ସାଲେପୁର, ୩୦।୪: ନିଖୋଜ ବ୍ୟକ୍ତିଙ୍କ ମୃତଦେହ ଉଦ୍ଧାର । ମୃତ ବ୍ୟକ୍ତି ଜଣକ ହେଲେ ପାଗା ଫାଣ୍ଡି ଅଧିନ ବାରଗୋଡ଼ିଆ ଜେନା ସାହିର ମନୋରଞ୍ଜନ ଜେନା । ମନୋରଞ୍ଜନ ଗତକାଲିଠାରୁ ନିଖୋଜ ଥିଲେ । ପରିବାର ଲୋକ ଗତକାଲି ବିଳମ୍ବିତ ରାତି ପର୍ଯ୍ୟନ୍ତ ଖୋଜାଖୋଜି କରିଥିଲେ । ହେଲେ ମନୋରଞ୍ଜନଙ୍କର କୌଣସି ପତ୍ତା ମିଳିନଥିଲା ।
ମଙ୍ଗଳବାର ସକାଳୁ କେନ୍ଦ୍ରାପଡ଼ା କେନାଲ ପାଗା ଫାଣ୍ଡି ଅଧିନ ପାଟପୁର ପୋଲ ନିକଟରେ ମୃତଦେହ କେନାଲରେ ଭାସୁଥିବାର ଲୋକେ ଦେଖିବାକୁ ପାଇଥିଲେ । ସ୍ଥାନୀୟ ଲୋକେ ମୃତଦେହକୁ ଦେଖି ପରିବାର ଓ ପୋଲିସକୁ ଖବର ଦେଇଥିଲେ । ପାଗଫାଣ୍ଡି ପୋଲିସ ପହଞ୍ଚି ମୃତଦେହକୁ ଜବତ କରି ଏକ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ କଟକ ପଠାଇ ତଦନ୍ତ ଆରମ୍ଭ କରିଥିବା ସୂଚନା ମିଳିଛି ।