ବେଙ୍ଗାଲୁର,୨୫।୬: କର୍ଣ୍ଣାଟକର ଦାଭଣଗିରେ ଜିଲ୍ଲାର ଚନ୍ନାଗିରିରେ ଆଦିଲ ନାମକ ଜଣେ ବ୍ୟକ୍ତିଙ୍କ ପୋଲିସ ଷ୍ଟେସନ୍ରେ ମୃତ୍ୟୁ ପରେ ହିଂସାକାଣ୍ଡ।ଶନିବାର ଉତ୍ୟକ୍ତ ଲୋକ ପୋଲିସ ଷ୍ଟେସନ୍ ଭଙ୍ଗାରୁଜା କରିବା ସହ ଟେକାପଥର ମାଡ ଓ ବହୁ ଯାନବାହାନରେ ନିଆଁ ଲଗାଇ ଦେଇଛନ୍ତି। ପୋଲିସର କହିବା ଅନୁସାରେ, ଆଦିଲ(୩୦)ଙ୍କୁ ଜୁଆ ଖେଳରେ ସମ୍ପୃକ୍ତି ନେଇ ୨୪ ମଇରେ କଷ୍ଟଡିରେ ନେଇଥିଲା ପୋଲିସ। ଶୁକ୍ରବାର ଆଦିଲଙ୍କ ଦେହ ଖରାପ ହେବାପରେ ଥାନରେ ମୃତ୍ୟୁ ହୋଇଥିଲା।
ଆଦିଲଙ୍କ ମୃତ୍ୟୁ ଖବର ଜାଣିବା ପରେ ପରିବାର ଓ ସମ୍ପର୍କୀୟ ଲୋକ ଥାନାରେ ପହଁଞ୍ଚି ହଙ୍ଗାମା କରିଥିଲେ। ଉତ୍ୟକ୍ତ ଲାକେ ପୋଲିସ ବାହାନକୁ କ୍ଷତି ପହଁଞ୍ଚାଇଥିବା ବେଳେ ଟେକାପଥର ମାଡ କରିଛନ୍ତି। ଏଥିରେ ପୋଲିସ ଷ୍ଟେସନ୍ର ୧୧ ଜଣ କର୍ମଚାରୀ ଆହତ ହୋଇଛନ୍ତି।ଉତ୍ୟକ୍ତ ଲୋକଙ୍କୁ ସମ୍ଭାଳିବାକୁ ଯାଇ ପୋଲିସ ଲାଠିଚାର୍ଜ କରିଥିଲା। ଆଦିଲଙ୍କ ପରିବାର ଓ ସମ୍ପର୍କୀୟ ଅଭିଯୋଗ କରିଛନ୍ତି, ପୋଲିସର କଷ୍ଟଡିରେ ତାଙ୍କୁ ମାଡ଼ ମାରିଥିବା ଯୋଗୁଁ ତାଙ୍କର ମୃତ୍ୟୁ ହୋଇଛି।
ଦାବଣଗେର ପୋଲିସ ଏସପିଙ୍କ କହିବା ଅନୁସାରେ, ମୃତଦେହକୁ ମାଜିଷ୍ଟେ୍ରଟଙ୍କ ଉପସ୍ଥିତିରେ ପୋଷ୍ଟମର୍ଟମ କରାଯିବ। ରିପୋର୍ଟ ଆଧାରରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ପୋଲିସ କହିଛି, ଆଦିଲକୁ ମାରପିଟ୍ କରାଯାଇ ନାହିଁ। କାରଣ ଦେହରେ କୌଣସି ଆଘାତ ଚିହ୍ନ ନାହିଁ। ଥାନାକୁ ଆଣିବାର ୬ ରୁ ୭ ମିନିଟ୍ ଭିତରେ ଅଭିଯୁକ୍ତର ମୃତ୍ୟୁ ହୋଇଛି। ଡାକ୍ତର ମଧ୍ୟ କହିଛନ୍ତି ଯେ, ବ୍ଲଡ ପ୍ରେସର ବଢିଯିବା କାରଣରୁ ଅଭିଯୁକ୍ତର ମୃତ୍ୟୁ ହୋଇଛି।