ଦାରିଙ୍ଗବାଡି,୨୭/୨ : ଦାରିଙ୍ଗବାଡି ପଞ୍ଚାୟତ ପରିସର ମଧ୍ୟରେ ମିଶନ ଶକ୍ତି ସୁଧ ଫେରସ୍ତ ଓ ୟୁନିଫର୍ମ ସହାୟତା କାର୍ଯ୍ୟକ୍ରମ ଅନୁଷ୍ଟିତ ହୋଇଯାଇଛି । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବ୍ଲକ ଅଧକ୍ଷ ସୁଶାନ୍ତ ପ୍ରଧାନ ଯୋଗ ଦେଇଥିବେ ବେଳେ ମୁଖ୍ୟବକ୍ତା ଭାବେ ବିଡ଼ିଓ ଗଦାଧର ପାତ୍ର ଯୋଗ ଦେଇଥିଲେ । ଅତିଥି ଭାବେ ଦାରିଙ୍ଗବାଡି ଏସବିଆଇ ବିଏମ ବ୍ରଜକିଶୋର ପାଢ଼ୀ, ପଞ୍ଜାବ ନ୍ୟାସନାଲ ବ୍ୟାଙ୍କ ବିଏମ ମିହିର ରଞ୍ଜନ ଭରତ, ବିଏଲ୍ଏଫ୍ ସଭାନେତ୍ରୀ ରଶ୍ମିଦେବି ନାୟକ ପ୍ରମୁଖ ଯୋଗ ଦେଇଥିଲେ ।  କାର୍ଯ୍ୟକ୍ରମରେ ୧୦ ଗୋଟି ମହିଳା ଗ୍ରୁପଙ୍କୁ ଷ୍ଟେଟ ବ୍ୟାଙ୍କ ପକ୍ଷରୁ ବ୍ୟାଙ୍କ ଋଣ ପ୍ରଦାନ କରାଯାଇଥିବା ବେଳେ ୭ ଜଣ ବ୍ୟାଙ୍କ ମିତ୍ରଙ୍କୁ ଲ୍ୟାପଟପ୍ ବଣ୍ଟନ କରାଯାଇଥିଲା । ଏଥି ସହିତ ସଠିକ୍ ସମୟରେ ଋଣ ପରିଶୋଧ କରିଥିବା ୩୦୦ ଗ୍ରୁପ ମହିଳାଙ୍କୁ ସୁଧ  ଫେରସ୍ତ କରାଯାଇଥିଲା  ।  ୟୁନିଫର୍ମ ସହାୟତା ଓ ବ୍ଲେଜର ପାଇଁ ସହାୟତା ପ୍ରଦାନ କରାଯାଇଥିଲା । ଶୂନ୍ୟ ସୁଧରେ ୧୦ ଲକ୍ଷ ପର୍ଯ୍ୟନ୍ତ ଲୋନ୍ ମିଳିବା ନେଇ ଘୋଷଣା କରାଯାଇଥିଲା । ଓଏଲ୍ଏମ ବିପିଏମ ପିଣ୍ଟୁ ନାୟକ ଓ ମିଶନ ଶକ୍ତି ବିପିସି ସୋରଜ ଦିଗାଲ କାର୍ଯ୍ୟକ୍ରମ ପରିଚାଳନା କରିଥିଲେ ।  କାର୍ଯ୍ୟକ୍ରମରେ ସିଆରପି,ଏମବିକେ, ବ୍ୟାଙ୍କ ମିତ୍ର ସମେତ ମହିଳା ମାନେ ଉପସ୍ଥିତ ଥିଲେ ।