ପ୍ରମୁଖ ଖବର
  • କେନ୍ଦ୍ରାପଡା : ପଟ୍ଟାମୁଣ୍ଡାଇ ଥାନା ବଡପଦା ଗାଁରେ ବରଯାତ୍ରୀଙ୍କୁ ପେଟ୍ରୋଲ ବାଣ୍ଟିବା ବେଳେ ଲାଗିଲା ନିଆଁ, ୫ ବର୍ଷର ଶିଶୁ ମୃତ
  • ||
  • ମଧ୍ୟପ୍ରଦେଶ କଂଗ୍ରେସ ସଭାପତି ପଦରୁ ଇସ୍ତଫା ଦେଲେ କମଲନାଥ
  • ||
  • ବଲାଙ୍ଗୀର : ଓଡ଼ିଶାରେ ସବୁଠୁ ବଡ଼ IT ରେଡ୍, ୨୦ ସ୍ଥାନରେ ଚଢାଉ, ବାହାରୁଛି ବସ୍ତା ବସ୍ତା ଟଙ୍କା
  • ||
  • ଘଟଗାଁ : ଯୁବକଙ୍କୁ ବିଭତ୍ସ ଭାବେ ହତ୍ୟା, କାରଣ ଅସ୍ପଷ୍ଟ
  • ||
  • କାଲିମେଳା : ଗାଁ ଦାଣ୍ଡରେ ପଡ଼ିଛି ଅଜଣା ବ୍ୟକ୍ତିଙ୍କ ମୃତଦେହ, ହତ୍ୟା ସନ୍ଦେହ
  • ||
  • ବ୍ରହ୍ମବରଦା : ମେଣ୍ଢା ଫାର୍ମ ହାଉସରେ ନିଆଁ ଲଗାଇଦେଲେ ଦୁର୍ବୃତ୍ତ, ୨୧ ମେଣ୍ଢା ଗୁରୁତର
  • ||
  • କଟକ: ଜନଶତାବ୍ଦୀ ଏକ୍ସପ୍ରେସ୍‌ର ବଗି ତଳେ ଲାଗିଲା ନିଆଁ, କଟକ ଷ୍ଟେସନରେ ଅଟକିଲା ଟ୍ରେନ୍
  • ||
  • ଭୁବନେଶ୍ୱର: ସ୍ୱାସ୍ଥ୍ୟ କର୍ମଚାରୀଙ୍କ ଆନ୍ଦୋଳନକୁ ନା’, ଆଗାମୀ ୬ ମାସ ପର୍ଯ୍ୟନ୍ତ ଲାଗୁ ହେଲା ଏସ୍‌ମା
  • ||
  • ଭୁବନେଶ୍ୱର: କାଲୁଆ କରିଦେଲା କୋହଲା ପାଗ, ଦିନ ତାପମାତ୍ରା ୫ ଡିଗ୍ରୀ ଖସିଗଲା
  • ||

ଜାଡେଜାଙ୍କ ସହ ହାତ ମିଳାଇଲେ... ଶାମୀଙ୍କୁ ଆଲିଙ୍ଗନ କଲେ, ଖାସ୍ ଅନ୍ଦାଜରେ ଖେଳାଳୀଙ୍କୁ ଭେଟିଲେ ପିଏମ୍ ମୋଦୀ

ଅହମ୍ମଦାବାଦ,୨୦/୧୧ : ଆଇସିସି କ୍ରିକେଟ ବିଶ୍ବକପର ଫାଇନାଲ୍ ମୁକାବିଲାରେ ଭାରତୀୟ ଟିମ୍ ୬ଓ୍ବିକେଟରେ ପରାଜୟ ହୋଇଛି । ଏହି ପରାଜୟ ଭାରତୀୟ ଦଳକୁ ତୃତୀୟ ଥର ଚାମ୍ପିୟନ ହେବାରୁ ବଞ୍ଚିତ କରିଛି । ସେହିଭଳି ଅଷ୍ଟେ୍ରଲିଆ ଟିମ୍ ଷଷ୍ଠ ଥର ଲାଗି ଚାମ୍ପିୟନ ହୋଇଛି   । ଏହି ପରାଜୟ ପରେ ଭାରତୀୟ ଖେଳାଳୀ ଏବଂ ଫ୍ୟାନ୍ସଙ୍କ ହୃଦୟ ଭାଙ୍ଗିଯାଇଛି । ଅଧିନାୟକ ରୋହିତ ଶର୍ମା, ବିରାଟ କୋହଲୀ ଏବଂ ମହମ୍ମଦ ସିରାଜଙ୍କ ଆଖି ଛଳଛଳ ହୋଇଯାଇଥିଲା । ଏହି ଦୃଶ୍ୟ ଦେଖି ଫ୍ୟାନ୍ସମାନେ ବି ଭାବୁକ ହୋଇଯାଇଛନ୍ତି । 

