ପ୍ରମୁଖ ଖବର
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ୟୁଏଫ୍‌ଓ ସମ୍ବନ୍ଧରେ ହାର୍ଭାର୍ଡ ବୈଜ୍ଞାନିକଙ୍କ ବଡ଼ ଖୁଲାସା:'ଏକ୍ସଟ୍ରା ଡାଇମେନ୍‌ସନ୍‌’ ମାର୍ଗରେ ଭ୍ରମଣ ପାଇଁ ଆସୁଛନ୍ତି ଏଲିଅନ୍

ନୂଆଦିଲ୍ଲୀ,୧୧/୦୪: ବ୍ରହ୍ମାଣ୍ଡରେ ଅନ୍ୟ ଗ୍ରହରେ ବି ଜୀବ ଅଛନ୍ତି । ୟୁଏଫ୍‌ଓ (ଅନ୍‌ଆଇଡେଣ୍ଟିଫାଏଡ୍‌ ଫ୍ଲାଇଙ୍ଗ  ଅବ୍‌ଜେକ୍ଟ) ଭାବେ ପରିଚିତ ରହସ୍ୟମୟୀ ଉଡ଼ନ୍ତା ବସ୍ତୁ  ଜରିଆରେ ସେମାନେ ଭ୍ରମଣ କରୁଛନ୍ତି । ଆମ ଗ୍ରହକୁ  ମଧ୍ୟ ଯିବାଆସିବା କରୁଛନ୍ତି । ପୃଥିବୀ ଆକାଶରେ ୟୁଏଫ୍‌ଓ  ଚିହ୍ନଟ ହୋଇଥିବା କଥା ଅନେକ ଥର ଚର୍ଚ୍ଚାର ବିଷୟ  ହୋଇଛି । ଏହା କେତେଦୂର ସତ ତାହାକୁ ନେଇ ବି  ହୋଇଛି ବିଶ୍ଳେଷଣ । ତେବେ ଅଲଗା ଗ୍ରହରେ ବି ଜୀବ  ଅଛନ୍ତି, ତାହାକୁ ସମ୍ପୂର୍ଣ୍ଣ ଅଗ୍ରାହ୍ୟ କରାଯାଇ ପାରିବ ନାହିଁ ।  ଏକ ସଦ୍ୟ ଗବେଷଣାରେ ଏଲିଏନ୍‌ର ଅସ୍ତିତ୍ୱକୁ ନେଇ ପୁଣି ଏକ ବଡ଼ ଖୁଲାସା କରାଯାଇଛି । 

ହାର୍ଭାର୍ଡ ବିଶ୍ୱବିଦ୍ୟାଳୟର ପ୍ରଫେସର ଅଭି ଲୋବ୍‌  ୟୁଏଫ୍‌ଓ ଭ୍ରମଣ ଉପରେ ଏକ ରୋଚକ ଥିଓରି ଉପସ୍ଥାପନ  କରିଛନ୍ତି । ସେ କହିଛନ୍ତି, ବାହ୍ୟ ଗ୍ରହର ଜୀବ (ଯାହାକୁ  ଏଲିଅନ୍‌ କୁହାଯାଉଛି) ଏକ ନିର୍ଦ୍ଦିଷ୍ଟ ଅଦୃଶ୍ୟ ମାର୍ଗ  ଜରିଆରେ ଭ୍ରମଣ କରୁଥାଇ ପାରନ୍ତି । ସିଇଆର୍‌ଏନ୍‌ ଭାବେ  ପରିଚିତ ୟୁରୋପିଆନ ଅର୍ଗାନାଇଜେସନ୍‌ ଅଫ୍‌ ନ୍ୟୁକ୍ଲିୟର  ରିସର୍ଚ୍ଚରେ ପାର୍ଟିକଲ୍‌ ଆକ୍ସିଲରେଟର୍‌ ଉପରେ ଅନୁସନ୍ଧାନ  ଜରିଆରେ ଏହି ଖୁଲାସା ହୋଇଛି । ଏଥିରେ କୁହାଯାଇଛି  ଯେ ଏଲିଏନ୍‌ମାନେ ଯେଉଁ ଗୁପ୍ତ ମାର୍ଗ ବା ‘ଏକ୍ସଟ୍ରା  ଡାଇମେନ୍‌ସନ୍‌’ ଦେଇ ଯାତାୟାତ କରୁଛନ୍ତି, ତାହାକୁ  ଦେଖିହେବ ନାହିଁ । ସାଧାରଣତଃ ୩ଟି ଡାଇମେନ୍‌ସନ  ଦୃଶ୍ୟମାନ ହୋଇଥାଏ । କିନ୍ତୁ ଏଲିଏନ୍‌ ଯେଉଁ ମାର୍ଗରେ  ଯାଆସ କରୁଛନ୍ତି, ତାହା ଅନ୍ୟତମ ଅଦୃଶ୍ୟ ମାର୍ଗ । 

