ରାଉରକେଲା, ୦୬।୧୧ : ରାଉରକେଲା ବିଶ୍ରା ଥାନା ଅଞ୍ଚଳରେ ଅଟୋ ଚାଳକଙ୍କୁ ଗୁଳିମାଡ଼ ଘଟଣା।  ଗୁଳିମାଡ଼ କରିଥିବା ଯୁବକ ଥାନାରେ ଅଟକ । ପୋଲିସର ତଦନ୍ତ ଜାରି।

ସୂଚନା ଅନୁଯାୟୀ, ରାଉରକେଲା ବିଶ୍ରା ବିଚ୍‌ ରାସ୍ତାରେ ଅଟୋ ଚାଳକ ଏମ୍‌.ଡି ରାଜାଙ୍କୁ ଗୁଳି ମରାଯାଇଥିଲା । ଯାହାପରେ ସେ ଗୁରୁତର ହୋଇପଡିଥିଲା । ଗୁରୁତର ଅବସ୍ଥାରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା। ଏବେ ତାଙ୍କର ଚିକିତ୍ସା ଜାରି ରହିଛି । ତେବେ ତାଙ୍କ ଅବସ୍ଥା ଏବେ ଗୁରୁତର ଥିବା ଜଣାପଡିଛି ।

ଅଟୋ ଚାଳକଙ୍କୁ ଗୁଳିମାଡ଼, ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି

ସେପଟେ ଗୁଳିମାଡ଼ ପରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଅଭିଯୁକ୍ତକୁ ଧରିବା ନେଇ ବିଭିନ୍ନ ସ୍ଥାନରେ ଚଢାଉ କରିଥିଲା। ଶେଷରେ ଗୁଳିମାଡ଼ କରିଥିବା ଯୁବକକୁ ଥାନାରେ ଅଟକ ରଖିଛି। ଏହାସହିତ ଘଟଣାରେ ବ୍ୟବହୃତ ଦେଶୀ ମାଉଜରକୁ ମଧ୍ୟ ଜବତ କରିଛି । ପୂର୍ବ ଶତ୍ରୁତାରୁ ଗୁଳିମାଡ଼ ହୋଇଥିବା ସନ୍ଦେହ କରାଯାଉଛି । ତଦନ୍ତ ପରେ ସ୍ପଷ୍ଟ ହେବ ବୋଲି ପୋଲିସ କହିଛି।