ଭୁବନେଶ୍ୱର,୨୭/୦୯: ଏଣିକି ରାସନ କାର୍ଡରେ ମିଳିବ ଗହମ । ଅକ୍ଟୋବର ମାସରୁ ରାସନ କାର୍ଡ ହିତାଧିକାରୀଙ୍କୁ ଚାଉଳ ସହ ମିଳିବ ଗହମ । ଏହି ସୁବିଧା ଓଡ଼ିଶା ସମେତ ୯ ରାଜ୍ୟର ହିତାଧିକାରୀଙ୍କ ପାଇଁ ଉପଲବ୍ଧ ହେବ । ଏନେଇ ରାଜ୍ୟମାନଙ୍କୁ କେନ୍ଦ୍ର ଖାଦ୍ୟ ଓ ସାଧାରଣ ବଣ୍ଟନ ମନ୍ତ୍ରାଳୟ ପକ୍ଷରୁ ଚିଠି ଦିଆଯାଇଛି ।

ସୂଚନା ମୁତାବକ, କୋଭିଡ ପୂର୍ବରୁ ରାସନକାର୍ଡରେ ଚାଉଳ ସହ ଗହମ ଦିଆଯାଉଥିଲା । କିନ୍ତୁ କୋଭିଡ ପରଠାରୁ ଗହମ ଦେବା ବନ୍ଦ କରାଯାଇଥିବା ବେଳେ ତାହା ପରିବର୍ତ୍ତେ ଚାଉଳ ମିଳୁଥିଲା । ଏନେଇ କେନ୍ଦ୍ର ଖାଦ୍ୟ ଓ ସାଧାରଣ ବଣ୍ଟନ ମନ୍ତ୍ରାଳୟ ପକ୍ଷରୁ ଚିଠି ଦିଆଯିବା ପରେ ଏହି ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ଏଣିକି ଆସନ୍ତା ମାସ ଅର୍ଥାତ ଅକ୍ଟୋବର ମାସରୁ ରାସନ କାର୍ଡ ହିତାଧିକାରୀଙ୍କୁ ଚାଉଳ ସହ ଗହମ ମଧ୍ୟ ମିଳିବ । ଘରର ପ୍ରତ୍ୟେକ ସଦସ୍ୟ ପିଛା ଏହି ସୁବିଧା ଉପଲବ୍ଧ ହେବ । ଏନେଇ ବିଧାନସଭାରେ ବିଭାଗୀୟ ମନ୍ତ୍ରୀ ସୂଚନା ଦେଇଥିଲେ ।