ନୂଆଦିଲ୍ଲୀ,୧୪।୧୧: କାନାଡାରେ ଖଲିସ୍ତାନୀ ସଂଗଠନ ପୁଣିଥରେ ଉପଦ୍ରବ କରିବା ଆରମ୍ଭ କରିଦେଇଛି। କାନାଡାରେ ହିନ୍ଦୁ ଓ ଅନ୍ୟ ଭାରତୀୟଙ୍କୁ ଦୀପାବଳି ପାଳନ କରିବାକୁ ତାଙ୍କୁ ପସନ୍ଦ ଆସିନଥିଲା। ଏହି କାରଣରୁ ସେମାନେ ତାଙ୍କୁ ଗୁଳି ଗୁଲଜ କରିବା ସହ ତାଙ୍କ ଉପରକୁ ଟେକା ପଥର ମାଡ କରିଥିଲେ। ମିଳିଥିବା ସୂଚନା ଅନୁସାରେ, କାନାଡାର କ୍ୟୁବେକ୍ ପ୍ରାନ୍ତର ବ୍ରାମ୍ପଟନ୍‌ ବୋରୋରେ ଦୀପାବଳି ଉତ୍ସବ ବେଳେ ଖଲିସ୍ତାନୀ ସମର୍ଥକମାନେ ହିନ୍ଦୁଙ୍କ ଉପରେ ଆକ୍ରମଣ କରିଥିଲେ। ରିପୋର୍ଟ ଅନୁସାରେ, ଏଭଳି ଉପଦ୍ରବ ବେଳେ କାନାଡା ପୋଲିସ ମଧ୍ୟ ତାଙ୍କ ଉପରେ କୌଣସି ଆକ୍ସନ ନେଇ ନାହିଁ। ଉପଦ୍ରବକାରୀମାନେ ଖଲିସ୍ତାନୀ ହଳଦିଆ ପତାକା ନେଇ ଉତ୍ସବ ସ୍ଥଳରେ ପହଞ୍ଚିଥିଲେ। ଖଲିସ୍ତାନୀଙ୍କ ଏହି ଉପଦ୍ରବ କାନାଡାରେ ନୂଆ ନୁହେଁ। ସେମାନେ ବହୁବାର ଭାରତୀୟ ଦୂତାବାସ ଉପରେ ଆକ୍ରମଣ କରିସାରିଛନ୍ତି। 

Khalistani’s gatecrashed a Diwali celebration and threw stones at people in Brampton, Canada.

Canadian media under Trudeau’s control is calling it a fight between Sikhs and Hindus. Unbelievable! pic.twitter.com/NK7ZLzqkjn

— The Poll Lady (@ThePollLady) November 13, 2023

ସୁତ୍ରରୁ ମିଳିଥିବା ସୂଚନା ଅନୁସାରେ, କାନାଡା ପୋଲିସ ଉପଦ୍ରବକାରୀଙ୍କୁ ଅନ୍ତ ସାମ୍ପ୍ରଦାୟିକ ଲଢେଇ ବୋଲି କହିଛନ୍ତି ଓ କହିଛନ୍ତି ଦୁଇ ଧର୍ମର ଲୋକଙ୍କ ଭିତରେ ସଂଘର୍ଷ ହେଉଛି। ଭାରତ ସରକାରଙ୍କ ପକ୍ଷରୁ ଜଣେ ଅଧିକାରୀ କହିଛନ୍ତି, ଖଲିସ୍ତାନୀଙ୍କ କାର୍ଯ୍ୟକଳାପକୁ ଦେଖିବା ପରେ ମଧ୍ୟ ଜଷ୍ଟିନ୍ ଟ୍ରୁଡୋଙ୍କ ସରକାର ମୁକଦର୍ଶକ ପାଲଟିଯାଇଛନ୍ତି। ସେ ଅଭିବ୍ୟକ୍ତିର ସ୍ବାଧିନତା ନାମରେ ଖଲିସ୍ତାନୀ ସଂଗଠନକୁ ପ୍ରୋତ୍ସାହନ ଦେଉଛନ୍ତି। ହିନ୍ଦୁଙ୍କୁ ପର୍ବ ବେଳେ ଆକ୍ରମଣ କରିବା ଆହୁରି ଚିନ୍ତାଜନକ କଥା। ସେ କହିଛନ୍ତି, କୁଟନୈତିଜ୍ଞ  ବାଟରେ ଏହି ପ୍ରସଙ୍ଗକୁ ଉଠାଯିବ। 

ଉଲ୍ଲେଖନୀୟ ଯେ, କାନାଡା ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡୋ ମଧ୍ୟ ଗୁରୁବାର ଦୀପାବଳି ପାଳନ କରିଥିଲେ ଓ ନୂଆ ଡାକ ଟିକେଟ ଜାରି କରିଥିଲେ। ଗତ ୫ ବର୍ଷ ହେବ ଏହି ପରମ୍ପରା ଚାଲି ଆସିଛି। ୨୦୧୭ରେ ପ୍ରଥମ ଥର କାନାଡା ଦୀପାବଳି ଉପରେ ଷ୍ଟାମ୍ପ ଜାର କରିଥିଲା। କାରଣ କାନାଡାରେ ରହୁଥିବା ବୌଦ୍ଦ, ସିଖ୍ ଓ ଜୈନ ସମ୍ପ୍ରଦାୟର ଲୋକ ଦୀପାବଳି ପାଳନ କରନ୍ତି। ତେବେ  ହରଦୀପ ସିଂହ ନିଜ୍ଜରକୁ ହତ୍ୟାପରେ ଭାରତ ଓ କାନାଡା ଭିତରେ ସମ୍ପର୍କ ବିବାଦୀୟ ରହିଛି। ନିଜ୍ଜର ହତ୍ୟା ପାଇଁ କାନାଡାର ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡୋ ସଂସଦରେ ଭାରତକୁ ଦାୟୀ କରିଥିଲେ। ଏହାପରେ ଭାରତ ମଧ୍ୟ ତାଙ୍କର ସବୁ ଅଭିଯୋଗକୁ ଖଣ୍ଡନ କରିଥିଲା।