ନୂଆଦିଲ୍ଲୀ,୧୫/୦୯: ଲୋକସଭା ନିର୍ବାଚନ ପୂର୍ବରୁ ରାମଚରିତମାନସ ଠାରୁ ନେଇ ସନାତନ ଉପରେ ବିବାଦ ଥମିବାର ନାଁ ନେଉନାହିଁ। ବିହାର ଶିକ୍ଷା ମନ୍ତ୍ରୀ ଚନ୍ଦ୍ରଶେଖର ପୁଣି ଥରେ ରାମଚରିତମାନସକୁ ପୋଟାସିୟମ ସାଇନାଇଟ ସହିତ ତୁଳନା କରି ବିବାଦକୁ ଆମନ୍ତ୍ରଣ କରିଛନ୍ତି। ସେ କହିଛନ୍ତି ଯେ ରାମଚରିତମାନସ ପ୍ରତି ଆମେ ବିରୋଧ ଜାରି ରଖିବୁ। ସେହିଭଳି ଉତ୍ତରପ୍ରଦେଶରେ ମଧ୍ୟ ସପା ନେତା ସ୍ୱାମୀ ପ୍ରସାଦ ମୌର୍ଯ୍ୟ ରାମଚରିତମାନସ ସମ୍ପର୍କରେ ଏକ ବିବାଦୀୟ ମନ୍ତବ୍ୟ ଦେଇଛନ୍ତି । ସେହିପରି ନିକଟରେ ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନଙ୍କ ପୁଅ ଉଦୟନିଧି ଷ୍ଟାଲିନ ନିଜେ ସନାତନ ଧର୍ମକୁ ହଟାଇବା କଥା କହିଛନ୍ତି।ତେବେ ଏହି ରାମଚରିତମାନସ ଏବଂ ସନାତନ ଧର୍ମ ଉପରେ କରାଯାଇଥିବା ବିବାଦୀୟ ମନ୍ତବ୍ୟ ବିରୋଧି ମେଣ୍ଟ 'ଇଣ୍ଡିଆ' ରାଜନୀତି ପାଇଁ ସଙ୍କଟ ସୃଷ୍ଟି କରିଛି।
୨୦୨୪ ଲୋକସଭା ନିର୍ବାଚନରେ ଭାରତୀୟ ଜନତା ପାର୍ଟି (ବିଜେପି) କୁ ପରାସ୍ତ କରିବାକୁ ବିରୋଧୀ ଦଳ ଏକତ୍ରିତ ହୋଇ ଅନେକ ମତଭେଦ ଭୁଲି 'ଇଣ୍ଡିଆ' ମିଳିତ ମେଣ୍ଟ ଗଠନ କରିଛନ୍ତି। ବିଜେପି ବିରୋଧରେ ମିଳିତ ପ୍ରାର୍ଥୀ ଦେବା ପାଇଁ ଏକ ରଣନୀତି ପ୍ରସ୍ତୁତ କରାଯାଉଛି, କିନ୍ତୁ ଅପରପକ୍ଷେ, ଇଣ୍ଡିଆ ସହଯୋଗୀ ଦଳର ସହଯୋଗୀ ସପାର ସ୍ବାମୀ ପ୍ରସାଦ ମୌର୍ଯ୍ୟ ଏବଂ ଆରଜେଡି ନେତା ରାମଚରିତମାନସକୁ ନେଇ ଏକ ବିବାଦୀୟ ବୟାନ ଦଇଥିବା ବେଳେ ଡିଏମକେ ନେତା ସନାତନ ଧର୍ମକୁ ନେଇ ଅପ୍ରିତିକର ମତ ଦେବାରେ ବ୍ୟସ୍ତ ଅଛନ୍ତି। ତେବେ ଯଦି ଏହିପରି ଦେଖାଯାଏ ତାହେଲେ ବିରୋଧୀଦଳ ନେତାମାନେ ଏହି ପ୍ରସଙ୍ଗକୁ ନେଇ ସମାଲୋଚନା ଓ ଲୋକଲୋଚନରେ ଉଠାଇବା ପାଇଁ ବିଜେପିକୁ ଏକ ସୁଯୋଗ ଦେଇଛନ୍ତି କହିଲେ ଅତ୍ୟୁକ୍ତି ହେବ ନାହିଁ। ତେବେ ତମାମ ବିବାଦୀୟ ବୟାନରେ କେବଳ ବିଜେପି ନେତା ନୁହଁନ୍ତି ବରଂ ପ୍ରଧାନମନ୍ତ୍ରୀ ମୋଦୀ ମଧ୍ୟ ତିବ୍ର ଅସନ୍ତୋଷ ପ୍ରକାଶ କରିଛନ୍ତି।
ପଢ଼ନ୍ତୁ: ପୃଥିବୀ କାରଣରୁ ଚନ୍ଦ୍ରରେ ତିଆରି ହେଉଛି ପାଣି , ଚନ୍ଦ୍ରଯାନ-୧ ଖୋଲିଲା ରହସ୍ୟ
ବିଜେପିର ପ୍ରତିଜବାବ:
ବିଜେପି ନେତାମାନଙ୍କ କହିବା କଥା ହେଲା, ସାମ୍ପ୍ରତିକ ପରିସ୍ଥିତିରେ ରାମଚରିତମାନସ ଏବଂ ସନାତନ ଧର୍ମ ଉପରେ ବିତର୍କ, ହିନ୍ଦୁ ଧର୍ମ ବନାମ ହିନ୍ଦୁତ୍ୱ ଠାରୁ ସନାତନ ବନାମ ଅନ୍ୟକୁ ବଦଳୁଛି। ସେ ଅଣ ସନାତନ ହୁଅନ୍ତୁ ବା ନାସ୍ତିକ ହୁଅନ୍ତୁ। ସ୍ବାମୀ ପ୍ରସାଦ ମୌର୍ଯ୍ୟ, ଚନ୍ଦ୍ରଶେଖର ଯଦି ଏହାର ମୂଳ ଦ୍ରାବିଡ଼ ଭୋଟରଙ୍କୁ ଆକର୍ଷିତ କରିବା ପାଇଁ ଯଦି ସନାତନ ଧର୍ମ ଉପରେ ନିଜର ଏହିପରି ବିବାଦୀୟ ବିବୃତ୍ତି ଜାରି ରଖିନ୍ତି, ତା’ହେଲେ ତାମିଲନାଡୁ ବାହାରେ ବିରୋଧୀ ମେଣ୍ଟ ରାଜନୈତିକ କ୍ଷତି ସହିପାରେ। ଏପରିିକି ବିରୋଧୀ ଦଳ ଇଣ୍ଡିଆର ଅନେକ ସହଯୋଗୀଙ୍କୁ ମଧ୍ୟ ଜବାବ ଦେବାକୁ ସକ୍ଷମ ନୁହଁନ୍ତି। ବିଜେପି ନେତାମାନେ କଂଗ୍ରେସ ସମେତ ଅନ୍ୟ ବିରୋଧୀ ଦଳକୁ ଘେରିବାକୁ ଲାଗିଲେଣି। ଏହି ପରିପ୍ରେକ୍ଷିରେ ଇଣ୍ଡିଆ ମେଣ୍ଟର ସମନ୍ୱୟ କମିଟିର ବୈଠକରେ ନିଷ୍ପତ୍ତି ନିଆଯାଇଛି ଯେ କୌଣସି ପ୍ରକାରେ ସନାତନ ଧର୍ମ ଉପରେ ବିବାଦୀୟ ମନ୍ତବ୍ୟ ରହିବ ନାହିଁ।
You can also read:
