ବାଉଁଶୁଣୀ, ୧୭/୯: ବୌଦ୍ଧ ଜିଲ୍ଲା ବାଉଁଶୁଣୀଠାରେ ୨୮ ତମ ବାବା ବିଶ୍ଵକର୍ମା ପୂଜା ଅନୁଷ୍ଠିତ ହୋଇଯାଇଛି । ମିଳିଥିବା ସୂଚନା ଅନୁଯାୟୀ, ଆଜି ରବିବାର ଦିନ ବାଉଁଶୁଣି ଶାଖାର ଟାକ୍ସି ଷ୍ଟାଣ୍ଡଠାରେ ବିଶ୍ଵକର୍ମା ପୂଜା ପାଳିତ ହୋଇଯାଇଛି । ୭ ଗୋଟି ପଞ୍ଚାୟତକୁ ନେଇ ଗଠନ ହୋଇଥିବା ବାଉଁଶୁଣୀ ଶାଖା ତରଫରୁ ଚଳିତ ବର୍ଷ ୨୮ ତମ ବାବା ବିଶ୍ଵକର୍ମା ପୂଜା ମହାଆଡମ୍ବରରେ ପାଳିତ ହେଉଥିବା ଶାଖା ସଭାପତି ଆନନ୍ଦ ଖଟୁଆ କହିଛନ୍ତି । ରବିବାର ସକାଳୁ ବାଘ ନଦୀରୁ ପୂଜା ମଣ୍ଡପ ପର୍ଯ୍ୟନ୍ତ ଏକ କଳସ ଯାତ୍ରା ଅନୁଷ୍ଠିତ ହୋଇଥିଲା । ସମସ୍ତ ଡ଼୍ରାଇଭର କଳସିରେ ପାଣି ଆଣି ପୂଜା ମଣ୍ଡପରେ ରଖିଥିଲେ । ଏହା ପରେ ପୂଜା କାର୍ଯ୍ୟ ଆରମ୍ଭ ହୋଇଥିଲା । 

ବିଶ୍ଵକର୍ମା ବାବାଙ୍କ ନିକଟରେ କର୍ତ୍ତା ରତ୍ନାକର ମହାକୁଳ ସପତନୀ କାଜଲ ମହାକୁଲ ଥିବା ବେଳେ ଅଷ୍ଟ ପ୍ରହରୀ ନାମ ଯଞ୍ଜ କୁଣ୍ଡରେ କର୍ତ୍ତା ଭାବରେ ଆନନ୍ଦ ଖଟୁଆ ଓ ତାଙ୍କ ଧର୍ମପତ୍ନୀ ରିନା ଖଟୁଆ ଥିବାବେଳେ ପୂଜକ ଶ୍ରୀକାନ୍ତ ପାଣିଗ୍ରାହୀ, ଭାବରେ ହରେକୃଷ୍ଣ ପୁରୋହିତ, ହେମାନନ୍ଦ ପୁରୋହିତ, ବିବେକାନନ୍ଦ ପୁରୋହିତ ପ୍ରମୁଖ ପୂଜାକାର୍ଯ୍ୟ ତୁଲାଇଥିଲେ । ସକାଳୁ ଅଷ୍ଟପ୍ରହରୀ ନାମ ଯଜ୍ଞ ଅନୁଷ୍ଠିତ ହୋଇଥିଲା । ପ୍ରଥମେ ଜମଟାଙ୍ଗି କିର୍ତ୍ତନ୍ୟ ମଣ୍ଡଳି ଅଧିବାସ କରିଥିଲେ । ୨୦ ଦଳ କିର୍ତ୍ତନ୍ୟ ମଣ୍ଡିଳି ଯୋଗଦାନ କରିବେ ବୋଲି ସଭାପତି ଆନନ୍ଦ ଖଟୁଆ କହିଛନ୍ତି । ସଭାପତି ଆନନ୍ଦ ଖଟୁଆ, ବ୍ଲକ ସଭାପତି ପଦ୍ମଲୋଚନ ମହଲା ,ଆନନ୍ଦ ଦାସ, ବିନୋଦ ସାହୁ,ଚିନୁ ମେହେର ଙ୍କ ସମେତ ବହୁ ଡ୍ରାଇଭର ସହଯୋଗ କରିଥିଲେ ।