ବ୍ରହ୍ମବରଦା,୧୮/୦୯ :  ପୋଲ ଉପରେ ମୋବାଇଲ ଦେଖିବା ହେଲା କାଳ । ବଜ୍ରାଘାତ ଘଟି ଜଣେ ଯବକଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଯୁବକ ଗୁରୁତର ହୋଇ ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇଥିବା ଜଣାପଡିଛି । ଯାଜପୁର ଜିଲା ଧର୍ମଶାଳା ଥାନା ଅନ୍ତର୍ଗତ ଦେଓଦା ପଂଚାୟତସ୍ଥ ଚଇନିହୁଡା ନିକଟରେ ଏଭଳି ଘଟଣା ଘଟିଛି । 

 ଚଇନିହୁଡ-ଦେଓଦା ରାସ୍ତା ମଝିରେ ଥିବା ଏକ ପୋଲ ଉପରେ ୨ଜଣ ଯୁବକ ମୋବାଇଲରେ ଚ୍ୟାଟିଂ କରୁଥିବା ବେଳେ ହଠାତ ବଜ୍ରାଘାତ ହୋଇଥିଲା । ଏହି ଘଟଣାରେ ଚଇନିହୁଡା ଗ୍ରାମର ନୀଳମଣୀ ନାୟକଙ୍କ ପୁଅ ମନୋରଞ୍ଜନ (୨୦)ଙ୍କର ମୃତ୍ୟୁ ଘଟିଥିବା ବେଳେ ଏହି ଗ୍ରାମର ବଟକୃଷ୍ଣ ତରାଇଙ୍କ ପୁଅ ମନୋଜ ଗୁରୁତର ଆହତ ହୋଇ ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇଥିବା ଜଣାପଡିଛି । ସେଠାରେ ମନୋଜଙ୍କ ଅବସ୍ଥା ସଙ୍କଟାପନ୍ନ ହେବାରୁ ଡାକ୍ତର ତାଙ୍କୁ କଟକ ବଡ ମେଡିକାଲକୁ ପଠାଇ ଦେଇଥିବା ଜଣାପଡିଛି ।

ଆହୁରି ପଢନ୍ତୁ : ଫୁଟବଲ ମ୍ୟାଚ ଦେଖୁଥିବା ବେଳେ ବଜ୍ରପାତରେ ୩ ମୃତ, ୪ ଗୁରୁତର