ଝାରସୁଗୁଡ଼ା, ୧୬/୦୪ : ଛାତରୁ ଡେଇଁ ଆତ୍ମହତ୍ୟା ଉଦ୍ୟମ କଲେ ବିଚାରାଧିନ କଏଦୀ। ଜଣେ ନାବାଳିକାଙ୍କୁ ଦୁଷ୍କର୍ମ ମାମଲାରେ ଗିରଫ ହୋଇ ଝାରସୁଗୁଡ଼ା ଜେଲରେ ଥିବା ସନାତନ ସିଂଙ୍କୁ ଆଜି କୋର୍ଟରେ ହାଜର ପାଇଁ ଅଣାଯାଇଥିଲା। ଏହି ସମୟରେ କୋର୍ଟର ତୃତୀୟ ମହଲା ଛାତରୁ ଡେଇଁ ସନାତନ ଆତ୍ମହତ୍ୟା ଉଦ୍ୟମ କରିଛନ୍ତି।
ସୂଚନାନୁଯାୟୀ, ସନାତନ ତୃତୀୟ ମହଲା ଉପରୁ ଜୋରରେ ହାଲା କରି ଆଉ ବଞ୍ଚିବାକୁ ଚାହୁଁ ନାହାଁନ୍ତି କହି ଡେଇଁବାକୁ ଉଦ୍ୟମ କଲା ବେଳେ ତାଙ୍କୁ ଉପସ୍ଥିତ ଓକିଲ ଓ ପୋଲିସ ବାରଣ କରିଥିଲେ। କିନ୍ତୁ ସେ କାହାରି କଥା ନଶୁଣି ଡେଇଁ ପଡି ଆହତ ହୋଇଛନ୍ତି। ତାଙ୍କୁ ପୋଲିସ ତୁରନ୍ତ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛି। ସନାତନ ବେଲପାହଡ଼ ଥାନା ଅନ୍ତର୍ଗତ ଜୁନାଡିହି ଅଞ୍ଚଳରେ ୨୦୨୨ ମସିହାରେ ଜଣେ ନାବାଳିକାକୁ ଦୁଷ୍କର୍ମ କରିଥିବା ଅଭିଯୋଗ ହେବା ପରେ ଫେରାର ରହିଥିଲା। ୨୦୨୩ ନଭେମ୍ବର ମାସରେ ବେଲପାହାଡ଼ ପୋଲିସ ସନାତନକୁ ଗିରଫ କରି କୋର୍ଟ ଚାଲାଣ କରିଥିଲା।