ପ୍ରଫେସର ଲୋବ୍‌ଙ୍କ ଅନୁସାରେ, ଏହି ଦିଗଗୁଡ଼ିକୁ  କେବଳ ସିଇଆର୍‌ଏନ୍‌ର ଲାର୍ଜ ହାଡ୍ରନ୍‌ କୋଲାଇଡର୍‌ (ଏଲ୍‌ଏଚ୍‌ସି) ଭଳି ହାଇ ଏନର୍ଜି ପାର୍ଟିକଲ୍‌  ଆକ୍ସିଲରେଟର ଜରିଆରେ ଚିହ୍ନଟ କରାଯାଇପାରେ । ଏହା  ବିଗ୍‌ ବ୍ୟାଙ୍ଗ ଭଳି ସ୍ଥିତିର ପୁନରାବୃତ୍ତି କରି ଆମ ବ୍ରହ୍ମାଣ୍ଡ  ଉତ୍ପତ୍ତିର ଅନୁସନ୍ଧାନ କରେ । ଲୋବ୍‌ଙ୍କ ଏହି ପରିକଳ୍ପନା ‘ଦ  ପାରାନର୍ମାଲ ୟୁଏଫ୍‌ଓ କନେକ୍ସନ୍‌’ ଶୀର୍ଷକ ଡକ୍ୟୁମେଣ୍ଟାରିରେ  ବର୍ଣ୍ଣନା କରାଯାଇଛି । ତାଙ୍କ ଅନୁସାରେ, ଏଲିଅନ୍‌ ସଭ୍ୟତା  ବୈଷୟିକ ଉନ୍ନତି କ୍ଷେତ୍ରରେ ସମ୍ଭବତଃ ଅନେକ କୋଟି ବର୍ଷ  ଆଗୁଆ । ଏହି ଗୁପ୍ତ ଦିଗରେ ଯାତ୍ରା କରିବା ପାଇଁ ଏଲିଅନ୍‌  ସଭ୍ୟତା ହୁଏତ କ୍ୱାଣ୍ଟମ୍‌ ଗ୍ରାଭିଟି ଇଞ୍ଜିନିୟରିଂ ପ୍ରୟୋଗ କରୁଥାଇ  ପାରନ୍ତି । ଏହି ପଦ୍ଧତି ମହାକାଶରେ ଧକ୍କା ହେବାର ଆଶଙ୍କାକୁ  କମାଉଥିବ । ଏହା ସେମାନଙ୍କୁ ବ୍ରହ୍ମାଣ୍ଡରେ ବାଧାରହିତ ଭ୍ରମଣର  ସୁବିଧା ପ୍ରଦାନ କରୁଥିବ । ଏଲିଅନ୍‌ଙ୍କର ଗୁପ୍ତ ମାର୍ଗରେ ଭ୍ରମଣର ଏହି ଅବଧାରଣା ବାସ୍ତବତା ଉପରେ ଏକ ନୂଆ  ଦୃଷ୍ଟିକୋଣକୁ ଉଜାଗର କରିଛି । ଦୈନନ୍ଦିନ ମାନବ ଅନୁଭବରେ ଦେଖାଯାଇଥିବା ୩ଟି ଡାଇମେନସନ ପରେ ଜୀବନର ବିବିଧତା  ଉପରେ ଏହା ଜୋର ଦେଇଛି । ଲୋବ୍‌ ବାହ୍ୟଗ୍ରହ ବୁଦ୍ଧିମତା  କ୍ଷେତ୍ରରେ ଜଣେ ଅଗ୍ରଣୀ ଅନୁସନ୍ଧାନକାରୀ । ଏଲିଅନ୍‌ଙ୍କ  ଭ୍ରମଣର ଏ ପ୍ରକାର ଟେକ୍ନୋଲୋଜିକୁ ଯଦି ମାନବ ସଭ୍ୟତା  ଉପଯୋଗ କରେ, ତେବେ ବିନା ବାଧାରେ ମହାକାଶ ଭ୍ରମଣ  ସମ୍ଭବ ହୋଇପାରିବ । ଏହା ମାନବତା ଉପରେ ପରିବର୍ତ୍ତନକାରୀ  ପ୍ରଭାବ ପକାଇବ ବୋଲି ସେ କହିଛନ୍ତି। ଗୁମ୍ଫାରେ ରହୁଥିବା  ପ୍ରାଚୀନ ମଣିଷ ଏକ ଆଧୁନିକ ସହରକୁ ଦେଖି ଯେମିତି  ଆଶ୍ଚର୍ଯ୍ୟ ହୁଏ, ଏଲିଅନ୍‌ ସଭ୍ୟତାର ଟେକ୍ନୋଲୋଜି ସହ ସେ ମାନବତାକୁ ଠିକ୍‌ ସେମିତି ତୁଳନା କରିଛନ୍ତି ।  


ଲାର୍ଜ ଡ୍ରାଗନ୍‌ କୋଲାଇଡର୍‌ର ଉଚ୍ଚ ଶକ୍ତିସମ୍ପନ୍ନ କଣିକା ଧକ୍କା  ଜରିଆରେ ସିଇଆର୍‌ଏନ୍‌ ଏହି ଗୁପ୍ତ ଦିଗ ଉପରେ କାମ କରୁଛି ।  ବ୍ରହ୍ମାଣ୍ଡର ଲୁକ୍କାୟିତ ରହସ୍ୟଗୁଡ଼ିକର ଉନ୍ମୋଚନ ଏହାର ଲକ୍ଷ୍ୟ ।  ମୌଳିକ ବଳ ଏଥିରେ ସାମିଲ, ଯାହା ଏଲ୍‌ଏଚ୍‌ସିର ବିକାଶକୁ  ଆକାର ଦେଇଛି । ୨୦୧୨ ମସିହାରେ ଆବିଷ୍କୃତ ହିଗ୍‌ସ ବୋସନ୍‌  ବା ‘ଗଡ୍‌ ପାର୍ଟିକଲ୍‌’ ବ୍ରହ୍ମାଣ୍ଡ ଉତ୍ପତ୍ତି ବିଷୟରେ ବୁଝିବାରେ  ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ହୋଇଥିଲା । ପରବର୍ତ୍ତୀ ସମୟରେ  ବ୍ରହ୍ମାଣ୍ଡରେ ସୂକ୍ଷ୍ମାତିସୂକ୍ଷ୍ମ ଅଣୁ ଓ ପରମାଣୁର ଅଧ୍ୟୟନରେ ଏହା  ମୂଳଦୁଆ ପକାଇଥିଲା । ୨୦୧୪ ମସିହାର ଏକ ମହାକାଶ ବସ୍ତୁର  ପ୍ରଭାବରୁ ଏଲିଅନ୍‌ ଟେକ୍ନୋଲୋଜିର ବୈଷୟିକ ଜ୍ଞାନକୌଶଳ  ବିଷୟରେ ଜ୍ଞାନ ପ୍ରାପ୍ତି ଲକ୍ଷ୍ୟରେ ଲୋବ୍‌ ନିକଟରେ ପାପୁଆ  ନିଉଗିନି ଯାତ୍ରା କରିଥିଲେ । ବିଶ୍ୱସ୍ତରୀୟ ଏକ ସାମରିକ ବାହିନୀ  ଏଲିଅନ୍‌ ସଭ୍ୟତାର ଅନୁସନ୍ଧାନ କରୁଥିବା କଥା ସେ ଯୁକ୍ତି  କରିଛନ୍ତି । ମାନବତା ପାଇଁ ଏ ପ୍ରକାର ଆବିଷ୍କାର ଅତ୍ୟନ୍ତ ଲାଭକରୀ  ବୋଲି ସେ ଗୁରୁତ୍ୱାରୋପ କରିଛନ୍ତି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.