ପ୍ରମୂଖ ଖବର
  • ପୁରୀ: ନବଦିନାତ୍ମକ ଯାତ୍ରା ସାରି ବାହୁଡିବେ ନୀଳାଦ୍ରିନାଥ, ବାହୁଡ଼ାଦିଅଁଙ୍କ ପହଣ୍ଡି ବିଜେ
  • ||
  • ସୁନ୍ଦରଗଡ଼: ପ୍ରେମ କଳିକୁ ନେଇ ଡବଲ ମର୍ଡର, ପ୍ରେମିକା ଓ ତାର ସହପାଠୀକୁ ଛୁରୀ ଭୁସି ହତ୍ୟା କଲା ଡ୍ରାଇଭର୍ ପ୍ରେମିକ
  • ||
  • ଭୁବନେଶ୍ୱର: କଳାଭୂମି ନିକଟରେ ବୃଦ୍ଧଙ୍କ ଉପରେ ମାଡିଗଲା ବାଲି ବୋଝେଇ ଟ୍ରକ୍‌, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ୱିମ୍ବଲଡନ ଟାଇଟଲ ଲଢ଼େଇ: ଭେଟେରାନ ଜୋକୋଭିକଙ୍କୁ ହରାଇ କାର୍ଲୋସ ଅଲକାରାଜ ଚାମ୍ପିଅନ୍
  • ||
  • ସୋମବାରଠୁ ସିବିଏସ୍‌ଇ ସପ୍ଲିମେଣ୍ଟାରୀ ପରୀକ୍ଷା, ଉଭୟ ଦଶମ ଓ ଦ୍ୱାଦଶ ଛାତ୍ରଛାତ୍ରୀ ଦେବେ ଏକ୍ସଜାମ୍
  • ||
  • ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ: ଆଜି ଦକ୍ଷିଣ- ଉତ୍ତର ଓଡ଼ିଶାରେ ପ୍ରବଳ ବର୍ଷା ସମ୍ଭାବନା
  • ||
  • ଜନ୍ମବେଦିରୁ ଶ୍ରୀମନ୍ଦିରକୁ ବାହୁଡିବେ ଚତୁର୍ଦ୍ଧାମୂର୍ତ୍ତି: ୧୨ଟାରେ ପହଣ୍ଡି, ୪ଟାରେ ରଥ ଟଣା
  • ||

ଓଡ଼ିଆ ଦର୍ଶକଙ୍କୁ ମୁକେଶ ଖାନ୍ନାଙ୍କ କଟାକ୍ଷ: ‘କଳ୍‌କୀ’ ସିନେମାକୁ ତୁମେମାନେ ବୁଝିପାରିବନି...

ଭୁବନେଶ୍ୱର,୦୭/୦୭: ୯୦ ଦଶକରେ ‘ଶକ୍ତିମାନ’  ଭଳି ଲୋକପ୍ରିୟ ଚରିତ୍ରରେ ଅଭିନୟ କରିଥିବା ବଲିଉଡର ବରିଷ୍ଠ ଅଭିନେତା ମୁକେଶ ଖାନ୍ନା  ‘କଳ୍‌କୀ ୨୮୯୮’ ସିନେମାକୁ  କଡ଼ା ସମାଲୋଚନା କରିଛନ୍ତି ।  ଏହି ପ୍ରସଙ୍ଗରେ ସେ ସିଧାସଳଖ  ଓଡ଼ିଆ ଓ ବିହାରୀ ଦର୍ଶକଙ୍କୁ ଟାର୍ଗେଟ କରି କଟାକ୍ଷ କରି କହିଛନ୍ତି, ଏଭଳି  ସିନେମା କେବଳ ତୀକ୍ଷ୍ଣ ବୁଦ୍ଧି ଥିବା ଲୋକଙ୍କ ପାଇଁ  ପ୍ରସ୍ତୁତ ହୋଇଛି । ଯାହାକୁ ସହଜରେ ଓଡ଼ିଶା ଓ  ବିହାରର ଦର୍ଶକମାନେ ବୁଝିପାରିବେନି । ଓଡ଼ିଆ  ଦର୍ଶକଙ୍କ ପ୍ରତି ମୁକେଶଙ୍କ ଏଭଳି କଟାକ୍ଷକୁ ନେଇ  ବିବାଦ ସୃଷ୍ଟି ହୋଇଛି ।  

