ପ୍ରମୁଖ ଖବର
  • ଖଣ୍ଡପଡ଼ା: ପୋଖରୀରେ ବୁଡ଼ି ପଞ୍ଚମ ଶ୍ରେଣୀର ଛାତ୍ରଙ୍କ ମୃତ
  • ||
  • ଯଜ୍ଞର ପ୍ରସାଦ ଖାଇ ୫୦ରୁ ଉର୍ଦ୍ଧ୍ବ ଲୋକ ଝାଡ଼ାବାନ୍ତି, ଖଲ୍ଲିକୋଟ ମେଡିକାଲରେ ଭର୍ତ୍ତି
  • ||
  • ଶନିବାରଠୁ ପିଜି ନାମଲେଖା ଆବେଦନ, ୨୭ ତାରିଖ ପର୍ଯ୍ୟନ୍ତ ଚାଲିବ: ଜୁନ୍‌ ୨୨ରେ ଆଡମିଟ୍‌ କାର୍ଡ, ଜୁଲାଇ ୩ରୁ ୧୪ ପ୍ରବେଶିକା ପରୀକ୍ଷା
  • ||
  • ବାଲିପାଟଣା-ନିମାପଡ଼ା ରାସ୍ତାରେ ବିଦ୍ୟୁତ୍ ଖୁଣ୍ଟକୁ ଧକ୍କା ଦେଲା କାର
  • ||
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ଆଇପିଏଲ-୨୦୨୪ : ଦିଲ୍ଲୀ କ୍ୟାପିଟାଲ୍ସକୁ ୭ ୱିକେଟ୍‌ରେ ହରାଇଲା କୋଲକାତା ନାଇଟ୍‌ ରାଇଡର୍ସ

କୋଲକାତା -  ଦିଲ୍ଲୀ କ୍ୟାପିଟାଲ୍ସକୁ ୭ ୱିକେଟ୍‌ରେ ହରାଇଲା କୋଲକାତା ନାଇଟ୍‌ ରାଇଡର୍ସ। ୧୫୪ରନ୍‌ର ଟାର୍ଗେଟ୍‌କୁ ପିଛା କରି କୋଲକାତା ୧୬.୩ ଓଭରରେ ( ୧୫୭ ରନ) ବିଜୟ ହାସଲ କରି ନେଇଛି। କୋଲକାତା ନାଇଟ୍‌ ରାଇଡର୍ସର ସଦ୍ୟ ଆଇପିଏଲ ସିଜନରେ ଏହା ୯ଟି ମ୍ୟାଚ୍‌ରେ ୬ଷ୍ଠ ତମ ବିଜୟ। ଅର୍ଥାତ୍‌ କେକେଆର ବିଜୟର ସିକ୍ସର ଲଗାଇଛି। ସେପଟେ ଦିଲ୍ଲୀର ୧୧ଟି ମ୍ୟାଚ୍‌ରେ ଏହା ୬ତମ ପରାଜୟ। ଆଇପିଏଲ -୨୦୨୪ର ୧୭ତମ ସିଜନର ମ୍ୟାଚ୍‌ ୪୭ରେ ଆଜି କୋଲକାତା ନାଇଟ୍‌ ରାଇଡର୍ସ (କେକେଆର) ଓ ଦିଲ୍ଲୀ କ୍ୟାପିଟାଲ୍ସ (ଡିସି) ମୁହାଁମୁହିଁ ହୋଇଥିଲେ। ଉଭୟ ଟିମ୍‌ ମଧ୍ୟରେ ଏହି ମୁକାବିଲା କୋଲକାତାର ଐତିହାସିକ ଇଡେନ ଗାର୍ଡେନ୍ସରେ ଖେଳା ଯାଉଥିଲା।

