ନୂଆଦିଲ୍ଲୀ : ଆନ୍ଧ୍ର ପ୍ରଦେଶରେ ଗତ ୨ଦିନ ଧରି ମୂଷଳଧାରାରେ ବର୍ଷା ହେଉଛି। ଏହା କାରଣରୁ ୫ଟି ଜିଲ୍ଲାରେ ୨୯୪ଟି ଗାଁରୁ ୧୩,୨୨୭ ଜଣ ଲୋକଙ୍କୁ ସୁରକ୍ଷିତ ସ୍ଥାନରେ ପହଞ୍ଚା ଯାଇଛି। ମୁଖ୍ୟମନ୍ତ୍ରୀ ଏନ୍ ଚନ୍ଦ୍ରବାବୁ ନାଇଡୁ ବରିଷ୍ଠ ଅଧିକାରୀଙ୍କ ସହ ପାଣିପାଗର ସ୍ଥିତିର ସମୀକ୍ଷା କରିଛନ୍ତି। ସେମାନଙ୍କୁ ବନ୍ୟାର ଆକଳନ କରିବା ଓ ଏହି ଅନୁସାରେ ସାହାଯ୍ୟ ଓ ଉଦ୍ଧାର ଅଭିଯାନ ପରିଚାଳନ କରିବାକୁ ଡ୍ରୋନ୍ର ବ୍ୟବହାର କରିବାକୁ କୁହାଯାଇଛି। ଭାରତୀୟ ପାଣିପାଗ ବିଭାଗ (ଆଇଏମଡି) ର ଅଧିକାରୀ କହିଛନ୍ତି କି, ଉତ୍ତର ଆନ୍ଧ୍ର ପ୍ରଦେଶ ଓ ଦକ୍ଷିଣ ଓଡିଶାର ତଟରେ ସୃଷ୍ଟି ଚାପ ରବିବାର ସକାଳେ ଉତ୍ତର-ପଶ୍ଚିମ ଆଡ଼କୁ ବଢିଛି , ଯାହା କଲିଙ୍ଗପଟ୍ଟନମ୍ ନିକଟସ୍ଥ ଦକ୍ଷିଣ ରାଜ୍ୟର ତଟକୁ ଅତିକ୍ରମ କରିଛି। ଏହି କାରଣରୁ ରାଜ୍ୟରେ ଗତ ଦୁଇ ଦିନ ଧରି ପ୍ରବଳ ବର୍ଷା ହେଉଥିଲା।
ଗୃହମନ୍ତ୍ରୀ ବଙ୍ଗଲାପୁଡି ଅନିତା କହିଛନ୍ତି , ବର୍ଷା ପ୍ରଭାବିତ ଅଞ୍ଚଳରୁ ଲୋକଙ୍କୁ ସ୍ଥାନାନ୍ତର କରାଯାଇଛି, ଯାହାଙ୍କ ପାଇଁ ଏନଟିଆର, କୃଷ୍ଣା, ବାପଟଲା , ଗୁଣ୍ଟୁର ଓ ପାଳନାଡୁ ଜିଲ୍ଲାରେ ୧୦୦ଟି ଆଶ୍ରୟ କେନ୍ଦ୍ର ତିଆରି କରାଯାଇଛି। ଏହାସହ ୬୧ଟି ଚିକିତ୍ସା ଶିବିରର ମଧ୍ୟ ବ୍ୟବସ୍ଥା କରାଯାଇଛି। ଗୃହମନ୍ତ୍ରୀ ଅଫିସିଆଲି ବିଜ୍ଞପ୍ତିରେ କହିଛନ୍ତି, ପ୍ରବଳ ବର୍ଷା ଯୋଗୁଁ ଏବେସୁଦ୍ଧା ୯ଜଣ ଲୋକଙ୍କ ମୃତ୍ୟୁ ହୋଇ ସାରିଛି। ପୁଲିସ , ଏନଡିଆରଏଫ୍ ଓ ରାଜ୍ୟ ବିପର୍ଯ୍ୟୟ ମୁକାବିଲା ଦଳ (ଏସଡିଆରଏଫ୍)ର ଦଳ ଜଳମଗ୍ନ ଅଞ୍ଚଳରେ ୬୦୦ଲୋକଙ୍କୁ ରକ୍ଷା କରିଛନ୍ତି। ଏନଡିଆରଏଫ୍ ଓ ଏସ୍ଡିଆରଏଫ୍ର ୧୭ଟି ଦଳ ୭ଟି ଜିଲ୍ଲାରେ ୨୨ଟି ଜଳମଗ୍ନ ସ୍ଥାନରେ ଉଦ୍ଧାର ଅଭିଯାନ ଚଲାଇଛନ୍ତି।
ପ୍ରାରମ୍ଭିକ ଆକଳନ ଅନୁସାରେ , ଅନିତା କହିଛନ୍ତି ଯେ, ବର୍ଷା କାରଣରୁ ୬୨,୬୪୪ହେକ୍ଟର ଧାନ ଫସଲ ଓ ୭,୨୧୮ ହେକ୍ଟର ବଗିଚା ଜଳମଗ୍ନ ହୋଇ ଯାଇଛି। ସେ କହିଛନ୍ତି କି ସବୁ ଜିଲ୍ଲାରେ ଟୋଲ୍ ଫ୍ରି ନମ୍ୱର ଓ ନିୟନ୍ତ୍ରଣ କକ୍ଷ ସ୍ଥାପିତ କରାଯାଇଛି। ଏହାସହ ସ୍ଥିତି ଉପରେ ନଜର ରଖିବା ପାଇଁ ନୋଡାଲ ଅଧିକାରୀ ମଧ୍ୟ ନିଯୁକ୍ତ କରାଯାଇଛି। ମୁଖ୍ୟମନ୍ତ୍ରୀ ବରିଷ୍ଠ ଅଧିକାରୀଙ୍କ ସହ ପାଣିପାଗର ସ୍ଥିତିର ସମୀକ୍ଷା କରିଛନ୍ତି। ୬୦୦୦ ଲୋକଙ୍କୁ ସୁରକ୍ଷିତ ସ୍ଥାନରେ ପହଞ୍ଚାଯାଇଛି।