ଦୁଇଦିନ ତଳେ ମୁକେଶ ଏହି ଫିଲ୍ମ  ଦେଖିଥିଲେ । ଫିଲ୍ମ ଦେଖିସାରି ସେ ଫିଲ୍ମର  ନିର୍ଦ୍ଦେଶକ ନାଗ ଅଶ୍ୱିନୀଙ୍କୁ ସମାଲୋଚନା କରିବା  ଆରମ୍ଭ କରିଥିଲେ । ଫିଲ୍ମରେ ଅଶ୍ୱତ୍‌ଥାମାଙ୍କ  ଚରିତ୍ରକୁ ଭିନ୍ନ ଢଙ୍ଗରେ ଚିତ୍ରଣ କରାଯାଇଥିବା ସେ  ଅଭିଯୋଗ କରିଥିଲେ । ମୁକେଶ କହିଛନ୍ତି, ସେ  ୮୦ ଦଶକରେ ବିଆର୍‌ ଚୋପ୍ରାଙ୍କ ମହାଭାରତରେ  ପିତାମହ ଭୀଷ୍ମଙ୍କ ଚରିତ୍ରରେ ଅଭିନୟ  କରିଥିଲେ । ବେଦବ୍ୟାସ କୃତ ମହାଭାରତରେ  ଅଶ୍ୱତ୍ଥାମାଙ୍କ ମଣି ଛଡ଼ାଇଥିବା ବ୍ୟକ୍ତି ହେଉଛନ୍ତି  ଭୀମ ଓ ଅର୍ଜୁନ । ହେଲେ ଫିଲ୍ମରେ ଅଶ୍ୱତ୍ଥାମାଙ୍କ  ମଣିକୁ ଭଗବାନ ଶ୍ରୀକୃଷ୍ଣ ଛଡ଼ାଇ ନେଇ ତାଙ୍କୁ  ଅଭିଶାପ ଦେଉଥିବା ଦର୍ଶାଯାଇଛି । ଯାହା  ସମ୍ପୂର୍ଣ୍ଣ ଭୁଲ । ଏଥିସହ ମହାଭାରତର ବିକୃତ  କରାଯାଇଥିବା ସେ କହିଥିଲେ । ଏହାପରେ  ସେ ବିହାରୀ ସହ ଓଡ଼ିଆ ଦର୍ଶକଙ୍କୁ  ଟାର୍ଗେଟ୍‌ କରିଥିଲେ । ଫିଲ୍ମଟି ହଲିଉଡ୍‌  ସ୍ତରର ହୋଇଥିବାରୁ ଏହାକୁ କେବଳ  ସେହିମାନେ ବୁଝିବେ ଓ ଉପଭୋଗ  କରିବେ । କିନ୍ତୁ ଓଡ଼ିଆମାନେ ଏହାକୁ  କେବେବି ବୁଝିପାରିବେନି ।  

ପ୍ରକାଶଥାଉକି, ଦୀର୍ଘବର୍ଷ ତଳେ  ‘ଶକ୍ତିମାନ’ ସିରିଏଲ୍‌କୁ ଓଡ଼ିଆରେ  ରୂପାନ୍ତର କରାଯାଇଥିଲା । ଯାହାକୁ  ଓଡ଼ିଆ ଲୋକେ ବହୁତ ପସନ୍ଦ କରିଥିଲେ ।  ସେହିପରି ମୁକେଶ ନିଜେ ଓଡ଼ିଆ ଫିଲ୍ମ ଆୱାର୍ଡ  ସୋ’କୁ ଆସିଥିଲେ । ମାତ୍ର ତାଙ୍କର ଏଭଳି ମନ୍ତବ୍ୟ  ଓଡ଼ିଆ ଦର୍ଶକଙ୍କୁ କ୍ଷୁବ୍ଧ କରିଛି । ସମସ୍ତେ ମୁକେଶଙ୍କ  ଏଭଳି ବୟାନକୁ ଭର୍ତ୍ସନା କରିବା ସହ ସୋସିଆଲ୍‌  ମିଡିଆରେ କଡ଼ା ଜବାବ ଦେଇ ଘଟଣାକୁ ଟ୍ରୋଲ୍‌  କରିବା ଆରମ୍ଭ କରିଛନ୍ତି । 

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.