ଗୋପାଳପୁର, ୨।୪ : ଲଟାବୁଦାରୁ ଯୁବକଙ୍କ ମୃତଦେହ ଉଦ୍ଧାର। ଗଞ୍ଜାମ ଜିଲ୍ଲା ଗୋପାଳପୁର ଥାନା ଅନ୍ତର୍ଗତ ଡୁରା ପଞ୍ଚାୟତର ପୁଟିପଦର ଗ୍ରାମରେ ଏଭଳି ଘଟଣା ଘଟିଛି। ମଙ୍ଗଳବାର ସକାଳେ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି। ଯୁବକଙ୍କୁ କେହି ହତ୍ୟା କରିଥିବା ସନ୍ଦେହ କରାଯାଉଛି।
ସୂଚନାନୁଯାୟୀ, ମୃତକ ଜଣଙ୍କ ହେଲେ ଡୁରା ପଞ୍ଚାୟତର ପୁଟିପଦର ଗ୍ରାମର ବିଶୁ ବେହେରା। ତାଙ୍କ ବୟସ ପ୍ରାୟ ୨୨ ବର୍ଷ ବୋଲି ଜଣାପଡିଛି। ଲଟାବୁଦାରେ ଯୁବକଙ୍କ ମୃତଦେହ ପଡ଼ିଥିଲା ବେଳେ ଶରୀରରେ କ୍ଷତ ଚିହ୍ନ ରହିଛି। ଗୋପାଳପୁର ଥାନା ଅଧିକାରୀ ଶରତ କୁମାର ମହାଲିକ୍ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛନ୍ତି। ସନ୍ଦେହରେ ଜଣେ ମହିଳାଙ୍କୁ ପୁଲିସ ଅଟକ ରଖି ପଚରାଉଚୁରା କରୁଛି।