ପ୍ରମୂଖ ଖବର
  • ବଜେପି ଅଧ୍ୟକ୍ଷ ଜେପି ନଡ୍ଡା ରାଜ୍ୟସଭା ନେତା ନିର୍ବାଚିତ
  • ||
  • ୩ ଓ୍ବିକେଟ୍ ହରାଇ ସେମି ଫାଇନାଲ୍‌ରେ ଦକ୍ଷିଣ ଆଫ୍ରିକା, ୱେଷ୍ଟଇଣ୍ଡିଜ୍‌ର ବିଶ୍ୱକପ୍ ସ୍ୱପ୍ନ ଧୂଳିସାତ୍
  • ||
  • ଅଷ୍ଟାଦଶ ଲୋକସଭାର କାମଚଳା ବାଚସ୍ପତି ଭାବେ ଶପଥ ନେଲେ ଭର୍ତ୍ତୃହରି ମହତାବ
  • ||
  • ରୁଙ୍ଗଟା କାରଖାନାରେ ଅଘଟଣ, ଲୁହା ପ୍ଲେଟ୍ ଚାପି ହୋଇ ୨ ଶ୍ରମିକ ମୃତ
  • ||
  • ରି ଚେକିଂ ହେବ ୧୮ ହଜାର ମାଟ୍ରିକ୍‌ ଖାତା, ବୋର୍ଡରେ ଆବେଦନ କରିଛନ୍ତି ୫ ହଜାର ପରୀକ୍ଷାର୍ଥ
  • ||
  • କେନ୍ଦୁଝର: ରାସ୍ତା ପାରି ହେଉଥିବା ବେଳେ ମାଡ଼ିଗଲା ଟ୍ରକ୍, ମହିଳା ମୃତ
  • ||
  • ଭୋଗରାଇ: ବଙ୍ଗୀୟ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ସହଯୋଗୀ ଫେରାର୍
  • ||
  • ସୁପର ୮ରେ ଭାରତ-ଅଷ୍ଟ୍ରେଲିଆ ବଡ଼ ଲଢ଼େଇ: ନେଟ୍‌ ରନରେଟ୍‌ ହେବ ଖେଳ, ଖଳନାୟକ ସାଜିପାରେ ବର୍ଷା
  • ||
  • ସୋମବାରଠୁ ଅଷ୍ଟାଦଶ ଲୋକସଭାର ପ୍ରଥମ ଅଧିବେଶନ:୨୬ରେ ବାଚସ୍ପତି ନିର୍ବାଚନ, ୨୭ରେ ରାଜ୍ୟ ସଭା ବୈଠକ
  • ||
  • ଓଡ଼ିଶାର ୩୦ ଜିଲ୍ଲାକୁ ସମ୍ପୂର୍ଣ୍ଣ ଛୁଇଁଲା ମୌସୁମୀ ବାୟୁ, ଆସନ୍ତା ୩ ଦିନ ବିଭିନ୍ନ ଜିଲ୍ଲାରେ ବର୍ଷା ସମ୍ଭାବନା
  • ||

ଭାରତ କିଣିଲା ୭୨୨ କୋଟିର ସୁନା, ସମଗ୍ର ବିଶ୍ୱରେ ତୃତୀୟ ବୃହତ୍‌ କ୍ରେତା ପାଲଟିଲା

ନୂଆଦିଲ୍ଲୀ,୦୯/୦୬: ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ମେ’ ମାସରେ ବିଶ୍ୱର ତୃତୀୟ ବୃହତ୍‌ ସୁନା କ୍ରେତା ପାଲଟିଛି । ୱାର୍ଲଡ ଗୋଲ୍‌ଡ କାଉନ୍‌ସିଲ୍‌(ଡବ୍ଲ୍ୟୁଜିସି) ଅନୁସାରେ, ଗତ ମାସ  ଭାରତ ପ୍ରାୟ ୭୨୨ କୋଟି ଟଙ୍କା ମୂଲ୍ୟର ସୁନା କ୍ରୟ  କରିଛି । ତେବେ ସୁଇଜରଲାଣ୍ଡ ବିଶ୍ୱର ସର୍ବବୃହତ୍‌  କ୍ରେତା ରହିଥିବାବେଳେ ଏହା ପଛକୁ ଅଛି ଚୀନ୍‌ ।  

