ବନ୍ତଳା, ୦୬/୦୯ : କ୍ଷେତକୁ ଯାଇଥିବା ବେଳେ ଆକ୍ରମଣ କଲା ଦନ୍ତା। ଚାଲିଗଲା ବୃଦ୍ଧଙ୍କ ଜୀବନ। ଅନୁଗୁଳ ବନଖଣ୍ଡ ସଦର ଥାନା ଅନ୍ତର୍ଗତ ଗଡତଇଳା ଗ୍ରାମରେ ଏଭଳି ଘଟଣା ଘଟିଛି। ମୃତକ ଜଣଙ୍କ ହେଉଛନ୍ତି ଉକ୍ତ ଗ୍ରାମର କଷ୍ଟୁ ଦେହୁରୀ (୬୫ ବର୍ଷ)।
ସୂଚନାନୁଯାୟୀ, ଶୁକ୍ରବାର ଭୋର ସାଢେ ୫ଟାରେ ଗଡତଇଳା ଗ୍ରାମର କଷ୍ଟୁ ଦେହୁରୀ ନିଜ କ୍ଷେତକୁ ବିରି କାଟିବାକୁ ଯାଇଥିଲେ। ଏହି ସମୟରେ ସେ ଏକ ହାତୀ ହାବୁଡ଼ରେ ପଡି ଯାଇଥିଲେ। ଜଙ୍ଗଲୀ ହାତୀଟି ତାଙ୍କୁ ଆକ୍ରମଣ କରିଥିଲା। ଫଳରେ ସେ ଗୁରୁତର ହୋଇ ପଡିଥିଲେ। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
