ରାୟଗଡ଼ା, ୬/୧୨ : ମଦ ବ୍ୟବସାୟୀଙ୍କ ଘରେ ଆଇଟି ରେଡ୍। ରାୟଗଡ଼ା ଜିଲ୍ଲାର ଜଣେ ଜଣାଶୁଣା ମଦ ବ୍ୟବସାୟୀ ଅରବିନ୍ଦ ସାହୁଙ୍କ ଘରେ ଓ ଅଫିସରେ ଆୟକର ବିଭାଗ ଚଢ଼ାଉ କରିଛି। ପାଞ୍ଚ ଜଣିଆ ଟିମ୍ ଚଢ଼ାଉ କରୁଛନ୍ତି।
ସୂଚନାନୁଯାୟୀ, ବୁଧବାର ସକାଳୁ ଅତ୍ୟନ୍ତ ଗୁପ୍ତ ଭାବରେ ଅରବିନ୍ଦ ସାହୁଙ୍କ ଘରେ ଓ ଅଫିସରେ ଆୟକର ବିଭାଗ ଚଢ଼ାଉ କରିଥିଲା। ଫଳରେ ଘଟଣା ପ୍ରଘଟ ହୋଇନଥିଲା। କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ଏହି ଚଢ଼ାଉ କରାଯାଇଥିଲା। ବର୍ତ୍ତମାନ ସୁଦ୍ଧା ଚଢାଉ ଜାରି ରହିଛି। ବ୍ୟବସାୟୀ ଅରବିନ୍ଦ ସାହୁଙ୍କ ଅନ୍ୟ ସମ୍ପର୍କୀୟମାନଙ୍କ ଘରେ ମଧ୍ୟ ଆୟକର ବିଭାଗର ଚଢଉ ହୋଇଛି। ତେବେ ଆୟକର ଅଧିକାରୀ କଣ ଅଭିଯୋଗ ପାଇଥିଲେ ତାହା ସ୍ପଷ୍ଟ ହୋଇନାହିଁ। କିନ୍ତୁ ବ୍ୟାପକ ଠକେଇ ଅଭିଯୋଗରେ ଚଢ଼ାଉ ହୋଇଥିବା ବିଶ୍ବସ୍ତ ସୂତ୍ରରୁ ସୂଚନା ମିଳିଛି।