ପ୍ରମୁଖ ଖବର
  • ସାଲେପୁର : ବିପୁଳ ପରିମାଣର ଚୋରା ବିଦେଶୀ ମଦ ଜବତ, ବେପାରୀ ଫେରାର
  • ||
  • ଚାନ୍ଦବାଲିରୁ ଶାହାଙ୍କ ହୁଙ୍କାର । ଚିଟଫଣ୍ଡ ଦୁର୍ନୀତିଖୋରଙ୍କୁ ଜେଲ ପଠାଇବୁ, ଓଡ଼ିଶାରେ ଡବଲ ଇଞ୍ଜିନ ସରକାର ଗଢିବୁ
  • ||
  • ବାଣୀବିହାର ସତସଙ୍ଗ ପାର୍କ ଆଗରେ ପୋଲିସ ଗାଡ଼ି ଦୁର୍ଘଟଣା, ୭ ଆହତ
  • ||
  • ମିଜୋରାମରେ ପ୍ରବଳ ବର୍ଷା ଯୋଗୁ ଭୁଷୁଡିଲା ପଥର ଖଦାନ, ୧୦ ଶ୍ରମିକ ଚାଲିଗଲା ଜୀବନ, ଏକାଧିକ ଆହତ
  • ||
  • ଇଣ୍ଡିଗୋ ବିମାନରେ ବୋମା ଆତଙ୍କ,ଏମର୍ଜେନ୍ସି ଡୋର ଦେଇ ବାହାରିଲେ ଯାତ୍ରୀ
  • ||
  • ମୁମ୍ବାଇ ବିମାନବନ୍ଦର, ତାଜ ହୋଟେଲ ଉଡ଼ାଇବାକୁ ଧମକ, ଉତ୍ତରପ୍ରଦେଶରୁ ଆସିଥିଲା କଲ୍
  • ||
  • ଉପକୂଳରେ ଜୋରଦାର ପ୍ରଚାର, ମଙ୍ଗଳବାର ବାଲେଶ୍ବରରେ କାର୍ତ୍ତିକ୍ ପାଣ୍ଡିଆନଙ୍କ ଶକ୍ତି ପ୍ରଦର୍ଶନ
  • ||
  • ଆମେରିକାରେ ଘୂର୍ଣ୍ଣିଝଡ଼ ରଚିଲା ତାଣ୍ଡବ, ୨୨ ମୃତ,ଶତାଧିକ ଆହତ, ୧୦ କୋଟି ଲୋକ ପ୍ରଭାବିତ
  • ||
  • ରଥଖଳା ହାଲ୍‌ଚାଲ୍‌...ବୁଧବାର ରଥ ତ୍ରୟର ଚକ-ଅଖ ଡ଼େରା ନୀତି, ଚକକୁ ସୁରକ୍ଷା ଦିଏ ପନ୍ଦାରି ଚାବି
  • ||
  • କଟକ ଚାନ୍ଦବାଲି ରାସ୍ତାରେ OSRTC ବସ୍-ସ୍କୁଟି ମୁହାଁମୁହିଁ ଧକ୍କା, ଆଖିବୁଜିଲେ ଜଣେ ମହିଳା
  • ||
  • ମେ’ ୩୧ ସୁଦ୍ଧା କେରଳ ଛୁଇଁବ ମୌସୁମୀ: ଦେଶରେ ଅଧିକ ବର୍ଷିବ, ଓଡ଼ିଶାରେ ନିଅଣ୍ଟିଆ ବର୍ଷା ଆକଳନ
  • ||

ରାମଦେବଙ୍କୁ ସୁପ୍ରିମକୋର୍ଟରୁ ମିଳିଲା ଆଶ୍ୱସ୍ତି, କହିଲେ ଯୋଗ ଭଲ କିନ୍ତୁ ପତଞ୍ଜଳି ଉତ୍ପାଦ..

