ପ୍ରମୂଖ ଖବର
  • ସାରା ରାଜ୍ୟରେ ଲାଗୁ ହେବ ସୁଭଦ୍ରା ଯୋଜନା, ୧୦୦ ଦିନ ଭିତରେ ହେବ କାର୍ଯ୍ୟକାରୀ
  • ||
  • ଜନ୍ମମାଟିରେ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ମା' ତାରିଣୀ ପୀଠ ପାଇଁ ୫୦ କୋଟିର ଅନୁଦାନ
  • ||
  • T-20 ବିଶ୍ୱକପ୍ ସୁପର ୮ ରାଉଣ୍ଡ, ୨୧ ରନ୍‌ରେ କଙ୍ଗାରୁ ବାହିନୀ ଚିତ୍ ପଟାଙ୍ଗ, ଆଫଗାନିସ୍ତାନ ପ୍ରଥମ ବିଜୟ
  • ||
  • ଯୌନ ନିର୍ଯାତନା ମାମଲା, ପ୍ରଜ୍ବଳଙ୍କ ଭାଇ ସୂରଜ ରେଭାନ୍ନାକୁ ବାନ୍ଧିଲା ପୋଲିସ
  • ||
  • ମାଲକାନଗିରି ସହରର ଡିଏନ୍‌କେ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଜଣେ ମହିଳା ମୃତ
  • ||
  • ସାଲେପୁର: ବାଇକ୍‌ ସହ ପୋଲରୁ ଖସି ପଡ଼ିଲେ ୨ ଆରେହୀ, ଜଣେ ମୃତ ,ଜଣେ ଗୁରୁତର
  • ||
  • ରବିବାରଠୁ ୨ ଦିନିଆ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ, ମା’ ତାରିଣୀଙ୍କୁ ଦର୍ଶନ ପରେ ଜନସମାବେଶରେ ହେବେ ସାମିଲ
  • ||
  • ଶ୍ରୀମନ୍ଦିରରେ ପଟିଦିଅଁ ବିଜେ, ଜ୍ୱରରୁ ମୁକ୍ତି ପାଇଁ ମହାପ୍ରଭୁଙ୍କ ଗୁପ୍ତ ଅନବସର ସେବା ଆରମ୍ଭ
  • ||
  • ଆସନ୍ତା ଦୁଇ ଦିନ ବିକ୍ଷିପ୍ତ ସ୍ଥାନରେ ବର୍ଷା ସମ୍ଭାବନା, ୨୫ରୁ ରାଜ୍ୟରେ ପ୍ରବଳ ଛେଚିବ
  • ||

ଓଡ଼ିଶାର ନୂଆ ମୁଖ୍ୟମନ୍ତ୍ରୀଙ୍କ ଶପଥ ସମାରୋହ ତାରିଖ ପରିବର୍ତ୍ତନ !

ଭୁବନେଶ୍ୱର,୦୯/୦୬: କିଏ ହେବେ ରାଜ୍ୟର ନୂଆ ମୁଖ୍ୟମନ୍ତ୍ରୀ । କାହା ମୁଣ୍ଡରେ ସୁନାକଳସ ଢାଳିବ ବିଜେପିର ସଂସଦୀୟ ବୋର୍ଡ? ବିଜେପିର ମୁଖ୍ୟମନ୍ତ୍ରୀ ଚେହେରାକୁ ସସ୍‌ପେନ୍ସ ଲାଗି ରହିଛି । ଏହା ଭିତରେ ସାମ୍ନାକୁ ଆସିଛି ଶଥପ ଗ୍ରହଣ କରିବାର ନୂଆ ତାରିଖ। ୧୦ ନୁହେଁ ୧୨ରେ ଓଡ଼ିଶାରେ ମୁଖ୍ୟମନ୍ତ୍ରୀ ନେବେ ଶପଥ। ସୋମବାର  ଦିନ ୧୧ଟାରେ ବସିବ ବିଧାୟକ ଦଳ ବୈଠକ। ବୈଠକ ପୂର୍ବରୁ ଆଜି ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କରିବେ ନବନିର୍ବାଚିତ ବିଧାୟକ। ଏନେଇ ବିଜେପି ଦଳୀୟ ସୂତ୍ରରୁ ସୂଚନା ମିଳିଛି।

