ପ୍ରମୂଖ ଖବର
  • ସିଂହଦ୍ବାର ସମ୍ମୁଖରେ ଲାଗିଲା ତିନି ରଥ, ଗୁଣ୍ଡିଚା ଯାତ୍ରା ସାରି ବାହୁଡ଼ିଲେ ଶ୍ରୀଜିଉ
  • ||
  • ପୁରୀ: ନବଦିନାତ୍ମକ ଯାତ୍ରା ସାରି ବାହୁଡିବେ ନୀଳାଦ୍ରିନାଥ, ବାହୁଡ଼ାଦିଅଁଙ୍କ ପହଣ୍ଡି ବିଜେ
  • ||
  • ସୁନ୍ଦରଗଡ଼: ପ୍ରେମ କଳିକୁ ନେଇ ଡବଲ ମର୍ଡର, ପ୍ରେମିକା ଓ ତାର ସହପାଠୀକୁ ଛୁରୀ ଭୁସି ହତ୍ୟା କଲା ଡ୍ରାଇଭର୍ ପ୍ରେମିକ
  • ||
  • ଭୁବନେଶ୍ୱର: କଳାଭୂମି ନିକଟରେ ବୃଦ୍ଧଙ୍କ ଉପରେ ମାଡିଗଲା ବାଲି ବୋଝେଇ ଟ୍ରକ୍‌, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ୱିମ୍ବଲଡନ ଟାଇଟଲ ଲଢ଼େଇ: ଭେଟେରାନ ଜୋକୋଭିକଙ୍କୁ ହରାଇ କାର୍ଲୋସ ଅଲକାରାଜ ଚାମ୍ପିଅନ୍
  • ||
  • ସୋମବାରଠୁ ସିବିଏସ୍‌ଇ ସପ୍ଲିମେଣ୍ଟାରୀ ପରୀକ୍ଷା, ଉଭୟ ଦଶମ ଓ ଦ୍ୱାଦଶ ଛାତ୍ରଛାତ୍ରୀ ଦେବେ ଏକ୍ସଜାମ୍
  • ||
  • ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ: ଆଜି ଦକ୍ଷିଣ- ଉତ୍ତର ଓଡ଼ିଶାରେ ପ୍ରବଳ ବର୍ଷା ସମ୍ଭାବନା
  • ||
  • ଜନ୍ମବେଦିରୁ ଶ୍ରୀମନ୍ଦିରକୁ ବାହୁଡିବେ ଚତୁର୍ଦ୍ଧାମୂର୍ତ୍ତି: ୧୨ଟାରେ ପହଣ୍ଡି, ୪ଟାରେ ରଥ ଟଣା
  • ||

ଏସ୍‌ସିବି ଆଶୁ ଚିକିତ୍ସା କେନ୍ଦ୍ରରେ ଅଭାବନୀୟ ସ୍ଥିତି ,ମୋବାଇଲ୍‌ ଟର୍ଚ୍ଚ ଆଲୁଅରେ ଜରୁରି ଚିକିତ୍ସା

କଟକ,୦୨/୦୭: ଏସ୍‌ସିବି ଡାକ୍ତରଖାନାରେ ବିଜୁଳି କାଟ ସମୟରେ ଆଶୁ ଚିକିତ୍ସା କେନ୍ଦ୍ର ତଥା ଜରୁରିକାଳୀନ ଚିକିତ୍ସା କେନ୍ଦ୍ର ଅନ୍ଧାର ହୋଇଯାଉଛି । ଫଳରେ ରୋଗୀ ସମ୍ପର୍କୀୟଙ୍କ ମୋବାଇଲ୍‌ ଟର୍ଚ୍ଚ ଆଲୁଅରେ ଗୁରୁତର ରୋଗୀମାନଙ୍କର ଜରୁରି ଚିକିତ୍ସା କରାଯାଉଥିବା ଦେଖିବାକୁ ମିଳୁଛି । ଏପରି ଅଭାବନୀୟ ସ୍ଥିତି ସୋମବାର ରାତିରେ ଏସ୍‌ସିବି ଆଶୁ ଚିକିତ୍ସା କେନ୍ଦ୍ରରେ ଦେଖିବାକୁ ମିଳିଥିଲା । ରାତି ପ୍ରାୟ ୧୦ଟା ୧୫ ମିନିଟ୍‌ ସମୟରେ ହଠାତ୍‌ ବିଜୁଳି କାଟ୍‌ ହୋଇଯାଇଥିଲା । ଫଳରେ ଆଶୁ ଚିକିତ୍ସା କେନ୍ଦ୍ର ସମ୍ପୂର୍ଣ୍ଣ ଅନ୍ଧାର ହୋଇଯାଇଥିଲା । ଅନ୍ଧାର ଯୋଗୁଁ ଗୁରୁତର ରୋଗୀଙ୍କ ଚିକିତ୍ସା ଠପ୍‌ ହୋଇଯାଇଥିଲା । ଅନ୍ଧାର ମଧ୍ୟରେ ୱାର୍ଡ ଭିତରେ ଚଳପ୍ରଚଳ ଭିତରେ ଚଟାଣରେ ପଡ଼ିଥିବା ରୋଗୀଙ୍କ ଉପରେ ଅନ୍ୟମାନେ ଚଢ଼ିଯିବାରୁ ଏକ ଗଣ୍ଡଗୋଳିଆ ପରିସ୍ଥିତି ସୃଷ୍ଟି ହୋଇଥିଲା ।