ଗତ ୫ ବର୍ଷରେ ଭାରତ ଏହାର ସୁନା  ଭଣ୍ଡାରରେ ପ୍ରାୟ ୨୦୪ ଟନ୍‌ ବୃଦ୍ଧି କରିଛି । ୨୦୧୯  ମାର୍ଚ୍ଚରେ ଦେଶର ସୁନା ଭଣ୍ଡାର ୬୧୮.୨ ଟନ୍‌ ଥିଲା,  ଯାହା ୨୦୨୪ ମାର୍ଚ୍ଚ ୩୧ରେ ୩୩% ବଢ଼ି ୮୨୨.୧  ଟନ୍‌ ହୋଇଛି । ବର୍ଦ୍ଧିତ ଦର ଯୋଗୁ ଗତ ମାସ  ବିଶ୍ୱ ସୁନା ବଜାରରେ ହାରାହାରି ଦୈନିକ ଟ୍ରେଡିଂ  ଭଲ୍ୟୁମ୍‌ ୧୮ ଲକ୍ଷ କୋଟି ଟଙ୍କା ରହିଥିଲା । ଏହା  ଏପ୍ରିଲ ତୁଳନାରେ ୧୩% କମ୍‌ କିନ୍ତୁ ୨୦୨୩ର  ଦୈନିକ ହାରାହାରି ୧୩.୬ ଲକ୍ଷ କୋଟି ତୁଳନାରେ  ୩୨.୫୧% ଅଧିକ । କ୍ରମାଗତ ତୃତୀୟ ମାସ ପାଇଁ  ସୁନା ଦର ବଢ଼ିଛି । ଏବେ ୧୦ ଗ୍ରାମ ପିଛା ୨୨  କ୍ୟାରେଟ୍‌ ସୁନା ଦର ୬୫,୭୦୦ ଟଙ୍କା ଥିବାବେଳେ  ୨୪ କ୍ୟାରେଟ୍‌ ସୁନା ଦର ୭୧,୬୭୦ ଟଙ୍କା ରହିଛି ।  

ପ୍ରକାଶଯୋଗ୍ୟ, ଯଦି କୌଣସି ଦେଶର  କରେନ୍ସି ବା ପ୍ରଚଳିତ ମୁଦ୍ରା ଅନ୍ତର୍ଜାତୀୟ ସ୍ତରରେ  ଦୁର୍ବଳ ହୋଇଚାଲେ, ସେତେବେଳେ ସୁନା ଭଣ୍ଡାର  ଉକ୍ତ ଦେଶର କ୍ରୟ ଶକ୍ତି ଏବଂ ଏହାର ଆର୍ଥିକ ସ୍ଥିରତା  ବଜାୟ ରଖିବାରେ ସହାୟକ ହୋଇଥାଏ । ୧୯୯୧ରେ  ଯେତେବେଳେ ଭାରତର ଅର୍ଥନୀତି ବୁଡ଼ିବାକୁ  ଯାଉଥିଲା ଏବଂ ସାମଗ୍ରୀ ଆମଦାନି କରିବା ପାଇଁ  ଦେଶ ପାଖରେ ଡଲାର ନ ଥିଲା, ସେତେବେଳେ  ଏହା ସୁନାକୁ ବନ୍ଧକ ରଖି ପାଣ୍ଠି ସଂଗ୍ରହ କରିଥିଲା ।  ଏହା କରି ଦେଶ ଆର୍ଥିକ ସଂକଟରୁ ମୁକୁଳିଥିଲା ।  

