ଉମରକୋଟ ୧୨/୦୮: ବାଇକ୍‌ ଉପରେ ମାଡ଼ିଗଲା ଟ୍ରକ୍। ଦୁର୍ଘଟଣାସ୍ଥଳରେ ଚାଲିଗଲା  ସ୍ବାମୀ-ସ୍ତ୍ରୀଙ୍କ ଜୀବନ। ମୃତ୍ୟୁମୁଖରୁ ଅଳ୍ପକେ ବର୍ତ୍ତିଗଲା ନାବାଳକ ପୁଅ। ଏଭଳି ଅଭବାନୀୟ ଘଟଣା ନବରଙ୍ଗପୁର କୁନ୍ଦେଇ ଥାନା ଅନ୍ତର୍ଗତ ରାବଣାଗଡ଼ା ନିକଟରେ ଘଟିଛି। ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରିବା ବ୍ୟବଚ୍ଛେଦ ପାଇଁ ନିକଟସ୍ଥ ହସ୍ପିଟାଲକୁ ପଠାଇଥିବା ଜଣାପଡିଛି।

ସୂଚନା ମୁତାବିକ, ଆଜି ଥିଲା ଶ୍ରାବଣ ମାସରେ ଚତୁର୍ଥ ସୋମବାର ଲାଗି ସ୍ୱାମୀ-ସ୍ତ୍ରୀ ପୁଅ ବୋଲବମ୍ ଯାଇ ପାଣି ଢାଳି ବାଇକ୍ ଯୋଗେ ଫେରୁଥିଲେ । ଏହି ସମୟରେ କୁନ୍ଦେଇ ଥାନା ରାବଣାଗୁଡ଼ା ନିକଟରେ ଏକ ଟ୍ରକ ଦ୍ରୁତ ଗତିରେ ଆସି ବାଇକ୍ ଉପରେ ଚଢ଼ିଯାଇଥିଲା। ଯାହାଫଳରେ ବାଇକ୍ ଥିବା ବାପା ଏବଂ ମାଙ୍କ ମୃତ୍ୟୁ ହୋଇଥିବା ବେଳେ ପୁଅ ଛିଟିକି ପଡିଥିଲେ । ଏତେ ବଡ଼ ଦୁର୍ଘଟଣାରୁ ନାବାଳକ ପୁଅ ଅଳ୍ପକେ ବର୍ତ୍ତିଯାଇଛି । ମୃତକ ପରଚିପାରା ଗ୍ରାମର ଅଜିତ ମଜୁମଦାର ଓ ଦୀପିକା ମଜୁମଦାର ବୋଲି ଜଣାପଡ଼ିଛି। ସେପଟେ ଦୁର୍ଘଟଣା ପରେ ଘଟଣାସ୍ଥଳରେ ଚାପା ଉତ୍ତେଜନା ଦେଖାଦେଇଛି । ପୋଲିସ ଦୁର୍ଘଟଣାସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରୁଛି ।