କରଞ୍ଜିଆ, ୨୬।୫ : ବିଲରେ ହଲ କରୁଥିବା ବେଳେ ଟ୍ରାକ୍ଟର ଓଲଟି ଡ୍ରାଇଭରର  ମୃତ୍ୟୁ ଘଟିଛି। ଏପରି ଏକ ଘଟଣା ଘଟିଛି କରଞ୍ଜିଆ ଥାନା ଅନ୍ତର୍ଗତ କୁଞ୍ଜିଆ ଗ୍ରାମରେ । ଡ୍ରାଇଭର ଜଣକ ହେଲେ ଲାଲମୋହନ ମହାନ୍ତ। 

ବିଲରେ ହଳ କରୁଥିବା ବେଳେ   ଗୋଟିଏ ବିଲରୁ  ଅନ୍ୟ ବିଲକୁ ଟ୍ରାକ୍ଟର ନେଇ ଯାଉଥିବା ସମୟରେ ହଠାତ ଟ୍ରାକ୍ଟର ଟି ଓଲଟି ପଡ଼ିଥିଲା।   ଫଳରେ ଟ୍ରାକ୍ଟର ଡ୍ରାଇଭର ଲାଲମୋହନ ମହାନ୍ତ ଟ୍ରାକ୍ଟର ତଳେ ଚାପି ହୋଇ ଘଟଣା ସ୍ଥଳରେ ମୃତ୍ୟୁ ଘଟିଥିଲା।  ତେବେ ଘଟଣା ଘଟିବା ପରେ ଟ୍ରାକ୍ଟର ତଳେ ଚାପି ହୋଇଥିବା ବ୍ୟକ୍ତିଙ୍କୁ ସ୍ଥାନୀୟ ଲୋକେ ଉଦ୍ଧାର କରିବା ପାଇଁ ଚେଷ୍ଟା କରିଥିଲେ ବି ଉଦ୍ଧାର କରି ପାରି ନ ଥିଲେ। ତେବେ ବହୁ ଚେଷ୍ଟା ପରେ ୧୦୮କର୍ମଚାରୀ ଏବଂ ସ୍ଥାନୀୟ ଲୋକେ ବହୁ ବିଳମ୍ବରେ ତାଙ୍କୁ ଟ୍ରାକ୍ଟର ତଳୁ ଉଦ୍ଧାର କରିଥିଲେ ।  ସେତେବେଳେ ତାଙ୍କର ମୃତ୍ୟୁ ହୋଇ ସାରିଥିଲା ।   ଘଟଣା ସ୍ଥଳରେ କରଞ୍ଜିଆ ପୋଲିସ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଅଧିକ ତଦନ୍ତ ଜାରି ରଖିଛି   ।