି ଜାମ୍ ଲୋକଙ୍କୁ ବହୁ ଅସୁବିଧାର ସମ୍ମୁଖି ହେବାକୁ ପଡ଼ିଛି ।
#D51 #Dhanush sir New Movie shooting #tirupati 💥 @dhanushkraja 😻 Sir pic.twitter.com/kZ70rAWAXf
— DhanushFC (@Dhanush1FC) January 31, 2024
ଏହି ରୋଡ଼ରେ ତିରୁପତି ଯିବାକୁ ଶ୍ରଦ୍ଧାଳୁଙ୍କୁ ଡାଇଭର୍ଟ କରାଯାଇଥିଲା । ଗୋଟିଏ ପଟେ ଯାତ୍ରୀମାନେ ଯାଉଥିଲେ ଏବଂ ଅନ୍ୟପଟେ ରୋଡ଼ ସୁଟିଂ କାରଣରୁ ବନ୍ଦ ଥିଲା । ଧନୁଷ ଏବଂ ଫିଲ୍ମର ସୁଟିଂ ଦେଖିବାକୁ ଜମା ହୋଇଥିବା ଭିଡ଼ ଲୋକମାନଙ୍କୁ ଅସୁବିଧାରେ ପକାଇଥିଲା । ଏପରିସ୍ଥଳେ କିଛି ଶ୍ରଦ୍ଧାଳୁଙ୍କ ଅଭିଯୋଗ ପରେ ପୋଲିସ ଧନୁଷଙ୍କ ଫିଲ୍ମର ସୁଟିଂକୁ ଅଟକେଇ ଦେଇଥିଲେ ।
