ପ୍ରମୂଖ ଖବର
  • ଜନ୍ମବେଦିରୁ ବାହୁଡ଼ିଲେ ଦାରୁବ୍ରହ୍ମ,ବୁଧବାର ସୁନାବେଶ, ଗୁରୁବାର ଅଧରପଣା, ଶୁକ୍ରବାର ନୀଳାଦ୍ରି ବିଜେ
  • ||
  • ଝାରସୁଗୁଡ଼ା: ଧାର ଟଙ୍କା ଫେରସ୍ତକୁ ନେଇ ଗୁଳିକାଣ୍ଡ, ଜଣେ ଆହତ
  • ||
  • ବିଶ୍ୱ ସର୍ପ ଦିବସ: ବର୍ଷା ଦିନେ ସତର୍କତା ଜରୁରି, ୫ ବର୍ଷରେ ଗଲାଣି ୫୨୧୯ ଜୀବନ
  • ||
  • ବାରିପଦା : ସ୍କୁଟିକୁ ଧକ୍କା ଦେଲା ଟ୍ରକ୍, ୨ ମୃତ
  • ||
  • ମୁମ୍ବାଇ ଏକ୍ସପ୍ରେସ ହାଇୱେରେ ବସ୍-ଟ୍ରାକ୍ଟର ମୁହାଁମୁହିଁ ଧକ୍କା, ୫ମୃତ, ୪୨ ଆହାତ
  • ||
  • ସଇଁନ୍ତଳା ରାଇସମିଲ ନିକଟରେ ହାଇୱା ଟ୍ରକକୁ ପିଟିଲା ଯାତ୍ରୀବାହୀ ବସ୍‌, ଏକାଧିକ ଯାତ୍ରୀ ଆହତ
  • ||
  • ରାଜ୍ୟରେ ଲଘୁଚାପ ସକ୍ରିୟ: ୧୭ରୁ ବଢ଼ିବ ବର୍ଷା, ଉତ୍ତର ଓ ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ଦୀପାଳିଙ୍କ ଆବେଦନକୁ ଗ୍ରହଣ କଲେ ଇସିଆଇ, ଝାରସୁଗୁଡ଼ାର ୧୩ ବୁଥ୍‌ରେ ଯାଞ୍ଚ ହେବ ଇଭିଏମ୍‌

ଝାରସୁଗୁଡ଼ା,୨୧/୦୬: ଝାରସୁଗୁଡ଼ା ବିଧାନସଭା କ୍ଷେତ୍ରର ୧୩ଟି ବୁଥ୍‌ର  ଇଭିଏମ୍‌ ଚେକିଂ ତଥା ଭେରିଫିକେସନ୍‌ କରାଯିବ । ଏ ନେଇ ଗୁରୁବାର ଭାରତୀୟ ନିର୍ବାଚନ କମିଶନ (ଇସିଆଇ)ଙ୍କ ପକ୍ଷରୁ ପ୍ରେସ୍‌ ବିଜ୍ଞପ୍ତି ଜରିଆରେ ସୂଚନା ଦିଆଯାଇଛି । ସାଧାରଣ ନିର୍ବାଚନ-୨୦୨୪ର ଫଳାଫଳ ଜୁନ୍‌ ୪ରେ  ପ୍ରକାଶିତ ହୋଇଥିଲା । ବିଭିନ୍ନ କାରଣରୁ ଫଳାଫଳକୁ ନେଇ ସନ୍ତୁଷ୍ଟ ନ ଥିବା  କେତେଜଣ ପ୍ରାର୍ଥୀ ଇଭିଏମ୍‌ ଯାଞ୍ଚ ନେଇ ଆବେଦନ କରିଥିଲେ । ଏହାକୁ ଗ୍ରହଣ କରିଛନ୍ତି ଇସିଆଇ । 

