ଗଜପତି,୨୯/୦୯: ପାରଳାଖେମୁଣ୍ଡି ପୋଲିସର ବଡ ସଫଳତା । ଅନ୍ତରାଜ୍ୟ ବାଇକ ଚୋରି ଘଟଣାରେ ଜଣେ ଅଭିଯୁକ୍ତ ଗିରଫ ହେବା ସହ୧୯ ଟି ନାମିଦାମୀ ବାଇକ ଜବତ । ଗିରଫ ହୋଇଥିବା ଅଭିଯୁକ୍ତ ଆନ୍ଧ୍ର ପ୍ରଦେଶର ଶ୍ରୀକାକୁଲମ ଜିଲ୍ଲା ପଳାସା ଅଞ୍ଚଳର ରଘୁ ପ୍ରଧାନ ବୋଲି ଜଣାପଡ଼ିଛି ।
ସୂଚନା ମୁତାବକ, ରଘୁ ପ୍ରଧାନ ଦୀର୍ଘଦିନ ଧରି ଅନେକ ସ୍ଥାନରୁ ବାଇକ ଚୋରି କରି ଆସୁଥିଲା । ତେବେ ଏହି ଘଟଣାରେ ପାରଳାଖେମୁଣ୍ଡି ପୋଲିସକୁ ସଫଳତା ମିଳିଛି । ଉକ୍ତ ଚୋରକୁ ପୋଲିସ ଗିରଫ କରିଛି । ଗିରଫ ହେବା ପରେ ତା ପାଖରୁ ୧୯ ଟି ନାମିଦାମୀ ବାଇକ ମଧ୍ୟ ଜବତ କରିଛି ପୋଲିସ । ଉକ୍ତ ବାଇକ୍ ଗୁଡ଼ିକର ମାଲିକଙ୍କୁ ଖୋଜି ଘଟଣାର ତଦନ୍ତ ଚଳାଇଛି ପୋଲିସ ।
