ଫିରିଙ୍ଗିଆ, ୨୭।୩ :  କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ବନ୍ଧଗଡ଼ ପଞ୍ଚାୟତ ର ମଣିପଦର ଠାରେ ମା’ ବରାଳ ଦେବୀ ଚ୍ୟାଲେଞ୍ଜ କ୍ରିକେଟ କପ ୨୦୨୪ ଉଦଯାପିତ ହୋଇଯାଇଛି I ବରାଳ ଦେବୀ କ୍ରିକେଟ କ୍ଳବ ବନ୍ଧଗଡ଼ ଆନୁକୂଲ୍ୟରେ କ୍ଲବ ର ସଭାପତି ସରୋଜ କୁମାର ପୃଷ୍ଟିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କ୍ରିକେଟ ଟୁର୍ନାମେଣ୍ଟ ର ଉଦଯାପିତ ଉତ୍ସବରେ  ଫୁଲବାଣୀ ବିଧାୟକ ଅଙ୍ଗଦ କହଁର, ଆଇନଜୀବୀ ସତ୍ୟ ନାରାୟଣ ବେହେରା, ମୁଖ୍ୟ ବକ୍ତା ଲାଲ ନନ୍ଦା ପ୍ରଧାନ,ବିଜେଡି ବ୍ଲକ ସଭାପତି ରଜନୀ କାନ୍ତ ମଲ୍ଲିକ, ଜଳନ୍ଧର ବେହେରା, ପୂର୍ବତନ ବ୍ଲକ ଅଧ୍ୟକ୍ଷ ବିରେନ୍ଦ୍ର କହଁର ଯୋଗଦେଇ ଅନୁଷ୍ଠାନିକ ଭାବରେ ଉଦଘାଟନ କରିଥିଲେ  I 

ଏହି କ୍ରିକେଟ ଟୁର୍ନାମେଣ୍ଟ ରେ ଜିଲ୍ଲା ତଥା ଜିଲ୍ଲା ବାହାରୁ ପ୍ରାୟ ୧୬ ଟି ଟିମ ଭାଗ ନେଇଥିବା ବେଳେ ବାଲିଗୁଡ଼ା ବ୍ଲକ ର ବାରଖମା ଟିମ୍ ଓ ଫିରିଙ୍ଗିଆ ବ୍ଲକ ର ଡିମ୍ବିରିଗୁଡା କ୍ରିକେଟ କ୍ଳବ ମଧ୍ୟରେ ଫାଇନାଲ ଖେଳ ଅନୁଷ୍ଠିତ ହୋଇଥିଲା I ଶେଷ ରେ ବାରଖମା ଟିମ୍ କୁ ପରାସ୍ତ କରି ଡିମ୍ବିରିଗୁଡା ଟିମ୍ ଚାମ୍ପିଅନ ହୋଇଥିଲେ । ଶେଷରେ ଉଭୟ ବିଜେତା ଓ ଉପବିଜେତା ଦଳକୁ ଅତିଥି ମାନେ   ଟ୍ରଫି ପ୍ରଦାନ କରିଥିଲେ । ଅଂଚଳର ଜଣାଶୁଣା ଅମପେୟାର ଦୀପକ ବେହେରା ଓ ରଜନୀ ଦିଗାଲ ପରିଚାଳନା କରିଥିବା ବେଳେ କ୍ଳବ ର ସମ୍ପାଦକ ବଜେନ୍ଦ୍ର କହଁର ଙ୍କ ସହ ଦୀକ୍ଷିତ ବିଷୋୟୀ, ପ୍ରିୟଦର୍ଶନ ମୁଖି, ବିଶ୍ଵରଂଜନ କହଁର, ଅନନ୍ତ କହଁର,ମାନସ ବିଶୋଇ, ଅଜୟ କହଁର, ପ୍ରମୋଦ ଦିଗାଲ ଓ କ୍ଳବ ର ସମସ୍ତ ସଦସ୍ୟ ସହଯୋଗ କରିଥିଲେ  ।