ପ୍ରମୁଖ ଖବର
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୁତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

ଇଡି ଆକ୍ସନ ପରେ ଝାଡଖଣ୍ଡ ମୁଖ୍ୟମନ୍ତ୍ରୀ ନିଖୋଜ: ଦିଲ୍ଲୀ ବାସ ଭବନରୁ ମିଳିଲା ନଗଦ ୩୬ ଲକ୍ଷ ଟଙ୍କା କ୍ୟାସ୍, ବିଏମ୍‌ଡବ୍ଲୁ କାର

ନୂଆଦିଲ୍ଲୀ,୩୦।୧:ଝାଡଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ୍‌ଙ୍କ ଦିଲ୍ଲୀସ୍ଥିତ ବାସଭବନରେ ପ୍ରବର୍ତ୍ତନ ନିର୍ଦେଶାଳୟ(ଇଡି)ର ଚଢାଉ। ସୋମବାର ଇଡିର ଚଢାଉ ବେଳେ ‌ସୋରେନଙ୍କ ବାସଭବନରୁ ନଗଦ ୩୬ ଲକ୍ଷ କ୍ୟାସ୍ ସହିତ କାର ଓ ଜରୁରୀ କାଗଜପତ୍ର ମିଳିଛି। ତେବେ ମୁଖ୍ୟମନ୍ତ୍ରୀଙ୍କ ସହ ତଦନ୍ତକାରୀ ଏଜେନ୍ସିର ସାକ୍ଷାତ ହୋଇପାରିନି। ରବିବାର ପର୍ଯ୍ୟନ୍ତ ହେମନ୍ତ ସୋରେନ୍ ଦିଲ୍ଲୀରେ ଥିବାର ସୂଚନା ଥିଲା। 

ଇଡି ଟିମ୍ ସୋମବାର ସକାଳେ ଦିଲ୍ଲୀର ଶାନ୍ତି ନିକେତନରେ ଥିବା ସୋରେନଙ୍କ ବାସଭବନରେ ପହଁଞ୍ଚିଥିଲା। ଟିମ୍ ସେଠାରେ ପ୍ରାୟ ୧୩ ଘଣ୍ଟା ପର୍ଯ୍ୟନ୍ତ ଥିଲା। ଏହି ସମୟରେ ହେମନ୍ତ ସୋରେନ୍ ତାଙ୍କ ଘରେ ନଥିଲେ। ଚଢାଉ ବେଳେ ୩୬ ଲକ୍ଷ ଟଙ୍କା କ୍ୟାସ୍‌ ଜବତ କରାଯାଇଥିଲା। ହରିୟାଣା ନମ୍ବର ପ୍ଲେଟ ଥିବା ଏକ ବିଏମ୍‌ଡବ୍ଲୁ କାର ମଧ୍ୟ ମିଳିଛି, ଯାହାକି ବେନାମୀ ନାଁରେ ରେଜିଷ୍ଟର୍ଡ ରହିଛି। ଏହାଛଡା କିଛି ଜରୁରୀ କାଗଜପତ୍ର ମିଳିଛି।

ଇଡି ଆକ୍ସନ ପରେ ହେମନ୍ତ ସୋରେନ୍ ଏବେ ନିଖୋଜ। ସେ ଏବେ କେଉଁଠି ଅଛନ୍ତି ତାହା କାହାକୁ ଜଣାନାହିଁ। ଏପରିକି ସେ ତାଙ୍କ ଫୋନ୍‌କୁ ମଧ୍ୟ ବନ୍ଦ କରିକି ରଖିଛନ୍ତି। କିଭଳି ଏକ ରାଜ୍ୟର ମୁଖ୍ୟମନ୍ତ୍ରୀ ଇଡି ଡରରେ ନିଖୋଜ ହୋଇଯାଇଛନ୍ତି ତାକୁ ନେଇ ବିଜେପି ପ୍ରଶ୍ନ ଉଠାଇଛି। ତେବେ ଝାଡଖଣ୍ଡ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ଏକ ମେଲ୍‌ ଆସିଛି, ଯେଉଁଥିରେ ଉଲ୍ଲେଖ କରାଯାଇଛି ହେମନ୍ତ ସୋରେନ୍‌ ୩୧ ଜାନୁଆରୀରେ ରାଞ୍ଚି ସ୍ଥିତି ଇଡି କାର୍ଯ୍ୟାଳୟରେ ପହଁଞ୍ଚି ତଦନ୍ତରେ ସହଯୋଗ କରିବେ। ଜମି ଦୁର୍ନୀତି ମାମଲାରେ ଏପର୍ଯ୍ୟନ୍ତ ସୋରେନ୍‌ଙ୍କ ନାଁରେ ୧୦ଟି ସମନ୍ ଯାଇ ସାରିଲାଣି, ତଥାପି ସବୁ ଥର ସେ ଏହାକୁ ଅଣଦେଖା କରି ଚାଲିଛନ୍ତି।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.