ଆନନ୍ଦପୁର,୧୪/୬ : ପୋଖରୀରେ ବୁଡ଼ି ଯୁବକ ମୃତ । ମୃତକ ହେଲେ ଆନନ୍ଦପୁର ଉପଖଣ୍ଡ ହାଟଡିହି ବ୍ଲକ୍ ଧାନଘର ଗାଁର ଅନୁରାଗ ଜେନା । ପ୍ରକାଶ ଯେ, ଆଜି ସକାଳୁ ଅନୁରାଗ ଗାଁ ପୋଖରୀରେ ମାଛ ଧରୁଥିବା ସମୟରେ ହଠାତ୍ ପୋଖରୀରେ ବୁଡି ଯାଇଥିଲେ । ପରିବାର ଲୋକେ ଗାଁ ଲୋକଙ୍କ ସହାୟତାରେ ତାଙ୍କୁ ଉଦ୍ଧାର କରି ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରିଥିଲେ । ମାତ୍ର ସେଠାରେ ତାଙ୍କୁ ମୃତ ଘୋଷଣା କରାଯାଇଛି ।
ଅନୁରାଗଙ୍କ ଡାକ ନାମ ସୋନୁ ହୋଇଥିବାବେଳେ ସେ ଜଣେ ୟୁଟୁବର ବୋଲି ଜଣାପଡ଼ିଛି । ସେ ନିଜ ସାନ ଭଉଣୀ ଗାର୍ଗିଙ୍କ ସହ ଅନେକ ବ୍ଯଙ୍ଗ ଭିଡିଓ ସହ ଶିକ୍ଷଣୀୟ ଭିଡିଓ କରି ୟୁଟ୍ଯୁବରେ ଅପଲୋଡ କରିଛନ୍ତି । ଗାର୍ଗି ସୋନୁ ବ୍ଲଗ୍ ନାମରେ ୟୁଟ୍ଯୁବରେ ତାଙ୍କର ଅନେକ ଫଲୋଅର ଅଛନ୍ତି । ଅନୁରାଗଙ୍କ ଏଭଳି ଆକସ୍ମିକ ମୃତ୍ଯୁରେ ଭାଙ୍ଗି ପଡିଛନ୍ତି ପୁରା ପରିବାର ।