ନୂଆଦିଲ୍ଲୀ,୬/୨ : ପ୍ରେମ ଶାସ୍ବତ ଏବଂ ଚିରନ୍ତନ । ପ୍ରେମ ମାନେ ନି ବନ୍ଧ, ବାଡ଼ ଓ ବୟସ । ପ୍ରେମ ଆଗରେ ଜାତି-ଧର୍ମ, ଭେଦ-ଭାବ ଓ ସମ୍ପର୍କ ସବୁ କିଛି ଫିକା ପଡ଼ିଯାଏ । ସେଥିପାଇଁ ତ କୁହାଯାଏ ପ୍ରେମ ଅନ୍ଧ। ନା କେବେ ସେ ଶରୀରର ସୁନ୍ଦରତା ଦେଖେ ନା ଭଲ ଖରାପ। ଦୁଇଟି ସୁନ୍ଦର ହୃଦୟର ମିଳନରେ ପ୍ରେମ ଜାତ ହୋଇଥାଏ । ପେମ ପାଇଁ ଗୋଟିଏ ଦିନ କିମ୍ବା ଗୋଟିଏ ସପ୍ତାହ ନୁହେଁ । ତଥାପି କୁହାଯାଏ ପ୍ରେମ ପାଇଁ ବର୍ଷର ଗୋଟିଏ ସପ୍ତାହ ଉତ୍ସର୍ଗୀକୃତ।
ଫେବୃଆରୀର ମାସ ପ୍ରେମର ମାସ । ସପ୍ତାହର ସାତ ଦିନ କେବଳ ପ୍ରେମ ପାଇଁ । ପ୍ରେମୀ ଯୁଗଳ ହୁଅନ୍ତୁ କିମ୍ବା ଦମ୍ପତ୍ତି ଏହାକୁ ଚାହିଁ ବସିଥାନ୍ତି । ସ୍ମୃତିକୁ ସାଉଣ୍ଟିବେ, ସଜେଇବେ, ସୁନ୍ଦର କରିବେ । ପ୍ରତିଟି ଲୋକ ଏହି ଦିନକୁ କିଛି ଖାସ୍ କରିବାକୁ ଚାହିଁଥାନ୍ତି। ଜଣେ ଅନ୍ୟ ଜଣଙ୍କ ସହ ସମୟ ବିତାଇବାକୁ ପସନ୍ଦ କରିଥାନ୍ତି । ଗିଫ୍ଟ ସହ ପ୍ରତିଶ୍ରୁତିର ପାହାଡ଼ ଛିଡ଼ା କରି ଦେଇଥାନ୍ତି । ଏହି ସପ୍ତାହ ରୋଜ୍ ଡେରୁ ଆରମ୍ଭ ହୋଇ ଭାଲେଣ୍ଟାଇନ ଡେରେ ଶେଷ ହୋଇଥାଏ । ୭ଫେବୃଆରୀରୁ ନେଇ ୧୪ଫେବୃଆରୀ ପର୍ଯ୍ୟନ୍ତ ଏହି ସପ୍ତାହ ଭିନ୍ନ ଭିନ୍ନ କାହାଣୀ ଲେଖିଥାଏ । ଆସନ୍ତୁ ଜାଣିବା ଭାଲେଣ୍ଟାଇନ୍ସର ପୂରା ଲିଷ୍ଟ କେଉଁ ଦିନ ରୋଜ ଡେ, କେବେ ଟେଡି ଡେ ପାଳନ କରାଯିବ ଏବଂ ହଗଡେ କିମ୍ବା କିସ୍ ଡେ ପାଇଁ କେଉଁଦିନ ରହିଥାଏ ।
୭ଫେବୃଆରୀ- ରୋଜ ଡେ
୮ଫେବୃଆରୀ- ପ୍ରପୋଜ ଡେ
୯ଫେବୃଆରୀ- ଚକୋଲେଟ ଡେ
୧୦ଫେବୃଆରୀ – ଟେଡି ଡେ
୧୧ଫେବୃଆରୀ- ପ୍ରମିଜ ଡେ
୧୨ ଫେବୃଆରୀ- ହଗ୍ ଡେ
୧୩ଫେବୃଆରୀ-କିସ୍ ଡେ
୧୪ଫେବୃଆରୀ- ଭାଲେଣ୍ଟାଇନ୍ସ ଡେ
ଭାଲେଣ୍ଟାଇନ୍ସ ଡେର କାହାଣୀ ରୋମରେ ରହୁଥିବା ସେଣ୍ଟ ଭାଲେ, କାରଣ ସୈନିକଙ୍କୁ ବିବାହ କରିବା ଲାଗି ଅନୁମତି ନ ଥିଲା । କିନ୍ତୁ ସେ ଏହି ଦମ୍ପତ୍ତିଙ୍କୁ ନିଜ ଗାର୍ଡେନରୁ ଫୁଲ ନେଇ ଦେଉଥିଲେ ଏବଂ ସେବେଠାରୁ ଫୁଲ ପ୍ରେମର ନିବେଦନ ଏବଂ ଭାଲେଣ୍ଟାଇନ୍ସର ଏକ ଜରୁରୀ ଭାଗିଦାରୀ ହୋଇଯାଇଛି । ୧୪ଫେବୃଆରୀ ୨୬୯ର ଦିନ ସେଣ୍ଟ ଭାଲେଣ୍ଟାଇନଙ୍କୁ ମୃତ୍ୟୁଦଣ୍ଡ ଦିଆଯାଇଥିଲା । ଏହାପରଠାରୁ ପ୍ରତ୍ୟେକ ବର୍ଷ ଭାଲେଣ୍ଟାଇନ୍ସ ଡେ ପାଳନ କରିବାକୁ ଲାଗିଲେ । ଏହିଦିନକୁ କେବଳ ସେହି ଲୋକେ ମାନି ନ ଥାନ୍ତି ଯିଏ ଜଣେ ଅନ୍ୟ ଜଣଙ୍କୁ ବହୁତ ପ୍ରେମ କରିଥାନ୍ତି ବରଂ ସେହି ଲୋକ ବି ଯାହାଙ୍କର ପ୍ରେମ ନିଜର କୌଣସି ନିକଟ ବନ୍ଧୁଙ୍କଠାରେ ଅଛି, ଯାହାକୁ ଆମେ ପ୍ଲାଟେନିକ ଲଭ୍ ବି କହିଥାଉ । ସେହିଭଳି ଭାଲେଣ୍ଟାଇନ୍ସ ଦିନରେ ହିଁ ବହୁ ଦମ୍ପତ୍ତି ଜଣେ ଅନ୍ୟ ଜଣଙ୍କୁ ପ୍ରେମର ନିବେଦନ କରିଥାନ୍ତି ।