ନୂଆଦିଲ୍ଲୀ,୧୫ /୫ : ଯୋଗଗୁରୁ ବାବା ରାମଦେବ ଓ ପତଞ୍ଜଳି ନିର୍ଦ୍ଦେଶକ ଆଚାର୍ଯ୍ୟ ବାଳକୃଷ୍ଣଙ୍କୁ ମିଳିଛି ଆଶ୍ୱସ୍ତି। ପତଞ୍ଜଳିର ବିଭ୍ରାନ୍ତିକର ବିଜ୍ଞାପନ ମାମଲାରେ ରାମଦେବ ଓ ବାଳକୃଷ୍ଣଙ୍କୁ ବ୍ୟକ୍ତିଗତ ରୂପେ ହାଜର ହେବା ଉପରେ ସୁପ୍ରିମକୋର୍ଟ ଆଶ୍ୱସ୍ତି ଦେଇଛନ୍ତି। କେବଳ ଏତିକି ନୁହେଁ ରାମଦେବ ବାବାଙ୍କ କେବଳ ଏତିକି ନୁହେଁ ଯୋଗ କ୍ଷେତ୍ରରେ ବାବା ରାମଦେବଙ୍କ ଅବଦାନକୁ କୋର୍ଟ ମଧ୍ୟ ପ୍ରଶଂସା କରିଛନ୍ତି। ତେବେ ବାବା ରାମଦେବ ଏବଂ ବାଲକ୍ରିଷ୍ଣାଙ୍କୁ କୋର୍ଟ ଅବମାନନା ମାମଲା ଚାଲିବ କି ନାହିଁ ସେନେଇ ନିଷ୍ପତ୍ତି ସଂରକ୍ଷିତ ରଖାଯାଇଛି। ଏହାରି ମଧ୍ୟରେ  ହରିଦ୍ୱାରରେ ଥିବା ଏଫଏମସିଜି ଫାର୍ମ ବିରୋଧରେ କୋର୍ଟ ଆଉ ଏକ ସମାଲୋଚନାକାରୀ ମନ୍ତବ୍ୟ ଦେଇଥିବା ଜଣାପଡିଛି। 

କୋର୍ଟ ପତଞ୍ଜଳି ମାମଲାରେ ନିଜର ଆଦେଶ ସଂରକ୍ଷଣ କରି ବିଶ୍ୱ ପ୍ରସିଦ୍ଧ ଯୋଗଗୁରୁ ବାବା ରାମଦେବଙ୍କୁ ତାଙ୍କ ପ୍ରଭାବର ସଠିକ୍ ଉପାୟରେ ବ୍ୟବହାର କରିବାକୁ ପରାମର୍ଶ ଦେଇଛନ୍ତି। ଏଏନଆଇ ଅନୁଯାୟୀ କୋର୍ଟ କହିଛନ୍ତି ଯେ, ଜନସାଧାରଣ ସଚେତନ ଅଛନ୍ତି, ଯଦି ସେମାନଙ୍କ ପାଖରେ ବିକଳ୍ପ ଅଛି ତେବେ ସେମାନେ ଉଚିତ ବିକଳ୍ପ  ପସନ୍ଦ କରନ୍ତି ।  ବାବା ରାମଦେବଙ୍କର ବହୁତ ପ୍ରଭାବ ଅଛି, ଏହାକୁ ସଠିକ୍ ଭାବରେ ବ୍ୟବହାର କରନ୍ତୁ। ଯେତେବେଳେ ସଲିସିଟର ଜେନେରାଲ ତୁଷାର ମେହେତା କହିଥିଲେ ଯେ ବାବା ରାମଦେବ ଯୋଗ ପାଇଁ ଭଲ କାମ କରିଛନ୍ତି, ସେତେବେଳେ ସୁପ୍ରିମକୋର୍ଟ ଏକ ପ୍ରତିକୂଳ ମନ୍ତବ୍ୟ ଦେଇଛନ୍ତି। ସେହିପରି ଜଷ୍ଟିସ ହିମା କୋହିଲ କହିଛନ୍ତି ଯେ ଯୋଗ ପାଇଁ ଯାହା କରାଯାଇଛି ତାହା ଭଲ, କିନ୍ତୁ ପତଞ୍ଜଳି ଉତ୍ପାଦ ଏକ ଭିନ୍ନ କଥା।

