ସାଲେପୁର,୦୯/୦୮: ବେଆଇନ ଗୋରୁ ବୋଝେଇ ଟାଟା ଏସି ଭ୍ୟାନକୁ ପିଛାକରି ଅଟକାଇଲେ ବଜରଙ୍ଗ ଦଳ । ଘଟଣା ସ୍ଥଳରୁ ଡ୍ରାଇଭରକୁ ଛଡ଼ାଇନେଲେ ବେଆଇନ ଗୋ ଚାଲାଣକାରୀ । କଟକ ଜିଲ୍ଲା ପାଗାଫାଣ୍ଡି ଅଧିନ ପ୍ରଧାନପଡ଼ା ଗ୍ରାମ ନିକଟରେ ଏଭଳି ଘଟଣା ଘଟିଛି ।

ସୂଚନା ଅନୁଯାୟୀ, ବେଆଇନ ଗୋରୁ ବୋଝେଇ ଟାଟାଏସି ଭ୍ୟାନକୁ ବଜରଙ୍ଗ ଦଳର ସଦସ୍ୟମାନେ ପିଛା କରିଥିଲେ । ଭ୍ୟାନଟିକୁ ପ୍ରଧାନପଡ଼ା ଠାରେ ଅଟକାଇଥିଲେ । ଗାଡ଼ି ଚଳାଉଥିବା ଡ୍ରାଇଭରକୁ ଅଟକ ରଖିଥିଲେ ବଜରଙ୍ଗ ଦଳର ସଦସ୍ୟ । ଏ ବିଷୟରେ ବେଆଇନ ଗୋ ଚାଲାଣକାରୀ ଖବର ପାଇଥିଲେ । ଖବର ପାଇ ବେଆଇନ ଗୋ ଚାଲାଣକାରୀ ଆସି  ଘଟଣା ସ୍ଥଳରେ ପହଞ୍ଚିଥିଲେ  । ସେଠାରୁ ଗାଡିର ଡ୍ରାଇଭରକୁ ଜୋରଜବରଦସ୍ତ ଛଡାଇ ନେଇଥିଲେ । ଏନେଇ ପାଗା ଫାଣ୍ଡି ଅଧିକାରୀ ଖବର ପାଇଥିଲେ ।  ଫାଣ୍ଡି ଅଧିକାରୀ ଘଟଣା ସ୍ଥଳରେ ପହଞ୍ଚି ବେଆଇନ ଭାବେ ଚାଲାଣ ହେଉଥିବା ଗୋ ବୋଝେଇ ଟାଟା ଏସି ଭ୍ୟାନ ସହ ଗୋରୁ ଗୁଡିକୁ ଜବତ କରିଛନ୍ତି । ଗୋରୁ ଗୁଡିକୁ ଉଧାରକରି ଗୋ ଶାଳାରେ ଛାଡିବା ପାଇଁ ପୋଲିସ ପକ୍ଷରୁ ସମସ୍ତ ପ୍ରସ୍ତୁତି କରାଯାଇଥିବାର ସୂଚନା ଦେଇଛି ପୋଲିସ ।