ଆଜିର  ବ୍ୟସ୍ତବହୁଳ ଜୀବନରେ ଆମେ ନିଜ ଶରୀର ପ୍ରତି ଠିକ୍ ଭାବରେ ଧ୍ୟାନ ଦେଇପାରିନଥାଉ। ଯେଉଁ କାରଣରୁ ମୋଟାପଣ ବଢିଥାଏ। ମୋଟାପଣ ସର୍ବପ୍ରଥମେ ପେଟରେ ହିଁ ଆସିଥାଏ। ଅସନ୍ତୁଳିତ ଖାଦ୍ୟପେୟ ଏବଂ ଶାରୀରିକ ଗତିବିଧିର ଅଭାବ କାରଣରୁ ହିଁ ବେଲିଫ୍ୟାଟ୍ ବଢିଥାଏ। ମୋଟାପଣ କାରଣରୁ କର୍ପୋରେଟ୍ ସେକ୍ଟରରେ କାମ କରୁଥିବା କର୍ମୀ ସବୁଠାରୁ ଅଧିକ ଚିନ୍ତାଗ୍ରସ୍ତ ହୋଇଥାନ୍ତି। କାରଣ ତାଙ୍କୁ ଲମ୍ୱା ସମୟ ପାଇଁ ଡେସ୍କରେ ବସିବାକୁ ପଡିଥାଏ। ଯାହାଦ୍ୱାରା ମେଟାବୋଲିଜିମର ଗତି କମିଥାଏ ଏବଂ ଖାଦ୍ୟ ଚର୍ବିରେ ପରିଣତ ହୋଇଯାଇଥାଏ। ତେଣୁ ଆପଣ ଅଫିସରେ ଦ୍ୱିପହର ଖାଦ୍ୟ ଖାଇବା ସମୟରେ କିଛି ଭୁଲକୁ ସୁଧାରିବା ଦ୍ୱାରା ପେଟରେ ବଢୁଥିବା ଚର୍ବିକୁ ରୋକି ପାରିବେ। 

ଡେସ୍କରେ ବସି ଖାଆନ୍ତୁ ନାହିଁ:- ଲଞ୍ଚରେ କରାଯାଇଥିବା ସମାନ୍ୟ ଭୁଲ୍ ବେଲିଫ୍ୟାଟ୍କୁ ବଢାଇଥାଏ। ଯଦି ଆପଣ ଡେସ୍କରେ ବସି ଖାଉଛନ୍ତି, ତେବେ ତାହା ମୋଟପଣର କାରଣ ହେବ । ଏଥିସହ  ଶରୀରକୁ ପୋଷଣତତ୍ତ୍ୱ ମଧ୍ୟ ମିଳିବନାହିଁ । ତେଣୁ ଏହି ଅଭ୍ୟସକୁ ପରିତ୍ୟାଗ କରନ୍ତୁ।

ଭୋଜନ ପରେ ୱାକ୍ କରନ୍ତୁ:- ମଧ୍ୟାହ୍ନଭୋଜନ ପରେ ସଙ୍ଗେସଙ୍ଗେ ବସନ୍ତୁ ନାହିଁ। ଭୋଜ ନପରେ ବସିବା ବା ଶୋଇବାଦ୍ୱାରା ଓଜନ ବଢିଥାଏ। ଏଥିପାଇଁ ଖାଇସାରିବା ପରେ ୩୦ ମିନିଟ ଚାଲନ୍ତୁ। 

ସୋଢା ଏବଂ କଫିର ସେବନ କରନ୍ତୁନାହିଁ:-ଭୋଜନ ପରେ ସୋଢା ବା କଫିର ସେବନଠାରୁ ଦୂରେଇ ରୁହନ୍ତୁ। ଏହା ଓଜନ ବଢାବାର ଏକ ମୁଖ୍ୟ କାରଣ ଅଟେ। କାରଣ ଏଥିରେ ଆର୍ଟିଫିସିଆଲ ସ୍ୱିଟ୍ନର୍ ରହିଥାଏ, ଯାହା କ୍ୟାଲୋରିକୁ ବଢାଇବାରେ ସାହାଯ୍ୟ କରିଥାଏ। ଏହାକୁ ଗ୍ରହଣ କରିବା ଦ୍ୱାରା ପାଚନକ୍ରିୟା ବିଗିଡିଥାଏ ଏବଂ ବେଲିଫ୍ୟାଟ୍ ବଢିଥାଏ।