ଭୁବନେଶ୍ୱର, ୩୧।୦୩ : ସହିଦନଗର ପୋଲିସକୁ ସଫଳତା । ଦୀର୍ଘ ଦିନ ଧରି ଫେରାର ଥିବା ନିଶାଦିଆ ଲୁଟେରାଙ୍କୁ ଗିରଫ କରିଛି ପୋଲିସ । ଏହାସହିତ ସେମାନଙ୍କ ନିକଟରୁ ବିପୁଳ ପରିମାଣରେ ନିଶା ସାମଗ୍ରୀ ଜବତ ହୋଇଛି । ତେବେ ଗିରଫ ହୋଇଥିବା ଲୁଟେରାଙ୍କ ମଧ୍ୟରେ ରହିଛି ଅପରାଧୀ ବୁଦ୍ଧିଆ । 

ଖବର ଅନୁଯାୟୀ, ଦୀର୍ଘ ଧରି ଫେରାର ଥିଲା ଲୁଟେରା ବୁଦ୍ଧିଆ । ବସ୍ ଷ୍ଟାଣ୍ଡ, ରେଳ ଷ୍ଟେସନ, ଆଚାର୍ଯ୍ୟ ବିହାର, କ୍ୟାପିଟାଲ ହସ୍ପିଟାଲର ଲୋକଙ୍କୁ ନେଇ ଅଟୋରେ ନେଇଥାଏ । ରାସ୍ତାରେ ଚା’ କିମ୍ବା ଥଣ୍ଡା ପାନୀୟ ପିଇବାକୁ ଦେଇଥାଏ । ଆଉ ପାନୀୟ ସାମଗ୍ରୀରେ ନିଶା ଦ୍ରବ୍ୟ ମିଶାଇ ଯାତ୍ରୀଙ୍କୁ ପିଇବାକୁ ଦିଏ । ଏହି ପାନୀୟ ପିଇବା ଦ୍ୱାରା ଅଟୋରେ ଯାଉଥିବା ଯାତ୍ରୀମାନେ ବେହୋସ ହୋଇଯାଆନ୍ତି । ଫଳରେ ଯାତ୍ରୀମାନଙ୍କୁ କଟକ ଯୋବ୍ରା କିମ୍ବା ଜଗତସିଂହପୁର ନିକଟରେ ଫିଙ୍ଗି ଦେଇ ସେମାନଙ୍କଠାରୁ ସୁନା ଓ ଟଙ୍କା ଲୁଟି ନେଇଥାଏ । ହେଲେ କୌଣସି ବି ଯାତ୍ରୀଙ୍କଠାରୁ ମୋବାଇଲ୍ ଲୁଟ୍ କରିନଥାଏ । କାରଣ ତଦନ୍ତ ବେଳେ ପୋଲିସ ମୋବାଇଲକୁ ଟ୍ରାକ୍ କରିପାରନ୍ତି । ଏହି ଭୟରେ ସେ ମୋବାଇଲ୍ ଚୋରି କରିନଥାଏ । ତେବେ ପୂର୍ବରୁ ୧୨ରୁ ୧୫ ଥର ଜେଲ୍ ବୁଦ୍ଧିଆ ଯାଇଛି । ଯାଜପୁରରେ ଏକ ଗାଁ ଲୁଟେରା ବୁଦ୍ଧିଆର ଘର । ଏହି ସବୁ ଲୁଟ୍ କାରନାମା କରିବା ପରେ ସେ ନିଜ ଗାଁ ଯାଜପୁରରେ ଯାଇ ଲୁଚି ରହିଥାଏ ।