ନୂଆଦିଲ୍ଲୀ – ବାଂଲାଦେଶରେ ସଂରକ୍ଷଣକୁ ନେଇ ହିଂସାକାଣ୍ଡ ପରେ ସ୍ଥିତି ବେକାବୁ ହୋଇ ଉଠିଛି। ହିଂସା ଏତେ ବଢି ଯାଇଛି ଯେ , ବିକ୍ଷୋଭକାରୀମାନେ ପ୍ରଧାନମନ୍ତ୍ରୀଙ୍କ ନିବାସ ଉପରେ ହମଲା ଆରମ୍ଭ କରି ଦେଇଛନ୍ତି। ଶେଖ ହସିନା ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇ ସାରିଛନ୍ତି ଏବଂ ଦେଶ ଛାଡ଼ି ଭାରତ ଆସିଛନ୍ତି। ଏବେ ସେ ଦିଲ୍ଲୀରୁ ଲଣ୍ଡନର ଫ୍ଲାଇଟ୍ ନେବାର ପ୍ରସ୍ତୁତିରେ। ଏହି ମଧ୍ୟରେ ବାଂଲାଦେଶର ସେନା ଦାୟିତ୍ୱ ସମ୍ଭାଳିଛନ୍ତି ଏବଂ ଅନ୍ତରୀଣ ସରକାର ଗଠନର ପ୍ରସ୍ତୁତି କରୁଛନ୍ତି।
ସେନା ମୁଖ୍ୟ ବକାର - ଉଜ୍-ଜମାଂ କହିଛନ୍ତି ଯେ, କ୍ଷମତାର ହସ୍ତାନ୍ତରଣ ଚାଲିଛି। ଏକ ଅନ୍ତରୀଣ ସରକାରର ଗଠନ କରାଯିବ। ସବୁ ହତ୍ୟାର ଯାଞ୍ଚ କରାଯିବ। ସେନା ଉପରେ ଜନତାଙ୍କୁ ଭରସା ରଖିବାକୁ ହେବ। ଏହାସହ ସେ ଜନତାଙ୍କୁ ଶାନ୍ତି ବଜାୟ ରଖିବାକୁ ଅପିଲ ମଧ୍ୟ କରିଛନ୍ତି , କହିଛନ୍ତି ଆପଣମାନେ ଆମକୁ ଭରସା କରନ୍ତି। ଏକାଠି ମିଶି କାମ କରିବା। ଦୟାକରି ସାହାଯ୍ୟ କରନ୍ତୁ। ଆମକୁ ଲଢିବାରେ କିଛି ଲାଭ ମିଳିବ ନାହିଁ। ସଂଘର୍ଷକୁ ବିରାମ ଦିଅନ୍ତୁ । ଆମେ ମିଶି ଏକ ସୁନ୍ଦର ଦେଶ ଗଠନ କରିବା।
ସଂରକ୍ଷଣକୁ ନେଇ ହିଂସା ବାଂଲାଦେଶରେ ଏତେ ବଢି ଯାଇଛି ଯେ, ଏବେସୁଦ୍ଧା ୩୦୦ରୁ ଅଧିକ ଲୋକଙ୍କ ମୃତ୍ୟୁ ହୋଇଛି। ଏହା ବ୍ୟତୀତ ଗୋଟିଏ ପରେ ଗୋଟିଏ ସହର ଜଳୁଛି। ଶେଖ୍ ହସିନାଙ୍କ ଅଫିସ ଓ ତାଙ୍କ ପାର୍ଟି ଅୱାମୀ ଲିଗ୍ର କାର୍ଯ୍ୟାଳୟରେ ବିକ୍ଷୋଭକାରୀମାନେ ନିଆଁ ଲଗେଇ ଦେଇଛନ୍ତି।
