ନୀଳଗିରି,୪/୮: ବାଲେଶ୍ଵର ଜିଲ୍ଲା ନୀଳଗିରି ଏନଏସି ୧୦ ନମ୍ବର ୱାର୍ଡର ବିଜେଡି କାଉନସିଲର ଗୌରାଙ୍ଗ ବିନ୍ଧାଣି ବିଜେଡିରୁ ଇସ୍ତଫା ଦେଇଥିଲେ । ସାଂସଦ ପ୍ରତାପ ଷଡ଼ଙ୍ଗୀ ଓ ବିଧାୟକ ସନ୍ତୋଷ ଖଟୁଆଙ୍କ ନେତୃତ୍ୱରେ ରବିବାର ବିଜେପି ଦଳରେ ଆନୁଷ୍ଠାନିକ ଭାବେ ମିଶିଥିବା ଦେଖାଯାଇଛି । ଦଳୀୟ ଉତ୍ତରୀୟ ଦେଇ ସାଂସଦ ଓ ବିଧାୟକ ତାଙ୍କୁ ଦଳକୁ ସ୍ୱାଗତ କରିବା ସହ ଲଡ଼ୁ ଖୁଆଇଥିଲେ । 

ପୂର୍ବରୁ ନୀଳଗିରି ଏନଏସିରେ ୬ ଜଣ ବିଜେଡି କାଉନସିଲର ଓ ଜଣେ ସ୍ୱାଧୀନ କାଉନସିଲର ରାଜ୍ୟ ବିଜେପି କାର୍ଯ୍ୟାଳୟରେ ମିଶିଥିବା ବେଳେ ରବିବାର ଆଉ ଜଣେ କାଉନସିଲର ବିଜେପିରେ ମିଶିବା ନେଇ ଚର୍ଚ୍ଚାର ବିଷୟ ପାଲଟିଛି । ମୋଟ୍ ୧୩ ଜଣ କାଉନସିଲରରୁ ୧୧ ଜଣ ବିଜେପି କାଉନସିଲର ବୃଦ୍ଧି ହୋଇଛି । ତେବେ ବିଜେପିରେ ମିଶିବା ପରେ ଦଳ ଶକ୍ତି ବୃଦ୍ଧି ପାଇଥିବା ସାଂସଦ ପ୍ରତାପ ଷଡ଼ଙ୍ଗୀ ଓ ବିଧାୟକ ସନ୍ତୋଷ ଖଟୁଆ କହିଛନ୍ତି । ସେହିପରି ୱାର୍ଡର ବିକାଶ ଓ କର୍ମୀମାନଙ୍କର ପରାମର୍ଶ ପାଇଁ ସେ ବିଜେପିର ମିଶିଥିବା ଗୌରାଙ୍ଗ କହିଛନ୍ତି । ତେବେ ଏନଏସି ଚେୟାରମ୍ୟାନ୍ ବିଜେଡି ହାତରେ ଥିବାବେଳେ ୧୩ଟି ୱାର୍ଡରୁ ୧୧ ଟି ବିଜେପି କାଉନସିଲର ବୃଦ୍ଧି ହେବା ପରେ ଏବେ ଚେୟାରମ୍ୟାନ୍ ପଦକୁ ନେଇ ଅନାସ୍ଥା ପ୍ରସ୍ତାବ ଆସିବା ଆଶଙ୍କା ଘାରିଥିବା ଜଣାପଡ଼ିଛି ।