ଗତବର୍ଷ ଇଣ୍ଡିଆନ ମେଡିକାଲ ଆସୋସିଏସନ (ଆଇଏମଏ)ବାବା ରାମଦେବଙ୍କ ପତଞ୍ଜଳି ଆଧୁନିକ ଚିକିତ୍ସା ବିରୋଧରେ ମାନହାନି ଅଭିଯାନ ଆରମ୍ଭ କରିଥିବା ନେଇ  ମାମଲା ରୁଜୁ କରିଥିଲା ।  ଏଥିରେ କୁହାଯାଇଛି ଯେ ପତଞ୍ଜଳିର ଉତ୍ପାଦ ରୋଗରୁ ମୁକ୍ତି ଦେଇପାରେ ବୋଲି କମ୍ପାନୀ ଦାବି କରୁଥିଲା । ଏହାପରେ କୋର୍ଟଙ୍କ ସମାଲୋଚନାମୂଳକ ମନ୍ତବ୍ୟ ପରେ କମ୍ପାନୀ ଗତବର୍ଷ ଏକ ଏଫିଡେଭିଟ୍ ଦେଇଥିଲା ଯେ ସେ ଏପରି ଦାବି କରିବା ଠାରୁ ଦୂରେଇ ରହିବ। ଚଳିତ ବର୍ଷ ଆରମ୍ଭରେ ସୁପ୍ରିମକୋର୍ଟ ଏହାକୁ  ଉଲ୍ଲଂଘନ କରିଥିବା ନେଇ ସୂଚନା ପାଇଥିଲେ । ଏନେଇ କୋର୍ଟ ରାମଦେବ ଏବଂ ବାଲକ୍ରିଷ୍ଣାଙ୍କୁ ଅବମାନନା ନୋଟିସ ଜାରି କରିଥିଲା। ତିନି ଜଣଙ୍କ ଦ୍ୱାରା ନୋଟିସର ଜବାବ ଦେବାରେ ବିଫଳ ହେବା ପରେ କୋର୍ଟ ଏହି ଦୁଇ ଜଣଙ୍କୁ ବ୍ୟକ୍ତିଗତ ଭାବେ ହାଜର ହେବାକୁ ନିର୍ଦ୍ଦେଶ ଦେଇଥିଲେ । 

ସୁପ୍ରିମକୋର୍ଟଙ୍କ କଡା ଆଭିମୁଖ୍ୟ ଗ୍ରହଣ କରିବା ପରେ ବାବା ରାମଦେବ ଏବଂ ଆଚାର୍ଯ୍ୟ ବାଲକ୍ରିଷ୍ଣା ଖବରକାଗଜରେ ଦୁଇଥର ପୂର୍ଣ୍ଣ ପୃଷ୍ଠା କ୍ଷମା ପ୍ରାର୍ଥନାପତ୍ର ପ୍ରକାଶ କରିଥିଲେ। ଏହି ମାସ ଆରମ୍ଭରେ କୋର୍ଟ କ୍ଷମା ପ୍ରାର୍ଥନାକୁ ନେଇ ସନ୍ତୁଷ୍ଟ ପ୍ରକାଶ କରିଥିଲେ। ଏନେଇ ଗତକାଲି ତିନି ସପ୍ତାହ ମଧ୍ୟରେ ଏହି ପ୍ରସଙ୍ଗରେ ପତଞ୍ଜଳିଙ୍କଠାରୁ ସୁପ୍ରିମକୋର୍ଟ ଉତ୍ତର ମାଗିଛନ୍ତି। ଯେଉଁଥିରେ ପତଞ୍ଜଳି ଉତ୍ପାଦଗୁଡିକର ବିଭ୍ରାନ୍ତିକର ବିଜ୍ଞାପନ ପ୍ରତ୍ୟାହାର ପାଇଁ ନିଆଯାଇଥିବା ପଦକ୍ଷେପ ଦର୍ଶାଯାଇଛି। ପତଞ୍ଜଳିର ଓକିଲ କୋର୍ଟକୁ କହିଛନ୍ତି ଯେ, କମ୍ପାନୀ ସମସ୍ତ ପ୍ରତିବନ୍ଧିତ ଉତ୍ପାଦର ବିଭ୍ରାନ୍ତିକର ବିଜ୍ଞାପନକୁ ବନ୍ଦ କରିବାକୁ କହିଛି। 


  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.