ନୂଆଦିଲ୍ଲୀ, ୩୧/୩ : କୁହାଯାଏ ରାଜନୀତିରେ କେହି କାହାର ସ୍ଥିର ଶତ୍ରୁ ନୁହନ୍ତି । ଆଉ ଆଜି କିଛି ଏଭଳି ଚିତ୍ର ଦେଖିବାକୁ ମିଳିଛି ରାମଲୀଳା ମୈଦାନରେ । ରାଜନୀତି ଏକ ଅଜବ ଜିନିଷ । ଇତିହାସ ବାରମ୍ବାର ବାରମ୍ବାର ଆଶ୍ଚର୍ଯ୍ୟ କର ଜିନିଷ ଦୋହରାଇଥାଏ । ବହୁ ବର୍ଷ ପୂର୍ବରୁ ଅରବିନ୍ଦ କେଜ୍ରିଓ୍ବାଲ ବାରମ୍ବାର ଦିଲ୍ଲୀର ରାମଲୀଳା ମୈଦାନରେ କଂଗ୍ରେସ ସରକାର ବିରୋଧରେ ଟାର୍ଗେଟ କରୁଥିବାବେଳେ ନିଶାନାରେ ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀ ରହୁଥିଲେ । ଏବେ ୧୦ବର୍ଷ ପରେ ସ୍ଥିତି ଏଭଳି ହୋଇଛି କି ସେହି ରାମଳୀଳା ମୈଦାନରେ ଅରବିନ୍ଦ କେଜ୍ରିଓ୍ବାଲଙ୍କ ସ୍ତ୍ରୀ ସୁନୀତା କେଜ୍ରିଓ୍ବାଲ ସୋନିଆ ଗାନ୍ଧୀଙ୍କ ହାତରେ ହାତ ପକାଇ ଜନତାଙ୍କ ଅଭିବାଦନ ସ୍ବୀକାର କରୁଥିବା ଦେଖାଯାଉଛି । ଏହା ସେତେବେଳେ ହୋଇଛି ଯେତେବେଳେ କେଜ୍ରିଓ୍ବାଲ ଜେଲରେ ବନ୍ଦ ଅଛନ୍ତି ଏବଂ ଦିଲ୍ଲୀର ସିଏମଙ୍କ ସ୍ତ୍ରୀ ଭାବେ ସୁନୀତା କେଜ୍ରିଓ୍ବାଲ ଫ୍ରଣ୍ଟଫୁଟରେ ଆସିଛନ୍ତି ।
ରବିବାର ଦିଲ୍ଲୀର ରାମଲୀଳା ମୈଦାନରେ ଯେତେବେଳେ ପୁରା ବିପକ୍ଷ ଲୋକତନ୍ତ୍ର ବଚାଓ ରାଲିରେ ପହଞ୍ଚିଥିଲେ ତ ଏକ ଫଟୋ ଖୁବ୍ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ସେହି ଫଟୋ ଏଭଳି ଥିଲା କି ସୋନିଆ ଗାନ୍ଧୀ ଏବଂ ସୁନୀତା କେଜ୍ରିଓ୍ବାଲଙ୍କ । ପାଖାପାଖି ସିଟ୍, ହାତରେ ହାତ, ଚେହେରାରେ ହସ, ଏହି ଫଟୋରେ ରାଜନୀତି ବୁଝିଯିବା ଜରୁରୀ ଅଟେ ।
ଅରବିନ୍ଦ କେଜ୍ରିଓ୍ବାଲ ଜେଲ୍ ଯିବା ପରେ ହିଁ ଏହି ଚର୍ଚ୍ଚା ଥିଲା କି ଏବେ ପାର୍ଟିକୁ କିଏ ସମ୍ଭାଳିବେ, ସରକାରଙ୍କୁ କିଏ ସମ୍ଭାଳିବ । ଦିଲ୍ଲୀର ସିଏମ୍ ପ୍ରଥମରୁ ନିଜର ମେସେଜ ଦେଇଥିଲେ କି ସେ ଇସ୍ତଫା ଦେବେ ନାହିଁ ଏବଂ ଜେଲରେ ରହି ସରକାର ଚଳାଇବେ କିନ୍ତୁ ଏବେ ସ୍ଥିତିରେ ନୂଆ ମୋଡ଼ ଆସିବାରେ ଲାଗିଛି ଯେତେବେଳେ ସୁନୀତା କେଜ୍ରିଓ୍ବାଲ ଖୋଲାଖୋଲି ଭାବେ ମୈଦାନକୁ ଆସିଯାଇଛନ୍ତି।