ନୂଆଦିଲ୍ଲୀ, ୦୧/୦୨ : ସଂସଦରେ ବଜେଟ୍ ଉପସ୍ଥାପନ କଲେ ଅର୍ଥମନ୍ତ୍ରୀ ନିର୍ମଳା ସୀତାରମଣ। ଏହି ସମୟରେ ସେ କହିଛନ୍ତି ଯେ, 'ସାଧାରଣ ଲୋକଙ୍କ ଜୀବନରେ ପରିବର୍ତ୍ତନ ଆଣିବାକୁ ଆମ ସରକାର ଉଚ୍ଚାଭିଳାଷୀ ପଦକ୍ଷେପ ଗ୍ରହଣ କରିଛନ୍ତି। ପ୍ରତ୍ୟେକ କ୍ଷେତ୍ରରେ ବିକାଶର ନିଷ୍ଠା ସହିତ କାର୍ଯ୍ୟ କରିବା କ୍ଷେତ୍ରରେ ଏକ କୋଟିରୁ ଅଧିକ ଯୁବକଙ୍କୁ ତାଲିମ ଦିଆଯାଇଛି। ମହିଳା ଉଦ୍ୟୋଗ ୨୮ ପ୍ରତିଶତ ବୃଦ୍ଧି ପାଇଛି।

ସ୍କିଲ ଇଣ୍ଡିଆରେ ୧.୪ କୋଟି ଯୁବକଙ୍କୁ ଟ୍ରେନିଂ ଦିଆଯାଇଛି। ଏହାଦ୍ଵାରା ସେମାନଙ୍କ କ୍ୟାରିଅର ସୁଦୃଢ ହେବ। ସାରା ଦେଶରେ ୭ଟି ନୂଆ IIT, ୧୬ଟି IIIT, ୩୯୦ ବିଶ୍ଵବିଦ୍ୟାଳୟ ତିଆରି ହୋଇଛି। ଏତଦ୍ ବ୍ୟତୀତ ୧୫ଟି ଏମ୍ସ ଖୋଲାଯାଇଛି। ଡାକ୍ତର ହେବାକୁ ବହୁ ପିଲାଙ୍କ ସ୍ଵପ୍ନ ରହିଛି। ତେଣୁ ଆହୁରି ଅଧିକ ଚିକିତ୍ସା ମହାବିଦ୍ୟାଳୟ ପ୍ରତିଷ୍ଠା ହେବ। ଏଥିପାଇଁ ଏକ କମିଟି ତିଆରି ହେବ।  

ଅର୍ଥମନ୍ତ୍ରୀ ତାଙ୍କ ଅଭିଭାଷଣରେ କହିଛନ୍ତି ଯେ, 'ବିଶ୍ୱ ଶକ୍ତି ଭାବରେ ଭାରତ ଉଦୀୟମାନ ହେଉଛି। ସମସ୍ତ ପ୍ରକଳ୍ପ ଠିକ୍ ସମୟରେ ଶେଷ ହେଉଛି। ଲୋକଙ୍କ ଆୟ ବୃଦ୍ଧି ପାଇଛି। ଲୋକମାନେ ସଶକ୍ତ ହୋଇଛନ୍ତି। ଭିତ୍ତିଭୂମି ବିକାଶ ଉପରେ ଗୁରୁତ୍ୱ ଦିଆଯାଉଛି। ଆର୍ଥିକ କ୍ଷେତ୍ରକୁ ମଜବୁତ କରାଯାଉଛି। ଲୋକଙ୍କ ପାଇଁ ସୁଯୋଗ ବୃଦ୍ଧି କରାଯାଉଛି।

Also Read :-

ବଜେଟ୍-୨୦୨୪ : ୮୦ କୋଟି ପରିବାରକୁ ମିଳୁଛି ମାଗଣା ରାସନ