୧୯୯୧ରେ ବୈଦେଶିକ ମୁଦ୍ରା ସଂକଟ ବେଳେ  ବ୍ରିଟେନ୍‌ରେ ବନ୍ଧା ପଡ଼ିଥିବା ଲକ୍ଷେ କିଲୋ ସୁନା  ଏବେ ଭାରତକୁ ଫେରିଆସିଛି । ଏହାକୁ ବର୍ତ୍ତମାନ  ଆର୍‌ବିଆଇର ସୁନା ଭଣ୍ଡାରରେ ଜମା କରି  ଦିଆଯାଇଛି । ବର୍ତ୍ତମାନ ଦରରେ ଏହାର ମୂଲ୍ୟ ପ୍ରାୟ  ୭୩,୦୦୦ କୋଟି ଟଙ୍କା ହେବ । ଆଗାମୀ କିଛି ମାସରେ  ବ୍ରିଟେନ୍‌ରୁ ଆହୁରି ସୁନା ଫେରାଇ ଆଣିବାକୁ ପ୍ରସ୍ତୁତ  ହେଉଛି ରିଜର୍ଭ ବ୍ୟାଙ୍କ । 

ସୂଚନାଯୋଗ୍ୟ, ୧୯୯୧ରେ ଦେଶରେ  ଦେଖାଦେଇଥିବା ବୈଦେଶିକ ମୁଦ୍ରା ସଂକଟ ବେଳେ  ଚନ୍ଦ୍ରଶେଖର ସରକାର ସ୍ଥିତିକୁ ସମ୍ଭାଳିବା ପାଇଁ  ଏହି ସୁନାକୁ ବିଦେଶରେ ବନ୍ଧକ ରଖିବାକୁ ବାଧ୍ୟ  ହୋଇଥିଲେ । ଉକ୍ତ ବର୍ଷ ଜୁଲାଇ ୪ରୁ ୧୮ ମଧ୍ୟରେ  ୪୦ କୋଟି ଡଲାର ଯୋଗାଡ଼ କରିବା ଲାଗି ଆର୍‌ବିଆଇ  ବ୍ୟାଙ୍କ ଅଫ୍‌ ଇଂଲଣ୍ଡ ଏବଂ ବ୍ୟାଙ୍କ ଅଫ୍‌ ଜାପାନ  ନିକଟରେ ବୃହତ୍‌ ମାତ୍ରାରେ ସୁନା ବନ୍ଧକ ରଖିଥିଲା । ୧୯୯୧ରୁ ପ୍ରଥମ ଥର ପାଇଁ ଏତେ ମାତ୍ରାରେ ସୁନା  ଦେଶକୁ ଫେରିଛି ।  

ସୁନା ଭଣ୍ଡାର ବଡ଼ ହେବା ଅର୍ଥ ଦେଶର  ଅର୍ଥବ୍ୟବସ୍ଥା ମଜଭୁତ ରହିଛି । ଏଥିରୁ ଏହା  ଜଣାପଡ଼େ ଯେ, ଉକ୍ତ ଦେଶ ନିଜ ଧନର ଠିକ୍‌ ଭାବେ ପ୍ରବନ୍ଧନ କରିଛି । ଏଭଳି ସ୍ଥିତିରେ ଅନ୍ୟ ଦେଶ ଏବଂ  ବିଶ୍ୱର ନାମୀଦାମୀ ବିତ୍ତୀୟ ପ୍ରତିଷ୍ଠାନ ଉକ୍ତ ଦେଶ  ଉପରେ ଅଧିକ ଭରସା କରିଥାନ୍ତି ।ସୁନା ଭଣ୍ଡାର  କୌଣସି ଦେଶର ମୁଦ୍ରା ମୂଲ୍ୟକୁ ସମର୍ଥନ କରିବା  ପାଇଁ ଏକ ସଲିଡ୍‌ ଆସେଟ୍‌ ପ୍ରଦାନ କରିଥାଏ

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.