ନୂଆଦିଲ୍ଲୀ: ଦେଶର ଜଣାଶୁଣା ଶିଳ୍ପପତି ମୁକେଶ ଅମ୍ବାନୀଙ୍କ ଘର ନିକଟରେ ବିସ୍ଫୋରକ ଭର୍ତ୍ତି ଗାଡି ମିଳିବା ଏବଂ ବ୍ୟବସାୟୀ ମନସୁଖ ହିରେନଙ୍କ ହତ୍ୟାକାଣ୍ଡ ମାମଲାରେ ଅଭିଯୁକ୍ତ ପୂର୍ବତନ ପୋଲିସ କର୍ମଚାରୀ ସଚିନ ୱାଜେଙ୍କ ଜାମିନ ଆବେଦନକୁ ଶନିବାର ଏନଆଇ କୋର୍ଟ ଖାରଜ କରିଛନ୍ତି । ଏହା ହେଉଛି ଦ୍ୱିତୀୟ ଥର ଯେ, ସ୍ୱତନ୍ତ୍ର ଏନଆଇଏ କୋର୍ଟ ଏହି ମାମଲାରେ ଅଭିଯୁକ୍ତ ୱାଜେଙ୍କ ନିୟମିତ ଜାମିନ ଆବେଦନକୁ ଖାରଜ କରିଛନ୍ତି। ଅଭିଯୁକ୍ତ ବର୍ତ୍ତମାନ ନ୍ୟାୟିକ ହେପାଜତରେ ଅଛନ୍ତି ଏବଂ ନାଭି ମୁମ୍ବାଇର ତାଲୋଜା ଜେଲରେ ଅଛନ୍ତି।

 ଏପ୍ରିଲ ମାସରେ ଦାଖଲ ହୋଇଥିବା ଆବେଦନରେ ୱାଜେ ଦାବି କରିଛନ୍ତି ଯେ ତାଙ୍କ ବିରୋଧରେ ସମଗ୍ର ମାମଲା ଭିତ୍ତିହୀନ ଅଭିଯୋଗ ଉପରେ ଆଧାରିତ। ଯାହାକୁ ବିଚାର କରିବା ପାଇଁ କୌଣସି ସ୍ତରରେ ବିଶ୍ୱାସ କରାଯାଇପାରିବ ନାହିଁ । 

ଜାମିନ ଆବେଦନରେ କିହାଯାଇଛି ଯେ, ଭାରତର ନାଗରିକ ଭାବରେ ମୁଁ ଅମ୍ବାନୀ ଏବଂ ତାଙ୍କ ପରିବାର ସଦସ୍ୟଙ୍କୁ ଭାରତୀୟ ଅର୍ଥନୀତିର ବିକାଶରେ ଅବଦାନ ପାଇଁ ସର୍ବାଧିକ ସମ୍ମାନ କରୁଛି । ଭାରତର ସବୁଠାରୁ ସଂରକ୍ଷିତ ଘରୋଇ ପରିବାର । କୌଣସି ପରିସ୍ଥିତିରେ ସେମାନଙ୍କ ବିରୁଦ୍ଧରେ ଏକ ମୂର୍ଖତାପୂର୍ବ ଅପରାଧ କରିବାକୁ ଚିନ୍ତା ମଧ୍ୟ କରିପାରିବି ନାହିଁ । 

ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) ଅଭିଯୋଗ କରିଛି ଯେ ମୁମ୍ବାଇ କ୍ରାଇମ ବ୍ରାଞ୍ଚରେ ସହକାରୀ ପୋଲିସ ଇନ୍ସପେକ୍ଟର ଥିବା ସଚିନ ୱାଜେ ଷଡଯନ୍ତ୍ରର ଏକ ଅଂଶ ଭାବରେ ଆଣ୍ଟିଲିଆ ବାହାରେ ବିସ୍ଫୋରକ ସାମଗ୍ରୀ ଭର୍ତ୍ତି ଏକ ଗାଡି ପାର୍କିଂ କରିଥିଲେ। ମାନସୁଖ ହିରେନ ପୋଲିସକୁ ଭୁଲ ତଥ୍ୟ ଦେଇଥିଲେ ଯେ, ତାଙ୍କଠାରୁ ଗାଡି ଚୋରି ହୋଇଛି ବୋଲି। କିନ୍ତୁ ଯେତେବେଳେ ସେ କହିଥିଲେ ଯେ ସେ ସତ କହିବେ, ଷଡଯନ୍ତ୍ରକାରୀ ମାନେ ତାଙ୍କୁ ହତ୍ୟା କରିଥିଲେ ।