ପୁଞ୍ଛ,୨୩।୯:  କଂଗ୍ରେସ ସାଂସଦ ରାହୁଲ ଗାନ୍ଧୀ ସୋମବାର ପୁଞ୍ଛରେ କରିଛନ୍ତି ନିର୍ବାଚନୀ ରାଲି। ଏହି ସମୟରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସିଧା ସଳଖ କରିଛନ୍ତି ଟାର୍ଗେଟ। ସେ କହିଛନ୍ତି, ଏହି ସେ ବଦଳି ସାରିଛନ୍ତି। ଆଜି ସେ ମୋଦି ଆଗ ଭଳି ନାହାନ୍ତି। ଆମେ ତାଙ୍କୁ ମନୋବୈଜ୍ଞାନିକ ସ୍ତରରେ ଶେଷ କରିଦେଇଛି। ଏବେ ସେ ମୋଦି ନାହାନ୍ତି, ଯାହାଙ୍କୁ ଆଗରୁ ଦେଖିଥିଲେ। ପୂର୍ବରୁ ଯେଉଁ ମୋଦି ଥିଲେ, ସେ ୫୬ ଇଞ୍ଚର ଛାତି ଥିବା ମୋଦି ଥିଲେ। ଆପଣ ତାଙ୍କର ମୁହଁ ଦୂରରୁ ଦେଖୁଛନ୍ତି, କିନ୍ତୁ ମୁଁ ସଂସଦରେ ପାଖରୁ ଦେଉଛି। ସ୍ପଷ୍ଟ ଭାବରେ କହିବାକୁ ଚାହୁଁଛି ଆଗରୁ ଯେଉଁ ମୋଦି ଥିଲେ, ଏବେ ସେ ନାହାନ୍ତି। ଆଜି ବିରୋଧି ଯାହା କରିବାକୁ ଚାହାନ୍ତି, ତାହା କରିପାରିବେ। ସେ କୌଣସି ଆଇନ ଆଣନ୍ତି ଯଦି ତେବେ ଆମେ ତାଙ୍କ ଆଗରେ ଠିଆ ହୋଇଯାଉଛୁ ଓ ପୁଣି ନୂଆ ଆଇନ ଆଣୁଛୁ।

ରାହୁଲ କହିଛନ୍ତି, ଇଲେକସନ୍‌ ବେଳେ ମୋଦି କହିଥିଲେ ମୁଁ ବାୟୋଲୋଜିକାଲ ନୁହେଁ। ମୋର ସିଧା ସଳଖ କନେକ୍ସନ ଉପର ସହ ରହିଛି। ମୁଁ ସିଧା ସଳଖ ଭଗବାନଙ୍କ ସହ କଥା ହୁଏ। କିନ୍ତୁ ଏବେ ଇଣ୍ଡିଆ ମେଣ୍ଟ ମୋଦିଙ୍କୁ ମନୋବୈଜ୍ଞାନିକ ରୂପରେ ଭାଙ୍ଗି ଦେଇଛୁ। ଆମେ ଘୃଣା ନୁହେଁ,ବଂର ଭଲ ପାଇବା ବାଣ୍ଟୁ। କେବଳ ପ୍ରେମ ଦ୍ବାରା ହିଁ ଘୃଣାକୁ ହରାଇ ହେବ। ଏଭଳି ବହୁତ ଥର ହୋଇଛି ଯେବେ କେନ୍ଦ୍ର ଶାସିତ ଅଞ୍ଚଳକୁ ରାଜ୍ୟ କରାଯାଇଛି। ବହୁବାର ରାଜ୍ୟ ବିଭାଜନ ହୋଇଛି ଓ ଗୋଟିଏରୁ ଦୁଇଟି ରାଜ୍ୟ ହୋଇଛି। କିନ୍ତୁ ଏବେ ପ୍ରଥମ ଥର ହୋଇଛି, ଯେତେବେଳେ ରାଜ୍ୟକୁ କେନ୍ଦ୍ରଶାସିତ ଅଞ୍ଚଳ କରାଯାଇଛି। ଆପଣଙ୍କର ଯାହା ଅଧିକାର ରହିଛି, ଏବେ ତାକୁ ଛଡାଇ ନିଆଯାଇଛି। ଭାରତ ଇତିହାସରେ ଏଭଳି ପ୍ରଥମ ଥର ହୋଇଛି। ଏକ ରାଜ୍ୟକୁ କୁହାଯାଇଛି ଆପଣ ଏବେ ରାଜ୍ୟରେ ରହିବେନି, ବଂର କେନ୍ଦ୍ର ଶାସିତ ରାଜ୍ୟରେ ରହିବେ।’

ସାରା ଦେଶରେ ନରେନ୍ଦ୍ର ମୋଦି ବେରୋଜଗାରୀ ସୃଷ୍ଟି କରିଛନ୍ତି। କେବଳ ୨ ରୁ ୩ ଜଣ ଲୋକ ଏହି କାମ କରନ୍ତି। ସେମାନେ ଦେଶର ୨୫ ଜଣ ଅରବପତିଙ୍କ ୧୬ ଲକ୍ଷ କୋଟି ଟଙ୍କା ଋଣ ଛାଡ କରିଛନ୍ତି। ଛୋଟ ବ୍ୟବସାୟୀଙ୍କୁ ଏହି ଲୋକମାନେ ଶେଷ କରିଦେଇଛନ୍ତି। ଫଳାଫଳ ଏଭଳି  ହେଲା ଯେ, ଭାରତରେ କେଉଁଠି ଏବେ ରୋଜଗାର ନାହିଁ, ଏହି ସ୍ଥିତି ଏବେ ଜମ୍ମୁ-କଶ୍ମୀରରେ ମଧ୍ୟ ରହିଛି। ଆଜି ଆପଣଙ୍କ ସରକାର ଏଠାରୁ ନୁହେଁ ଦିଲ୍ଲୀରୁ ଚାଲୁଛି। ଆମେ ଚାହୁଁଛୁ ଆପଣଙ୍କୁ ନିର୍ବାଚନ ପୂର୍ବରୁ ରାଜ୍ୟପାହ୍ୟା ମିଳିଯାଉ। ଆମେ ଚାହିଁବୁ ଇଲେକ୍ସନ ହେବା ମାତ୍ରେ ଏଭଳି ହୋଇ ଯାଉ। ଏହି ଲୋକ ବିଭାଜନ କରିବାର କାମ କରୁଛନ୍ତି। ଭାଷାକୁ ଭାଷରେ, ରାଜ୍ୟକୁ ରାଜ୍ୟ ଏବଂ ଜାତି ଧର୍ମ ଆଧାରରେ ବିବାଦ ସୃଷ୍ଟି କରନ୍ତି।’