ଭୁବନେଶ୍ଵର, ୦୨/୦୯ : ତାଳଚେର ଖଣି ଉପ ନିର୍ଦ୍ଦେଶକ ଧରଣୀଧର ନାୟକଙ୍କ ଅଫିସ ଏବଂ ଘରେ ଭିଜିଲାନ୍ସ ରେଡ୍ ଘଟଣା। ଆସିଲା ଧରଣୀଧରଙ୍କ ସମ୍ପତ୍ତି ତାଲିକା। ଚଢାଉ ବେଳେ ୨ଟି ବିଲ୍ଡିଂ, ପାଖାପାଖି ଦେଢ କୋଟି ମୂଲ୍ୟର ଗୋଟିଏ ଫ୍ଲାଟ, ଗୋଟିଏ ଡୁପ୍ଲେକ୍ସ ଘର, ୧୯ଟି ଦୋକାନ ଥିବା ୨ଟି ମାର୍କେଟ କମ୍ପ୍ଲେକ୍ସ, ଏବଂ ୯ଟି ପ୍ଲଟ ଠାବ ହୋଇଛି।

ଭୁବନେଶ୍ଵର ପଟିଆ ଶିଶୁ ବିହାରରେ ପାଖାପାଖି ଦେଢ କୋଟିର ଫ୍ଲାଟ, ଭୁବନେଶ୍ଵର ସୁନ୍ଦରପଡାରେ ଗୋଟିଏ ଡୁପ୍ଲେକ୍ସ, କେନ୍ଦୁଝର ତେଲକୋଇରେ ୧୫ଟି ଦୋକାନ ଥିବା ଦୁଇମହଲା ବିଶିଷ୍ଟ ଗୋଟିଏ ମାର୍କେଟ କମ୍ପ୍ଲେକ୍ସ, ତେଲକୋଇ ଜଗମୋହନ ନଗରରେ ଆଉ ଏକ ମାର୍କେଟ କମ୍ପ୍ଲେକ୍ସ, ତେଲକୋଇ ଜଗମୋହନ ନଗରରେ ଗୋଟିଏ ବିଲ୍ଡିଂ, ତେଲକୋଇସ୍ଥିତ ପୈତୃକ ଗାଁରେ ଗୋଟିଏ ବିଲ୍ଡିଂ ଠାବ ହୋଇଛି ।ଏତଦ୍ ବ୍ୟତୀତ ଭୁବନେଶ୍ଵରରେ ୨ଟି ପ୍ଲଟ ଏବଂ କୋଲକୋଇରେ ୭ଟି ପ୍ଲଟ ଠାବ ହୋଇଛି। ଏହାସହ ନଗଦ ୯ ଲକ୍ଷ ୮୩ ହଜାର ଟଙ୍କା, ଗୋଟିଏ ଚାରି ଚକିଆ ଜବତ ହୋଇଛି।