ନୂଆଦିଲ୍ଲୀ - ଆଇନ ପେଶାର ଭବିଷ୍ୟତ ଏହି କଥା ଉପରେ ନିର୍ଭର କରିବ କି ଏଥିରେ ସଂପୃକ୍ତ ବ୍ୟକ୍ତି ନିଜର ସଚ୍ଚୋଟତା ବଜାୟ ରଖିଛନ୍ତି ନା ନାହିଁ । ଭାରତର ପ୍ରଧାନ ବିଚାରପତି (ସିଜେଆଇ) ଧନଞ୍ଜୟ ୟଶୱନ୍ତ ଚନ୍ଦ୍ରଚୂଡ ରବିବାର କହିଛନ୍ତି । ସତ୍ୟନିଷ୍ଠା ଓ ସଚ୍ଚୋଟ ଆଇନ ପେଶାର ମୂଳନୀତି ଏବଂ ଏହାର କଦର୍ଥ କରାଯିବା ଏହାସହ ସଂଶ୍ଳିଷ୍ଟ ଲୋକଙ୍କ ବ୍ୟବହାର ଉପରେ ନିର୍ଭର କରେ ବୋଲି ସେ କହିଛନ୍ତି।
ସିଜେଆଇ ଓକିଲ ଓ ବିଚାରପତିଙ୍କ ମଧ୍ୟରେ ସହଯୋଗ ବୃଦ୍ଧି : ଆଇନ୍ ପ୍ରକ୍ରିୟାକୁ ମଜବୁତ କରିବାର ଦିଗରେ ନାମକ ବିଷୟ ଉପରେ ଆୟୋଜିତ ଏକ କାର୍ଯ୍ୟକ୍ରମରେ ଏହି କଥା କହିଛନ୍ତି। ସେ କହିଛନ୍ତି କି ସଚ୍ଚୋଟତା ଗୋଟିଏ ଝଡ଼ରେ ନଷ୍ଟ ହୋଇ ଯାଏନି , ଏହା ଓକିଲ ଓ ବିଚାରପତିଙ୍କ ଦ୍ୱାରା ଉତ୍ତମ ବୁଝାମଣା ଓ ସମ୍ମାନରେ ସମୃଦ୍ଧ ହୋଇଥାଏ ।
ସିଜେଆଇ କହିଛନ୍ତି , ଆମର ପେଶା ଉତ୍ତମତା ବଜାୟ ରଖିବ ନା ସ୍ୱୟଂ ନଷ୍ଟ ହୋଇ ଯିବ ଏହା ନିର୍ଭର କରେ ଆମେ ଆମର ସଚ୍ଚୋଟତା ବଜାୟ ରଖୁଛେ ନା ନାହିଁ । ପ୍ରଧାନ ବିଚାରପତି ଚନ୍ଦ୍ରଚୂଡ କହିଛନ୍ତି ଆମେ ସମସ୍ତେ ନିଜର ବିବେକ ସହ ଶୋଇଥାଉ । ଆପଣ ପୂରା ଦୁନିଆକୁ ବୋକା ବନେଇ ପାରିବେ , କିନ୍ତୁ ନିଜର ବିବେକକୁ ବୋକା ବନେଇ ପାରିବା ନାହିଁ । ଏହା ପ୍ରତି ରାତିରେ ପ୍ରଶ୍ନ ପଚାରି ଥାଏ । ସଚ୍ଚୋଟତା ଆଇନ ପେଶାର ମୂଳମନ୍ତ୍ର। ସଚ୍ଚୋଟତାର ସହ ଆମେ ଜୀବିତ ରହିବା ନୁହେଁତ ନିଜକୁ ବିନାଶ କରିବା । ସେ କହିଛନ୍ତି ଓକିଲଙ୍କୁ ସମ୍ମାନ ସେତେବେଳେ ମିଳିଥାଏ , ଯେବେ ସେ ବିଚାରପତିଙ୍କୁ ସମ୍ମାନ କରିଥାନ୍ତି ଏବଂ ବିଚାରପତିଙ୍କୁ ସେତେବେଳେ ସମ୍ମାନ ମିଳିଥାଏ , ଯେବେ ସେମାନେ ଓକିଲଙ୍କ ସମ୍ମାନ କରିଥାନ୍ତି ତଥା ପରସ୍ପରର ସମ୍ମାନ ସେତେବେଳେ ହୋଇଥାଏ , ଯେବେ ଏହା ଅନୁଭବ ହୋଇଥାଏ କି ଉଭୟ ନ୍ୟାୟର ଅଂଶ ବିଶେଷ।
