ଭୁବନେଶ୍ବର,୩୧।୮ ବଳଭଦ୍ରଙ୍କ ଆଡପ ପହଣ୍ଡି ବିଜେ ବେଳେ ଅଘଟଣ ଘଟିଥିଲା। ଏଥିପାଇଁ ରାଜ୍ୟ ସରକାର ପ୍ରତିକାର ପୂଜା କରିବେ ବୋଲି ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ ସୂଚନା ଦେଇଛନ୍ତି। 

ପ୍ରତିକାର ପୂଜା ବିଧି ପାଇଁ କଥାବାର୍ତ୍ତା ହୋଇଛୁ । ଧର୍ମୀୟ ସଙ୍ଗଠନମାନେ ପ୍ରତିକାର ପୂଜା କରିବେ । ତେବେ ଧର୍ମୀୟ ଦୃଷ୍ଟି କୋଣରୁ ସେଠାରେ ଏକ ଯଜ୍ଞ କରାଯିବ । ଲକ୍ଷେ ଆହୁତି ଦିଆଯିବ । ମୁକ୍ତି ମଣ୍ଡପ ପଣ୍ଡିତ ସଭା ସମୟ ଓ ତାରିଖ ନିର୍ଘଣ୍ଟ ବାହାର କରିବେ । ଅନ୍ୟପକ୍ଷେ ଏହି ଘଟଣାର ତଦନ୍ତ ଚାଲିଛି  ବୋଲି ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ କହିଛନ୍ତି। 

ସୂଚନାଯୋଗ୍ୟ ଯେ ଆଡପ ପହଣ୍ଡି ବିଜେ ବେଳେ ବଳଭଦ୍ର ସେବାୟତଙ୍କ କାନ୍ଧରୁ ଖସିପଡିଥିଲେ। ରଥ ଚାଳମାଳ ଉପରେ ମୁହଁ ମାଡି ପଡିଯାଇଥିଲେ। ଏଥିରେ ସେବାୟତମାନେ ମଧ୍ୟ ଆହତ ହୋଇଥିଲେ। ରାଜ୍ୟ ସରକାର ଏହି ଘଟଣାର ତଦନ୍ତ ନିର୍ଦେଶ ଦେଇଥିଲେ।