ତଦନୁଯାୟୀ ଓଡ଼ିଶା ସମେତ ଆନ୍ଧ୍ରପ୍ରଦେଶ, ଛତିଶଗଡ଼,  ହରିୟାଣା, ମହାରାଷ୍ଟ୍ର, ତାମିଲନାଡୁ ଏବଂ ତେଲଙ୍ଗାନା ରାଜ୍ୟର ସମୁଦାୟ  ୮ ଲୋକସଭା କ୍ଷେତ୍ରର ୯୨ଟି ବୁଥ ଏବଂ ୩ଟି ବିଧାନସଭା କ୍ଷେତ୍ର ଅଧୀନ ୨୬ଟି ବୁଥ୍‌ର ଇଭିଏମ୍‌/ଭିଭିପାଟ୍‌ ଯାଞ୍ଚ ହେବ । ଏଥିରେ ଓଡ଼ିଶାର ଏକମାତ୍ର ବିଧାନସଭା କ୍ଷେତ୍ର ଝାରସୁଗୁଡ଼ା ରହିଛି । ଝାରସୁଗୁଡ଼ା ବିଧାନସଭା କ୍ଷେତ୍ରର  ବିଜେଡିରୁ ପ୍ରାର୍ଥୀ ଦୀପାଳି ଦାସ ଇଭିଏମ୍‌ ଯାଞ୍ଚ ଲାଗି ଆବେଦନ କରିଥିଲେ ।  

ଗତ ଜୁନ୍‌ ୧ରେ ଇସିଆଇ ଆବେଦନ ପ୍ରଣାଳୀ, ଯାଞ୍ଚ ପ୍ରକ୍ରିୟା, ପ୍ରୋଟୋକଲ  ଆଦିକୁ ନେଇ ଏସ୍‌ଓପି ଜାରି କରିଥିଲେ । ନିର୍ବାଚନ ଫଳାଫଳ ପ୍ରକାଶର ୩୦ ଦିନ  ମଧ୍ୟରେ ରାଜ୍ୟ ନିର୍ବାଚନ କମିଶନ ସମ୍ପୃକ୍ତ ମାନୁଫାକଚର୍‌ଙ୍କୁ ଆବେଦନକାରୀଙ୍କ  ତାଲିକା ପ୍ରଦାନର ବ୍ୟବସ୍ଥା ରହିଛି । ହେଲେ ରାଜ୍ୟ ନିର୍ବାଚନ କମିଶନ ଏହାର  ଯଥେଷ୍ଟ ପୂର୍ବରୁ ମାନୁଫାକଚର୍‌ଙ୍କୁ ଅବଗତ କରାଇ ସାରିଛନ୍ତି । 

ନିର୍ବାଚନ ଫଳାଫଳ  ଘୋଷଣାର ୪୫ ଦିନ ମଧ୍ୟରେ ଅର୍ଥାତ ୧୯ ଜୁଲାଇ ସୁଦ୍ଧା ନିର୍ବାଚନ ପିଟିସନ ଦାୟର  କରାଯାଇ ପାରିବ ବୋଲି ପ୍ରାବଧାନ ରହିଛି । ସିଇଓଙ୍କଠାରୁ ନିର୍ବାଚନ ପିଟିସନ  (ଇପି) ଷ୍ଟାଟସ୍‌ ସଂପର୍କରେ ଜାଣିବା ପରେ ଦୁଇ ସପ୍ତାହ ମଧ୍ୟରେ ମାନୁଫାକଚର୍‌  ଇଭିଏମ୍‌ ଚେକିଂ ଏବଂ ଭେରିଫିକେସନ ଲାଗି ସମୟ ନିର୍ଦ୍ଧାରଣ କରିବେ । ଇପି  ଷ୍ଟାଟସ୍‌ ସମ୍ପର୍କରେ ନିଶ୍ଚିତ ହେବା ପରେ ଚାରି ସପ୍ତାହ ମଧ୍ୟରେ ଇଭିଏମ୍‌ର ଚେକିଂ  ଏବଂ ଭେରିଫିକେସନ୍‌ କରିବେ ବୋଲି ଏଥିରେ ଦର୍ଶାଯାଇଛି ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.