ଭାରତୀୟ ଟିମ୍‌ର ପରାଜୟରେ ପ୍ରଧାନମନ୍ତ୍ରୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବି ନିଜ ଖେଳାଳୀଙ୍କ ମନୋବଳ ବଢାଇବାକୁ ଡ୍ରେସିଂ ରୁମରେ ପହଞ୍ଚିଥିଲେ । ମହମ୍ମଦ ଶାମୀ ଏକ ଫଟୋ ସେୟାର କରିଛନ୍ତି ଯେଉଁଥିରେ ପ୍ରଧାନମନ୍ତ୍ରୀଙ୍କ ସହ ଆଲିଙ୍ଗନ କରି ବହୁତ ଭାବୁକ ହୋଇଯାଉଛନ୍ତି । ଶାମୀ ଏହି ଫଟୋକୁ ସେୟାର କରି ଲେଖିଛନ୍ତି କି, ‘ଦୁର୍ଭାଗ୍ୟପୂର୍ଣ୍ଣ ଭାବେ କାଲି ଆମ ଦିନ ନ ଥିଲା । ପୁରା ଟୁର୍ଣ୍ଣାମେଣ୍ଟ ସମୟରେ ଆମ ଟିମ୍ ଏବଂ ମୋତେ ସମର୍ଥନ କରିଥିବା ସମସ୍ତ ଭାରତୀୟ ଫ୍ୟାନ୍ସଙ୍କୁ ଧନ୍ୟବାଦ ଦେବାକୁ ଚାହୁଁଛି । ପିଏମଙ୍କ ପାଖରେ କୃତଜ୍ଞ ଯିଏ ବିଶେଷ ରୂପରେ ଡ୍ରେସିଂ ରୁମରେ ଆସି ଆମର ଉତ୍ସାହ ବଢାଇଥିଲେ । ଆମେ ପୁଣି ଫେରିବୁ। ’




ରବିନ୍ଦ୍ର ଜାଡେଜା ବି ପିଏମଙ୍କୁ ଭେଟି ଫଟୋ ସେୟାର କରିଛନ୍ତି । ଏହି ଫଟୋରେ ପିଏମ୍ ଜାଡେଜାଙ୍କ ସହ ହାତ ମିଳାଉଛନ୍ତି । ଜାଡେଜା ଲେଖିଛନ୍ତି କି, ଆମ ଟୁର୍ଣ୍ଣାମେଣ୍ଟ ବହୁତ ଭଲ ଥିଲା । କିନ୍ତୁ କାଲି ଆମେ ହାରିଗଲୁ । ଆମେ ସବୁ ଦୁଃଖିତ ଅଛୁ, କିନ୍ତୁ ଲୋକଙ୍କ ସମର୍ଥନ ଆମକୁ ମନୋବଳ ଦେଉଛି । ପିଏମ କାଲି ଡ୍ରେସିଂ ରୁମରେ ପହଞ୍ଚିବା ଯାହା ଆମ ପାଇଁ ବିଶେଷ ଏବଂ ବହୁତ ପ୍ରେରଣାଦାୟୀ ଥିଲା ।



ସେହିଭଳି ଶ୍ରେୟସ ଆୟର ବି ଏକ ଇମୋଶନାଲ ପୋଷ୍ଟ ସେୟ କରିଥିଲେ, ଶ୍ରେୟସ ଲେଖିଛନ୍ତି କି, ‘ଆମ ହୃଦୟ ଭାଙ୍ଗି ଯାଇଛି । ଏହା ଏବେ ବି ଶାନ୍ତ ହୋଇନାହିଁ ଏବଂ କିଛି ସମୟ ପର୍ଯ୍ୟନ୍ତ ଏହା ହେବ ବି ନାହିଁ । ଏହା ମୋର ପ୍ରଥମ ବିଶ୍ବକପ ଥିଲା ଯାହା ମୋତେ ବହୁତ କିଛି ଶିଖାଇଲା । ବିସିସିଆଇ ଟିମ୍ ମ୍ୟାନେଜମେଣ୍ଟ, ସହଯୋଗୀ ଷ୍ଟାଫ ଏବଂ ଫ୍ୟାନ୍ସଙ୍କୁ ଧନ୍ୟବାଦ ଯେଉଁମାନେ ଆରମ୍ଭରୁ ଶେଷ ପର୍ଯ୍ୟନ୍ତ ଆମକୁ ସମର୍ଥନ କରିଥିଲ । ପୁରା ଅଷ୍ଟେ୍ରଲିଆ ଟିମ୍‌କୁ ଶୁଭେଚ୍ଛା । 

ଅ‌ଷ୍ଟେ୍ରଲିଆ ଟିମ୍ ୮ମ ଥର ଫାଇନାଲ ମ୍ୟାଚ‌ ଖେଳିବାକୁ ଓହ୍ଲାଇଥିଲେ । ୧୯୭୫ରେ ଓ୍ବେଷ୍ଟଇଣ୍ଡିଜ ଏବଂ ୧୯୯୬ରେ ଶ୍ରୀଲଙ୍କାଠାରୁ ପରାସ୍ତ ହେବାକୁ ପଡ଼ିଥିଲା । ଯାହାକି ଅଷ୍ଟେ୍ରଲିଆ ଷଷ୍ଠ ଥର ୧୯୮୭, ୧୯୯୯, ୨୦୦୩, ୨୦୦୭, ୨୦୧୫ ଏବଂ ୨୦୨୩ରେ ବିଜୟୀ ହୋଇଛି । ୧୯୯୯ରୁ ୨୦୦୭ପର୍ଯ୍ୟନ୍ତ ଲଗାତର ଭାବେ ୩ଥର ଚାମ୍ପିଅନ ହୋଇଛି । 

 

  • prameyanews
  • PrameyaOdia
  • prameya
  • Copyright © 2022 - Summa Real Media Private Limited. All Rights Reserved.