ଫୁଲବାଣୀ, ୧୯/୩ : ଜନ୍ମରୁ ଭିନ୍ନକ୍ଷମ, କଥା କହି ପାରନ୍ତି ନାହିଁ । ପ୍ରମାଣ ପତ୍ର ମଧ୍ୟ ଅଛି । ହେଲେ ଭିନ୍ନକ୍ଷମ ଭତ୍ତାଟିଏ ପାଇଁ ବାରମ୍ବାର ବ୍ଲକ, ପଞ୍ଚାୟତ କାର୍ଯ୍ୟାଳୟକୁ ଦୌଡ଼ୁଛନ୍ତି। ହେଲେ ସୁଦ୍ଧା ଆଜି ପର୍ଯ୍ୟନ୍ତ ଭତ୍ତାଟିଏ ମିଳିନାହିଁ। ଶେଷରେ ମଙ୍ଗଳବାର ଦିନ ଜିଲ୍ଲାପାଳଙ୍କୁ ସାକ୍ଷାତ କରି ଭିନ୍ନକ୍ଷମ ଭତ୍ତାଟିଏ ମଞ୍ଜୁର କରାଇବା ପାଇଁ ଗୁହାରୀ କରିଛନ୍ତି ବାପ ଝିଅ। ଏଭଳି ଘଟଣା ଘଟିଛି ଚକାପଦା ବ୍ଲକ ଅନ୍ତର୍ଗତ ଅର୍ଚାଙ୍ଗି ଗ୍ରାମରେ।
ଅଭିଯୋଗ ଅନୁଯାୟୀ, ଚକାପଦା ବ୍ଲକ ଅନ୍ତର୍ଗତ ଅର୍ଚାଙ୍ଗି ଗ୍ରାମର ବିମଳ ବେହେରାଙ୍କ ଝିଅ ସୁନୀତା ବେହେରା (୨୩ ବର୍ଷ) ଜନ୍ମରୁ ମୂକ ବଧିର। ଭିନ୍ନକ୍ଷମ ଭତ୍ତା ପାଇଁ ବ୍ଲକ ପଞ୍ଚାୟତ କାର୍ଯ୍ୟାଳୟରେ ଆବେଦନ କରିଥିଲେ। ହେଲେ ତାଙ୍କୁ ଭତ୍ତା ମିଳି ନଥିଲା। ବାରମ୍ବାର ଅଭିଯୋଗ କରି କରି ନୟାନ୍ତ ହେବା ପରେ ଶେଷରେ ସୁନୀତା ଓ ତାଙ୍କ ପିତା କନ୍ଧମାଳ ଜିଲ୍ଲାପାଳ ଆଶୀଷ ଈଶ୍ୱର ପାଟିଲଙ୍କୁ ଭେଟି ଅନୁରୋଧ କରିଛନ୍ତି।