ନୂଆଦିଲ୍ଲୀ,୦୬/୦୨: ଆମ୍ ଆମ୍ ଆଦମୀ ପାର୍ଟି ନେତାଙ୍କ ଘରେ ଇଡି ଚଢ଼ାଉ ଏବେ ଏକ ଟ୍ରେଣ୍ଡ। ପ୍ରବର୍ତ୍ତନ ନିର୍ଦ୍ଦେଶାଳୟର ଏକ ଦଳ ୧୨ରୁ ଅଧିକ ସ୍ଥାନରେ ଚଢ଼ାଉ କରିଛନ୍ତି। ଯେଉଁ ଆପ୍ ନେତାମାନଙ୍କ ଘରେ ଇଡି ଚଢ଼ାଉ କରିଛି, ସେମାନଙ୍କ ମଧ୍ୟରେ ରାଜ୍ୟସଭା ସାଂସଦ ଏନ୍ଡି ଗୁପ୍ତାଙ୍କ ସମେତ ଅନେକ ନାଁ ରହିଛି। ଏହା ବ୍ୟତିତ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବ୍ୟକ୍ତିଗତ ସଚିବ ବିଭବ କୁମାରଙ୍କ ଘରେ ମଧ୍ୟ ପହଞ୍ଚିଛି ଇଡି।
ଦିଲ୍ଲୀରେ ଆମ୍ ଆଦମୀ ପାର୍ଟିର ପ୍ରାୟ ୧୨ ଟି ସ୍ଥାନରେ ଇଡି ଚଢ଼ାଉ କରିଛି। ଅର୍ଥ ହେରଫେର ମାମଲାରେ ଇଡି ଟିମ୍ ଏହି ଚଢ଼ାଉ କରୁଛି। ଇଡି ଟିମ୍ ଆମ୍ ଆଦମୀ ପାର୍ଟିର ସାଂସଦ ଏନଡି ଗୁପ୍ତା, କେଜ୍ରିୱାଲଙ୍କ ବ୍ୟକ୍ତିଗତ ସଚିବ ବିଭବ କୁମାର ଏବଂ ଦିଲ୍ଲୀ ଜଳ ବୋର୍ଡର ପୂର୍ବତନ ସଦସ୍ୟ ଶଲଭ କୁମାରଙ୍କ ଘରେ ପହଞ୍ଚିଛି। ତମାମ ବ୍ୟକ୍ତିଙ୍କ ଘରେ ଖୋଳତାଡ଼ କରୁଛି ଇଡି।
ଅତିଶୀଙ୍କ ଖୁଲାସାରୁ ଚଢ଼ାଉ:
କହିରଖୁଛୁ ଯେ, ଅତିଶି ସକାଳ ୧୦ଟାରେ ଇଡିକୁ ନେଇ କିଛି ଖୁଲାସା କରିବାକୁ ଯାଉଥିଲେ। ଏହା ପୂର୍ବରୁ ଇଡି ଦଳ ଚଢ଼ାଉ ଆରମ୍ଭ କରିଥିଲା। ଆମ୍ ଆଦମୀ ପାର୍ଟି, ଦିଲ୍ଲୀର ଏକ୍ସ ଆକାଉଣ୍ଟରୁ ସୋମବାର ଅତିଶୀଙ୍କ ଏହି ପ୍ରେସ ସମ୍ମିଳନୀକୁ ନେଇ ପୂର୍ବରୁ ସୂଚନା ଦେଇଥିଲେ, ତେବେ ଆତିଶୀ ଆଜି ସାମ୍ବାଦିକ ସମ୍ମିଳନୀ ଆରମ୍ଭ କରିବା ପୂର୍ବରୁ ଇଡି ଅନେକ ଆପ୍ ନେତାଙ୍କ ଘରେ ଚଢ଼ାଉ ଆରମ୍ଭ କରିଥିଲା।
ବଢ଼ିଲା କେଜରିଓ୍ବାଲଙ୍କ ସମସ୍ୟା:
ଆପଣଙ୍କୁ କହିରଖୁଛୁ ଯେ ଏବେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ସମସ୍ୟା ଦିନକୁ ଦିନ ବଢ଼ିବାରେ ଲାଗିଛି। ଅର୍ଥ ହେରଫେର ମାମଲାରେ ସେମାନଙ୍କର ଅନେକ ନେତା ହାଜତ ଭିତରକୁ ଗଲେଣି। ଏବେ ଇଡି ରୁପକ ଖଣ୍ଡା କେଜ୍ରିୱାଲଙ୍କ ମୁଣ୍ଡ ଉପରେ ଝୁଲୁଛି। ଇଡିରୁ କେଜ୍ରିୱାଲଙ୍କୁ ପାଞ୍ଚଟି ସମନ ପଠାଇସାରିଛି। ସେ ଚାରୋଟି ସମନ ଉପରେ ଇଡି ନିକଟରେ ହାଜର ହୋଇନଥିଲେ।