ଆଇପିଏଲ-୨୦୨୪ : କୋଲକାତାକୁ ୧୫୪ରନ୍‌ର ଟାର୍ଗେଟ୍‌ ଦେଲା ଦିଲ୍ଲୀ କ୍ୟାପିଟାଲ୍ସ

କୋଲକାତାର ଏହି ଆକର୍ଷଣୀୟ ବିଜୟରେ ୱିକେଟ୍‌କିପର ବ୍ୟାଟ୍ସମ୍ୟାନ ଫିଲ୍‌ ସାଲ୍ଟଙ୍କ ପ୍ରମୁଖ ଭୂମିକା ଥିଲା।  ସାଲ୍ଟ କେବଳ ୩୩ଟି ବଲରେ ୬୬ ରନ୍‌ କରିଥିଲେ, ଯେଉଁଥିରେ ୭ଟି ଚୌକା ଓ ୫ଟି ଛକା ସାମିଲ ଥିଲା। ସାଲ୍ଟ ଓ ସୁନିଲ ନରେନଙ୍କ ମଧ୍ୟରେ ପ୍ରଥମ ୱିକେଟ୍‌ ପାଇଁ ୬.୧ ଓଭରରେ ୭୯ ରନ୍‌ର ପାର୍ଟନରସିପ୍‌ ହୋଇଥିଲା। ଯିଏକି ମ୍ୟାଚ୍‌କୁ ଏକତରଫା କରିଦେଇଥିଲେ। 

ଉଲ୍ଲେଖନୀୟ ଯେ, ଉକ୍ତ ମ୍ୟାଚ୍‌ରେ ଦିଲ୍ଲୀ କ୍ୟାପିଟାଲ୍ସ , କୋଲକାତାକୁ ୧୫୪ରନ୍ ଟାର୍ଗେଟ୍‌ ଦେଇଥିଲା। ଟସ୍‌ ଜିତି ପ୍ରଥମେ ବ୍ୟାଟିଂ କରିବାକୁ ଆସିଥିବା ଦିଲ୍ଲୀ କ୍ୟାପିଟାଲ୍ସ  ୨୦ ଓଭରରେ ୯ ୱିକେଟ୍‌ ରେ ୧୫୩ ରନ୍‌ କରିଥିଲା । ଦିଲ୍ଲୀ କ୍ୟାପିଟାଲ୍ସ ପାଇଁ କୁଲଦୀପ ଯାଦବ ସବୁଠୁ ଅଧିକ ଅପରାଜେୟ ୩୫ ରନ୍‌ କରିଥିବା ବେଳେ ଅଧିନାୟକ ରିଷଭ ପନ୍ତ ୨୦ଟି ବଲରେ ୨୭ ରନ କରି ପାରିଥିଲେ। ,ଯେଉଁଥିରେ ରହିଥିଲା ୨ଟି ଚୌକା ଓ ଗୋଟିଏ ଛକା । ଏହା ବ୍ୟତୀତ ଅଭିଷେକ ପୋରେଲ ୧୮ ଓ ଅକ୍ଷର ପଟେଲ ୧୫ ରନ୍‌ କରିଥିଲେ। କେକେଆରର ବରୁଣ ଚକ୍ରବର୍ତ୍ତୀ ସବୁଠୁ ଅଧିକ ୩ଟି ୱିକେଟ୍‌ ନେଇଥିଲେ । ସେପଟେ ବୈଭବ ଅରୋରା ଓ ହର୍ଷିତ ରାଣାଙ୍କୁ ୨-୨ ୱିକେଟ୍‌ ମିଳିଥିଲା। 

ଉକ୍ତ ମୁକାବିଲା ପାଇଁ ଦୁଇ ଟିମ୍‌ରେ ବଡ଼ ପରିବର୍ତ୍ତନ ହୋଇଥିଲା। କୋଲକାତା ନାଇଟ୍‌ ରାଇଡର୍ସର ଦ୍ରୁତ ବୋଲର ମିଚେଲ ଷ୍ଟାର୍କ ଆହତ ସମସ୍ୟାରୁ ବାହାରି ଏହି ମ୍ୟାଚ୍‌ରେ ଖେଳିଥିଲେ। ଯେଉଁଥି ପାଇଁ ଦୁଷ୍ମନ୍ତା ଚମିରାଙ୍କୁ ବାହାରେ ରହିବାକୁ ପଡ଼ିଥିଲା। ଦ୍ରୁତ ବୋଲର ବୈଭବ ଅରୋରାଙ୍କୁ ମଧ୍ୟ ଏହି ମ୍ୟାଚରେ ସୁଯୋଗ ମିଲିଥିଲା। ଅନ୍ୟପଟେ ଦିଲ୍ଲୀ କ୍ୟାପିଟାଲ୍ସର ପ୍ଲେଇଂ-୧୧ରେ ଓପନର ପୃଥ୍ୱୀ ଶ’ଙ୍କ ପ୍ରତ୍ୟାବର୍ତ୍ତନ ହୋଇଥିଲା । 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.