ନୂଆଦିଲ୍ଲୀ: ଲୋକସଭା ନିର୍ବାଚନ ୨୦୨୪ ପୂର୍ବରୁ ବିଜେପିର ସବୁ ନେତା ଏବଂ କାର୍ଯ୍ୟକର୍ତ୍ତା ନିଜ ନିଜର ସୋସିଆଲ ମିଡିଆ ଆକାଉଣ୍ଟର ବାୟୋରେ ‘ମୋଦୀ କା ପରିବାର’ ବୋଲି ଲେଖିଥିଲେ । ଏବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କୁ ନିଜ ନିଜର ସୋସିଆଲ ମିଡିଆ ପ୍ରୋଫାଇଲରୁ ମୋଦୀ କା ପରିବାର ହଟାଇବାକୁ ଅପିଲ୍ କରିଛନ୍ତି ।
ପିଏମ ମୋଦୀ ଏକ୍ସ ପୋଷ୍ଟରେ ଲେଖିଛନ୍ତି, ‘ନିର୍ବାଚନ ପ୍ରଚାର ସମୟରେ ସମଗ୍ର ଦେଶର ଲୋକେ ମୋ ପ୍ରତି ସ୍ନେହର ପ୍ରତୀକ ରୂପେ ନିଜ ସୋସିଆଲ ମିଡିଆରେ ମୋଦୀ କା ପରିବାର ଯୋଡ଼ିଥିଲେ । ଏହା ମୋତେ ବହୁତ ଶକ୍ତି ଦେଇଛି । ଭାରତବାସୀ ଲଗାତାର ତୃତୀୟ ଥର ଲାଗି ଏନଡିଏକୁ ବହୁମତ ଦେଇଛନ୍ତି । ଯାହା ଏକ ପ୍ରକାର ରେକର୍ଡ ଏବଂ ଦେଶ ପାଇଁ କାର୍ଯ୍ୟ ଜାରି ରଖିବାକୁ ଆମକୁ ଜନାଦେଶ ମିଳିଛି ।’
ଏହା ସହ ମୋଦୀ ଆହୁରି ଲେଖିଛନ୍ତି ଯେ, ‘ଆମେ ଏକ ପରିବାର ବୋଲି ଦୃଢ଼ ସନ୍ଦେଶ ମଳିଛି । ଭାରତବାସୀ ପୁଣି ଥରେ ଧନ୍ୟବାଦ ଜଣାଉଛି । ଏହା ସହ ସୋସିଆଲ ମିଡିଆରୁ ମୋଦୀ କା ପରିବାର ହଟାଇ ଦେବାକୁ ଅନୁରୋଧ କରୁଛି । ଭାରତର ପ୍ରଗତି ପାଇଁ ଗୋଟିଏ ପରିବାର ଭାବରେ ଆମର ବନ୍ଧନ ମଜଭୁତ ଏବଂ ଅତୁଟ ହୋଇ ରହିଛି ।’