ଫିରିଙ୍ଗିଆ ,୨୫।୮ :  ମୃତ୍ୟୁ ଏମିତିବି ଆସେ I ବିଲରେ ହଳ କରୁଥିବା ସମୟରେ ଟଳି ପଡିଛନ୍ତି ଜଣେ ଷାଠିଏ ବର୍ଷୀୟ ବୃଦ୍ଧ I ଏଭଳି ଏକ ଅଭାବନୀୟ ଏବଂ ଦୁଃଖଦାୟକ ଘଟଣା ଦେଖିବାକୁ ମିଳିଛି କନ୍ଧମାଳ ଜିଲ୍ଲା ଗୋଛାପଡା ଥାନା ଅଧୀନରେ ଥିବା ପଳାବୃଡି ପଞ୍ଚାୟତ ର ଆଟାଶ୍ରାମ୍ବୁ ଗାଁରେ I ତେବେ ମୃତକ ଜଣକ ଆଟାଶ୍ରାମ୍ବୁ ଗାଁର ଇତିକ କହଁର ।

ସୂଚନା ଅନୁସାରେ ବୃଦ୍ଧ ଜଣକ ରବିବାର ସକାଳୁ ନିଜ ବିଲକୁ ହଳ କରିବାକୁ ଯାଇଥିଲେ I ହଳ କରିବା ସମୟରେ ବିଲରେ ହିଁ ସେ ମୁଣ୍ଡ ବୁଲେଇ ପଡିଯାଇଥିଲେ I ଖବର ପାଇ ପରିବାର ଲୋକେ ତାଙ୍କୁ ଫିରିଙ୍ଗିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ I ମେଡିକାଲରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ I ଖବର ପାଇ ଗୋଛାପଡା ପୋଲିସ ଫିରିଙ୍ଗିଆ ମେଡିକାଲ ରେ ପହଂଚି ଶବ ଜବତ କରି ବ୍ୟବଚ୍ଛେଦ ପାଇଁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠେଇଛି। ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ପୋଲିସ ତଦନ୍ତ କରୁଛି।