ଭୁବନେଶ୍ଵର, ୨୯/୦୧ : ନୂଆ ପୋଲିସ କମିଶନର ଭାବେ ଦାୟିତ୍ଵ ଗ୍ରହଣ କଲେ IPS ସଞ୍ଜୀବ ପଣ୍ଡା। କମିଶନରେଟ ପୋଲିସ କାର୍ଯ୍ୟାଳୟରେ ସେ ଦାୟିତ୍ଵ ଗ୍ରହଣ କରିଛନ୍ତି। ନୂଆ କମିଶନରଙ୍କୁ ଗାର୍ଡ ଅଫ ଅନର ଦିଆଯାଇଛି।
କମିଶନରେଟ ପୋଲିସ କାର୍ଯ୍ୟାଳୟରେ ପହଞ୍ଚି IPS ସଞ୍ଜୀବ ପଣ୍ଡା ସୌମେନ୍ଦ୍ର ପ୍ରିୟଦର୍ଶୀଙ୍କ ଠାରୁ ସେ ଦାୟିତ୍ଵ ଗ୍ରହଣ କରିଛନ୍ତି। ଏହି ସମୟରେ କଟକ- ଭୁବନେଶ୍ବରର ପୋଲିସ ଅଧିକାରୀମାନେ ନୂଆ କମିଶନରଙ୍କୁ ଭେଟିଛନ୍ତି। ଟ୍ଵିନ୍ ସିଟିରେ ଆଇନ ଶୃଙ୍ଖଳା, ଅପରାଧ ନିୟନ୍ତ୍ରଣ, ନିଶା କାରବାର, ଟ୍ରାଫିକ୍ ସମସ୍ୟା ଉପରେ ତାଙ୍କର ନଜର ରହିବ। ୧୯୯୪ ବ୍ୟାଚ୍ ଆଇପିଏସ୍ ସଞ୍ଜୀବ୍ ଗୁଇନ୍ଦା ନିର୍ଦ୍ଦେଶକ ସହ କ୍ରାଇମବ୍ରାଞ୍ଚ ଏଡିଜି ଭାବେ ଦାୟିତ୍ଵ ନିର୍ବାହ କରିଥିଲେ। ସେ ୧୦ମ ପୁଲିସ କମିଶନର ଭାବେ କଟକ-ଭୁବନେଶ୍ୱରର ସୁରକ୍ଷା ଦାୟିତ୍ୱ ସମ୍ଭାଳିବେ। ପୋଲିସ ବ୍ୟବସ୍ଥାକୁ ଆହୁରି ସୁଦୃଢ କରିବାକୁ ସେ କାର୍ଯ୍ୟ କରିବେ। ଅପରାଧ ନିୟନ୍ତ୍ରଣ ପାଇଁ ଏଆଇର ବ୍ୟବହାର କରାଯିବ ବୋଲି ସେ କହିଛନ୍ତି।