କରେଣ୍ଟ୍‌ ଆସିବାରେ ବିଳମ୍ବ ହେବାରୁ ରୋଗୀଙ୍କ ସମ୍ପର୍କୀୟମାନେ ନିଜ ପକେଟ୍‌ରୁ ମୋବାଇଲ୍‌ ଆଲୁଅ ଜାଳିବାରୁ କେତେକ ଗୁରୁତର ରୋଗୀଙ୍କୁ ସାଲାଇନ୍‌ ଦିଆଯିବା ସହ କିଛି ଜରୁରି ଚିକିତ୍ସା କରାଯାଇଥିଲା । ଅନ୍ୟପକ୍ଷରେ ମୋବାଇଲ୍‌ର ମିଞ୍ଜିମିଞ୍ଜି ଆଲୁଅରେ ଇଞ୍ଜେକସନ୍‌ ଦେବା ଏବଂ ରକ୍ତ ନମୁନା ଆଦି ସଂଗ୍ରହ ସମେତ ଅନ୍ୟାନ୍ୟ ଚିକିତ୍ସା କରାଇବା ଅସୁବିଧା ହେବାରୁ କେତେକ ଗୁରୁତର ରୋଗୀଙ୍କ ଅବସ୍ଥା ଖରାପ ହୋଇପଡ଼ିଥିଲା । ସେହିପରି ୱାର୍ଡରେ ଅନ୍ଧାର ସାଙ୍ଗକୁ ଗୁରୁତର ରୋଗୀମାନେ ଗରମରେ ମଧ୍ୟ ଅଣନିଃଶ୍ୱାସୀ ହୋଇ ଛାଟିପିଟି ହୋଇଥିଲେ । ଗରମରୁ ମୁକ୍ତି ପାଇଁ ରୋଗୀଙ୍କ ସମ୍ପର୍କୀୟମାନେ ଗାମୁଛା ଏବଂ ଖବର କାଗଜ ହଲାଇ ବିଞ୍ଚି ହୋଇଥିଲେ । ପ୍ରାୟ ଅଧ ଘଣ୍ଟାଏ କାଳ ଗୁରୁତର ରୋଗୀମାନେ ଆଶୁଚିକିତ୍ସା କେନ୍ଦ୍ରରେ ଅନ୍ଧାରରେ ଯନ୍ତ୍ରଣାରେ ଛଟପଟ ହୋଇଥିବାର ଖବର ମିଳିଛି । ରାଜ୍ୟର ଏହି ପ୍ରମୁଖ ହସ୍ପିଟାଲ୍‌ରେ ବିଜୁଳି କାଟ ସମୟରେ ଜରୁରିକାଳୀନ ଚିକିତ୍ସା କେନ୍ଦ୍ର ଅନ୍ଧାର ହୋଇଯିବା ଘଟଣା ଚର୍ଚ୍ଚାର ବିଷୟ ହୋଇଛି । ଅନ୍ଧାରରେ ଗୁରୁତର ରୋଗୀଙ୍କୁ ଟର୍ଚ୍ଚ ଆଲୁଅରେ ଚିକିତ୍ସା କରାଇବା ଘଟଣାକୁ ନେଇ ରୋଗୀ ସମ୍ପର୍କୀୟମାନେ ପ୍ରତିକ୍ରିୟା ପ୍ରକାଶ କରିଛନ୍ତି ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.