ସେପଟେ ରାଜ୍ୟର ନୂଆ ମୁଖ୍ୟମନ୍ତ୍ରୀଙ୍କ ଶପଥ ଗ୍ରହଣ ଉତ୍ସବ ପାଇଁ ସଜେଇ ହେଉଛି ଜନତା ମଇଦାନ ।  ସଭାସ୍ଥଳ ଫୁଲରେ ସଜେଇ ହେବ । ରାସ୍ତା  ଆଲୋକୀକରଣ କରାଯିବ । ଏ ନେଇ ବହୁ ବରିଷ୍ଠ ଅଧିକାରୀ ସଭାସ୍ଥଳ ବୁଲି ସମୀକ୍ଷା କରିଛନ୍ତି । ପୂର୍ତ୍ତ ବିଭାଗ ପକ୍ଷରୁ ସଭା ସ୍ଥଳ ଟେଣ୍ଟ୍‌ କାମ ଶେଷ ପର୍ଯ୍ୟାୟରେ ପହଞ୍ଚିଛି । ସୋମବାର ଟେଣ୍ଟ୍‌ ହସ୍ତାନ୍ତର କରିବାକୁ ଟାର୍ଗେଟ ରଖାଯାଇଛି । ତେଣୁ ଦିନରାତି କାମ ଚାଲିଛି । ଜର୍ମାନ୍‌ ହ୍ୟାଙ୍ଗର୍‌ ଡିଜାଇନ୍‌ରେ ସଭାସ୍ଥଳ ଟେଣ୍ଟ  ହୋଇଛି । ପ୍ରାୟ ୧ ଲକ୍ଷରୁ ଅଧିକ ଲୋକେ  ବସିବା ପାଇଁ ବ୍ୟବସ୍ଥା କରାଯାଇଛି । କିଏ  କେଉଁଠି ବସିବ, ଏ ନେଇ ଅଧିକାରୀମାନଙ୍କୁ  ବିଏମ୍‌ସି ପକ୍ଷରୁ ଦାୟିତ୍ୱ ଦିଆଯାଇଛି । ଜନତା  ମଇଦାନକୁ ସଂଯୋଗ କରୁଥିବା ସବୁ ରାସ୍ତା  ମରାମତି କାମ ସରିଛି । ବାରିକେଡ୍‌ ଓ ପାର୍କିଂ ପାଇଁ ସ୍ୱତନ୍ତ୍ର ବ୍ୟବସ୍ଥା ହୋଇଛି । ସଭାସ୍ଥଳ  ଓ ବାହାର ଆଲୋକୀକରଣ କରାଯାଇଛି ।  ଜୟଦେବ ବିହାର-ନନ୍ଦନକାନନ ରାସ୍ତାରେ  ଲାଇଟ୍‌ ଲଗାଯାଇଛି । ଏକାଧିକ ସରକାରୀ  କୋଠା ମଧ୍ୟ ଆଲୋକ ମାଳାରେ ସଜେଇ  ହେବ ।  

ସେହିଭଳି ସଫେଇ ଉପରେ ବିଏମ୍‌ସି ପକ୍ଷରୁ ଗୁରୁତ୍ୱ  ଦିଆଯାଇଛି । ସଭାସ୍ଥଳ ଓ ବାହାରେ ୩ ଶହରୁ  ଅଧିକ ସଫେଇ କର୍ମୀ ରହିବେ । ନିଜେ ଡେପୁଟି  କମିସନର (ପରିମଳ) ଏହାର ତଦାରଖ  କରିବେ । ଏହାସହ ଫୁଲରେ ସଜେଇବାକୁ  ବିଏମ୍‌ସି ପକ୍ଷରୁ ବ୍ୟବସ୍ଥା ହୋଇଛି । ଯେପରି  ଶପଥ ଗ୍ରହଣ ଉତ୍ସବରେ ଲାଇନ୍‌ ନ କଟେ  ସେଥିପ୍ରତି ଧ୍ୟାନ ଦେବାକୁ ବିଦ୍ୟୁତ ବିଭାଗକୁ ନିର୍ଦ୍ଦେଶ ଦିଆଯାଇଛି । ୩୦ ଜିଲ୍ଲାରୁ ନିମନ୍ତ୍ରିତ  ଅତିଥିମାନଙ୍କୁ ପାଛୋଟି ଆଣିବାକୁ ବିଏମ୍‌ସିର  ଅଧିକାରୀ ଓ କର୍ମଚାରୀମାନେ ନିୟୋଜିତ  ହେବେ । କେଉଁ ବସ୍‌ରେ ଆସିବେ, କେଉଁଠି  ରହିବେ, କ’ଣ ଖାଇବେ ସେସବୁ ବୁଝିବାକୁ  ଦାୟିତ୍ୱ ଦିଆଯାଇଛି । ସଭାରେ ୧ ଲକ୍ଷରୁ ଅଧିକ  ଜନସମାଗମ ହେବାର ସମ୍ଭାବନା ରହିଛି । ପ୍ରଧାନମନ୍ତ୍ରୀଙ୍କ ସହ ରାଜ୍ୟପାଳ, ବିଜେପି  ଶାସିତ ରାଜ୍ୟର ମୁଖ୍ୟମନ୍ତ୍ରୀ, କେନ୍ଦ୍ରମନ୍ତ୍ରୀଙ୍କ  ସହ ବହୁ ଭିଭିଆଇପି ଯୋଗଦେବାର ସୂଚନା ରହିଛି । ତେଣୁ ଯେପରି ପ୍ରଶାସନିକ ତ୍ରୁଟି ନ  ରହେ, ସେଥିପ୍ରତି ଧ୍ୟାନ ଦେବାକୁ ବରିଷ୍ଠ  ଅଧିକାରୀମାନେ ନିର୍ଦ୍ଦେଶ ଦେଇଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.